بعد مُرور وقت طويل جداً،اكتشفت إن الأطمئنان أهم حاجه ممكن الواحد يحس بيها،يعني لو أنت مطمن بربك ومعاك ناس بتطمنك دايماً هتعمل كُل حاجه وأنت مقتنع بيها وواثق بال بتعمله ومش مهزوز أبداً،لو أنت عكس كُل دا هتعيش فى خوف وقلق واضطراب دايماً وعقل هيقولك دايماً حاجات غريبه عكس ال أنت عاوزها ف هتتشت وهتقُف مكانك،فحاول تبقى مطمن دايماً وتطمن ال حواليك.
الواحد يبقى قاعد فى أمانة الله،فجأه ربك يمن عليك بالفرحه والأنبساط بدون أى سابق إنذار،الِ هوا نهاية يومك تبقى بشئ حلو،والأحلى من كدا يبقى السبب فى كدا أشخاص؛يستحقوا كُل الحُب الِ فى الكوكب كُله.🖤
الواحد بيحب نفسه لما يعترف قُدام نفسه بالحاجات الِ هوَ عاوز يغيرها جواه للأحسن،وإنك تحبى نفسك بإنك تعملي كل الِ يحسسك إنك كويسه وحاسه بالراحه من جواكى بيه،تعملى أى حاجه تبسطك وتخليكى سعيده وتبقي مع ال بيحبوكى وبتحبيهم،بجانب كُل دا طبعاً قُربك من ربنا.
انا مش جميله وكل الناس بينتقضوني ومش بحب نفسي وبحس الناس مش بيحبوني وتعبت جدا
ال بينتقضك عشان شكلك دا شخص ناقص مفيش كلام!فأخسريه ومتفكريش فيه ثانيه واحده،ولو زاد عند حدُه اكسريه!لأمن بكل إختصار من لا يرحم لا يُرحم! وحُبك لنفسك أهم من أى حاجه،لأن بكدا هتحبى كُل حاجه في حياتك.
هما الاتنين حاجه مش كويسه أكيد،بس الحقد بيحول أى حاجه مهما كانت حلوه إلى اللاشئ فى ثانيه،والحقد قادر يخليك مكروه وسط الكُل،لكن الأنانيه مُمكن مع الوقت ميبقاش لها وجود وتفهم إنك مش أنت الوحيد ال كُل حاجه ملكلك!