خطيبي بيطنش المواسم برغم انه بيفضل يقوللي قبل كل موسم هجيبلك هديه و هعملك كذا و انا مبقوللوش هاتلي حاجه و اتكرر الموضوع حوالي ٤ مرات.. برغم اني جبتله هدايا قبل كده و لمامته هو كده بخيل او مش مقدرني؟؟
اللي بيعمل مبيقولش دي قاعده
الله اعلم ممكن تكون ظروفه مش احسن حاجه انت ادري بيه من اي حد بس ذوقيا مفروض يجيبلك حاجه ف اي مناسبه حتي لو بسيطه لكن لو مش بيعمل كده ممكن يبقي فعلا بخيل
يا اما بخيل يا اما بينسي كتير😂😂
ممكن يكون معهوش فلوس
مايمكن ظروفه بتبقي وحشة وقتها ومبيقدرش يجيبلك حاجه وبعدين الحب مش بالهدايا ،وكمان انتوا دلوقتي مخطوبين واكيد وراه تجهيز شقة وعفش وحاجات كتير وبدل ما يجيبلك هدية يستفاد بالفلوس دي ويخلص الشقة
اي البخل ده
استخيري تاني كتير اوي لأنه مش هيبان اذا كان بخيل او لا غير بعد الجواز ...ده اولا
ثانيا ليه اصلا تبقي مستنيه منه مواسم او هدايا او حتى تقبليها منه؟؟انتِ لسه ف بيت اهلك ولسه مخطوبين ليه يصرف عليكِ ويكلف ويدفع اي حاجه يدفعها الافضل تكون ف مصارييف الجواز....وسيبك من حوار الخروجات والهدايا واعياد الميلاد والمواسم والعيديه والهبل ده
مصارييف بغباء ع الفاضي ومعظمها على حاجات حرام اصلا وغير انه هيأثر عليكِ جدا جدا ف رأيك وانك تكملي معاه ولالا
متركزيش في الحاجات دي جايز مضغوط في الشقه وبتاع في متحطيش في دماغك الكلام دا
بصي بعيدا عن اي حاجه هو مش فرض عليه يجيب حاجه ف المواسم او غيره كل دي شكليات
ثانيا خطيبك طالع ميتينه علشان تتجوزوا ف بنسبه كبيره الهدايا والكلام ده هيبقى فوق طاقته ف ياريت تقدري ده ومتفكريش فيه ولا تسأليه ومدام بيقولك انه هيجيبلك قبلها يبقى الراجل عنده النيه بس الظروف مش مساعده ف متسأليش ولا تفكري ولا تجيبي انتي كمان حاجه ف المناسبات علشان متحرجيهوش
قوليله انتي كمان قبل المواسم هجيبلك وماتجيبيش 🤭
لا ده سفه منك ومنه عشان مواسم ايه وزفت ايه
ياولاد الجواز ده مش كل حاجه فيه بتدور حوالين الفلوس والهدايا وجاب ولا ماجابش خاصة في ظروف الشباب اللي بقت زي الزفت دي ارحموا نفسكوا من المقارنه والتنظير ده لو انتي عاوزه واحد غني ماكنتيش توافقي من الاول اكرم له وارحم من التنظير التعبان ده
+ 2 💬 messages
read all
