@mohamedqotp1

mohamed qotp

Ask @mohamedqotp1

Sort by:

LatestTop

Say kind words If u can!🦩

hossamnada10002380’s Profile PhotoNada's:)
كنت انتظر السقوط!!
كنت اعلم جيدا انني سوف اسقط ، كنت انظر من على حافه الهاويه ، ؟!
في الحقيقة كنت اقصد ان انظر، وكنت اتمايل عن قصد لكي اسقط !!.
هناك وردة في الاسفل لم ارى مثلها في حياتي .
وقد علمت انه لا سبيل للوصول لها سوى السقوط
وها انا اسقط...........🖤🖤

كتبت ايه عن قسوة الرحيل 😞😢

في تمام الساعة الثانية صباحا هنا كانت القاضية كانت بداية النهاية، بداية الاشياء التي كانت من المفترض ان تكون الاشياء المنجية، ان تكون القشة التي اتعلق بها لتنقذني من الغرق عميقا. او كما يقولون طوق النجاه من الهلاك.....
ولكن ماذا حدث !!؟
القشة التي كنت سأتعلق بها لتنقذني تحولت الى القشة التي قسمت ظهر البعير!!.
اصبحت الطلقة الوحيده والاخيره في السلاح الموجه نحو صدري، وقد ضغط على الزناد الشخص الوحيد الذي كنت اتخيل انه من سوف ينقذني. الشخص الذي كنت انتظر ان يسحبني بالقشة التي كنت اتعلق بها من الغرق.
|قطب|

Related users

نزل. اخر حاجه كتبتها please ❤️

تيك تاك تيك تاك….
تلك الدقات كانت الاعلى صوتا بالغرفه، لقد كنت اترقب الساعة طوال الوقت من الصباح.
الساعة الان الثانيه عشر الا ربع قبل منتصف الليل، انتظر ان تاتي الثانيه عشر بالدقيقة.
الانتظار هو الاسوء دائما، خاصه اذا كان هذا الانتظار هو الاخير لدي!!!
انت لا تفهم ماذا اقصد!.
في العاشرة صباحا اوقفتني امرأه عجوز في الشارع
دار بيننا حوار كالتالي…..
- قرب مني يا يوسف
~ انت عارفه اسمي ازاي
- انا اعرف عنك كل حاجه وعن غيرك كمان
حتى اعرف سر الفلوس الي سرقتها من مامتك الصبح ....
في ذالك الوقت شعرت بخوف يشق قلبي ويرعد جسدي جعلني اريد انا اعرف من تلك المرأه
وسالتها
~ انت مين ؟!
- مش مهم انا مين المهم بنسبالك انك تعرف ان اساعه ١٢ بالظبط في نص الليل هتبقى ميعاد موتك
~ ااااه طيب روحي اعملي الدجل ده على حد غيري سلام
- افتكر يا يوسف هيبقى ميعاد موتك.
مع تصنعي للبرود الى أن الرعب كان أقرب لي من اي وقت مضى.
وانا الان أنتظر و تبقى من الوقت ٣٠ ثانيه ، صوت دقات الساعه اعلى من اي شيء سمعته من قبل
انها الثانيه عشر الأن .............
لم امت!! ماذا!!!؟؟؟
كنت منهارا من السعاده
بعد فرحتي العارمه وقفزي المستمر وتكسيري للاشياء حولي توقفت فجاه، مع ملامح الصدمه على وجهي
ادركت وقتها انني لم امت الان، لكنني ميت منذ زمنا طويل من الاساس.
لأنني ببساطه لم افكر الا بنفسي طوال إنتظاري لميعاد الموت.!!!
لم الهف لرؤيه وتقبيل امي لتوديعها
لم التفت لأبي لأودعه واشكره على ما قدمه لي
حتى لم اعبر عن حبي الاخير لمن كنت احبها
والاهم لم اسرع لطلب عفو ومغرفه ربي الذي كنت سوف اقابله منذ دقيقة.
لم اهتم باحد غير نفسي كنت اهتم بان لا اموت فقط.
ولكنني بالفعل ميت من الاساس
من عاش لنفسه فقط كانه لم يعش.
العجوز لما تخبرني بميعاد موتي بل بميعاد قتلي،
انها لم تكن دجاله بل قاتله وتعرف من تقتل بدقه.
||قطب||

View more

انت فينك فجأة اختفيت!؟💔😑

بعد ٦١ يوم متواصلين في الجيش
نزلت أجازه اول مره اكون بعيد عن أهلي وأصحابي وكل حبايبي
الناس الي كنت بصحى أشوفهم لأول مره في حياتي ما يبقوش جنبي
بعد الساعة والثانية والوقت اللي كان بره بيجري كانه ملهوف ماكنش عندي بيعدي
محتاج مكالمه من أمي في وسط الحزن والضيقة والخنقة الي مكتومة أكيد صوت أمي اللي هيهدي
وبعد ١١ يوم بلياليهم أخير هكلم أمي وهسمع صوت الروح اللي فاهماني
الو …. إزيك يا ماما وحشاني اكتر من اي حاجه في الدنيا
كنت بكلمك في خيالي يوميا وبحس ان انتي سمعاني
فاكرك في كل ثانيه فاكرك في كل ثانية وكان قلبي مطمن لان عارف انك عمرك في يوم ما كنت نسياني
وردت امي كالتالي ٠٠٠٠٠٠
مالك ياقلب ماما
صوتك مااله متأثر وقلبك كانه متكسر حالتك شكلها تحسر
زعلانه منك لأنك أقوى بكتير يدوبك بعيد عننا ولوحدك قول كام يوم
ليه صوتك نبرته واطيه وحاسه بضعف في كلامك
وكأنك جسم مسموم
مش ده الراجل اللي رابيته وعلمته ديما من الهم او الخوف يكون معصوم
فوق دلوقتي في الحال اوعاك اشوفك في يوم مكسور كده وحزين لأن حالك عند اللي خلقك اكيد معلوم
قرب منه بزياده وصدقني لا هيسيبك في يوم خايف ولا هيسيبك حتى في يوم مهموم
رديت بكسوف من أمي …
انا اسف اتأثرت لان دي اول مرة اكون بعيد عنكم وعن اصحابي وكل حبايبي
و بعد ما كنت كل يوم اصحى اشوفكم لأول
مره في حياتي ما تبقوش جنبي
||قطب||

View more

📭💌 رسالة منسية في صندوق بريد

sa8eralsalt’s Profile PhotoBaker Haitham
رسالة منسية في صندوق بريدي.!!
اصبحت لا أقرأ الرسائل المرسولة لي منذ فترة كبيرة،
ولكن كان الصندوق يبدو فارغا على اي حال.
وبعد سنوات من الاستقرار في هذا المنزل اليوم سوف اغير عنواني.
سأرحل بعيدا ابعد مكان يمكنني الذهاب اليه.
هنا قد رفضتني اكثر بشرية احببتها،
رفضتني بكلمات قاسية
قالت :ستظل مجرد صديق فلا امل لي في ان احبك يوما !.
وبعد النقطة انتهى كل شيء.
والان اذهب.
...بعد الرحيل مالك المنزل الذي كانت اسكن فيه يفتح صندوق بريدي ويجد رسالة موجودة منذ شهر!.
مكتوب بها: [ اعتذر لك ارجوا ان تسامحني، لم ادرك انه سيأتي وقت و احبك فيه. بعد رحيلك شعرت انني فقدت روحي الان ادركت انك اكثر ما احببت!، ولكني كنت عمياء لا ارى ذلك.]
..لكنني رحلت ولم اقرأ هذه الرسالة فأنا الان في ابعد مكان امكنني الذهاب اليه والى الان لا اعلم حتى بانه كان هناك رسالة منسية في صندوق بريدي.
||قطب||

محمد ما تقولنا حاجة رومانسية كتبتها من فضلك ❤

لقد وضعت لي في طبق السلطة بضع قطرات من زيت الزيتون الخاص بها،
وابتسمت لي وقالت : لقد وضعت لك من اكثر شيء احبه.
لقد وضعت لي من اكثر شيء تحبه !!
ما اجمل زيت الزيتون الخاص بها.❤
||قطب||

عايز تقول ايه لربنا ؟❤

يارب انا اسف!
كنت عامل فيها مش سامع
وعامل فيها مش شايف
عامل فيها جبروت ومتعالي
لكن دلوقتي انا خايف
خايف اكون واحد ذنبه مش مغفور
و اكون ملهي و بالدنيا دي مبهور
واجي في وقت من خيبتي اموت مقهور
يارب بنادي بعد نبحة صوتي بشوية
انا مكسور
لو اقدر اوصف ذنبي من حجمه
هيبقى ذنب مهول

ايوة انا المخلوق الي ظلم نفسه
انا المخلوق الي كنت جهول
||قطب||

لَ شّـذٌى حروُفُگ🕊🦋

yousefmalkawi7886’s Profile Photoيوسف الملكاوي
عندما كان يريد الاقتراب مني قد وصف لي كل عيوبي الكبيرة، فقط ليعلمني انه احبني بالرغم من كل هذه العيوب.
وعندما اراد ان يرحل قد اتى بنفس هذه العيوب لتكون حجة وسبب قوي لتركي.!!
تذكرني بمن اختارت ان تحب لصا،
لكنها تركته لانه يسرق!!؟
فلماذا قد اختارت انت تحبه من البداية !!؟؟.
أليس غريب!!.
||قطب||

ما تنزل شعر بقى يا عم بقالك كتير ما نزلتش!!😅

العقل لما فاق قال للقلب
فاكر لما كنت جبان

فاكر لما كنت بقولك ابعد
وانا هعودك على النسيان

حبيت انبهك عشان ما تكونش
قلب بطلت دقاته من الاحزان

بس انا عاذرك ما احنا ما اخترناش
نبقى اعضاء جوه جسم الانسان
مشكلتنا غبائنا اصل ديما بنحط الثقة
في حد ما عمره كان له امان
||قطب||
ولا تزعل صبر نفسك بالكام بيت ده على الخفيف كده لان الي جاي تقيل 🖤

حاجة غريبة ؟!!

مفارقة غريبة جدا غير مفهومة!!
انه لا يسعني الكون بكامله والعالم باسره اشعر انه صغير وغير مريح.!
ولكن في المقابل تسعني غرفتي الضيقة !!!!!!!

تقول ايه لشخص أذاك ؟

سنموت لا محالة.
بعدها سنقف انا وانت امام خالقنا، سوف أخذ منك وسوف تأخذ مني، وبعد ان ننتهي جميعا، سوف نساق لأخر مستقرا لنا والى الابد، عند رؤيتنا ما نستحق هل وجوهنا ستكون ناصعة مشرقة لجمال المشهد، ام سيكون هناك انعكاس للهيب الجحيم في اعيننا. اعدك انني اسامحك لكي لا ترى حتى لون الجحيم، واتنمني منك نفس الشيء.
لنعمل لذاك اليوم.

‏تدي نفسيتك كام دلوقتي من 10 ؟!🙂

Esraa_abdo72’s Profile PhotoËšr Ää
السؤال ده صعب جدا جدا.
عشان اعرف ادي لنفسي قيمة رقمية تكون صحيحة! انا هحتاج مش اقل من اسبوع اراجعل كل حاجة في شخصيتي و وكل حاجة بالمقارنة بالماضي بتاعي ودلوقتي. وبعد كل ده هقارنهم بثوابت من الصح والغلط في النهاية هطلع بتقيم رقمي قريب جدا من شخصيتي. لكن في العموم بعد كل ده انا متاكد اني مش هاخد اكتر من 4 او 5 من 10.
ده مش رقم صغير على فكرة مفيش حد فينا هيجيب 10 من 10 لان ده كمال ومفيش حد هيجيب 9 لان ده شيء اقرب من المستحيل. انما انا كل سننين وتجارب بزيد درجة وده الطبيعي .

___❤️

Zezy768’s Profile PhotoZeynep
من المواقف الرخيصة جدا وغير المفهومة بنسبة ليا.
هتلاقيها بتحصل في الافراح او خطوبات او حتى بعض الحفلات، وهي ان الي ماسك المايك يقول الي بيحب النبي يرفع ايده لفوق لا لفوق اوي عشان ده النبي مش اي كلام.
او ال بيحب النبي يسقف.!!
والاقذر يلا اصحاب العريس و اصحاب العروسة الي بيحب النبي يقوم يرقص!!!!!!!
انت بتقول ايه انت واعي ولا سايب لسانك حر طليق زي البهائم. وهل ده وقت او موقف يتذكر فيه اسم سيد الخلق .؟!
وقتها بتكتشف فجأة من العدم، هو انا ايه الي نزلني من البيت عشان اسمع بشر بيتكلموا ؟؟؟!!

+ 1 💬 message

read all

أترك رسالة 📜✉️🌵

لقد كنت اعتني بكل هذه الاشياء وحدي!
انظري! كنت اعتني بِكِ كل هذا الوقت وحدي بدون ان اتفوه بكلمة.
كنت اعتني بمشاعرك كنت اهتم بتفاصيلك. وكنت اعلم إَنَّكِ لَسْتِ بخير و بدون ان اشعرك كنت افعل المستحيل لأجعلك مبتسمة،
كنت كالأب لك اكثر من محب.
هل تعلمي ماذا حصلت مقابل كل هذا!؟.
لا شيء.!!
لا لن اكذب لقد حصلت ، حصلت على القسوة ثم القسوة .
انظري الى كل هذا جيدا،
لأنني لن اعتني بكل هذه الاشياء مرة اخرى.
|قطب|

ليه لما قربنا منهم اوي ما طلعوش زي ما كنا نتخيل ؟

لقد رأيتهم عن قرب وهذا كان اكبر خطئ.
عندما تقترب ترى الأشياء بوضوح، وهذا يجعلك من المستحيل رؤيتها كما كانت مرة اخرى .
في الماضي ان سالت احد ما هي النجوم.؟! ستجد من يقول انها ملائكة! ، او انها مصابيح جميلة مزخرفة، او انها ارواح جميلة لأناس نحبهم وتركوا عالمنا والان زينوا السماء بانوارهم!. ولكننا بعد اقتربنا منها اكتشفنا انها مجرد كتلة مشتعلة من النيران سوف تحرقك بمجرد الاقتراب منها اكثر .
نحن نرى من بعيد ما نتمناه ، ولكن عن قرب نرى الحقيقة، ...
|قطب|

+ 1 💬 message

read all

قول حاجة رومانسية بمناسبة عيد الحب ❤

كنت اراها في كل الاشياء البسيطة.
كنت اسمع صوتها في كل الكلمات الرقيقة. كنت اشعر بروحها في كل الأطفال الصغيرة.
لا بل كانت ابسط كانت ارق وكانت مهما كبرت تظل صغيرة🖤.
||قطب||

-----🖌👑

انت كنت عارف كويس انه الطريق الغلط، كنت عارف انه الشخص الغلط ،و كنت فاهم وعارف وواعي كويس. لكن كنت بتخفي الحقيقة جواك ديما كنت بتكتم الصوت الي جوك الي بيقولك الطريق ده والشخص ده غلط ، كنت بتخلق المبررات والاعذار والحجج عشان تعرف تراضي الصوت المزعج ده جواك ، كل ده عشان ترضي هواك الي في النهاية كان اول حاجة داست عليك بمنتهى القسوة،
حقك فعلا تزعل وتحزن لكن انت حتى حزين بطريقة غلط وبتحزن على الشيء الغلط ، حزنك الحقيقي المفروض يكون من نفسك انها حاولت بكل جهد انها تكتم صوت الحقيقة جواك.
العمر مافضلش فيه كتير عشان تمشي طريق غلط او تحاول ع شخص غلط.

حاجة جديدة اتعلمها استفاد بيها ف الاجازة !!🚲

Zezy768’s Profile PhotoZeynep
السؤال ده حلو جدا.
هقولك حاجة تتعلمها هتستفاد بيها جدا ، ممكن تشوفها حاجة تافهة واني مكبر الموضوع، لكن حرفيا دي واحدة من اهم الحاجات الي هتعملها في حياتك.
وهي انك هتتعلم تنام بدري وتصحى بدري، هتنام ١٠ بالكتير اوي ١١ وهتصحى قبل الفجر بربع ساعة هتصلي ركعتين وهتقرأ قرآن لحد الفجر وبعد صلاة الفجر يومك هيبتدي.قدامك ١٧ ساعة على النوم تخيل كمية الوقت الكبير ده هيخليك تنجز وتتعلم ايه ، وشوف شكلك هيتغير ازاي ومودك وهرموناتك عشان انت بس مشيت على الطريقة الي وضعها الخالق لنا . لانه عز وجل قال (وجعلنا نومكم سباتا (9)وجعلنا الليل لباسا(10)وجعلنا النهار معاشا(11)) صدق الله العظيم.
اوعى تخالف الكتالوج.

+ 3 💬 messages

read all

تفتكر تستاهل انك تتحب

Wafaaesmail4751’s Profile PhotoLOZA
كل شخص في الدنيا يستاهل انه يتحب وكده كده هيتحب في يوم من الايام ، الحب اسبابه مختلفة جدا من شخص لشخص .
يعني مثلا ما تقولش انا مش حلو اوي محدش هيحبني بسبب نظرتك الضيقة جدا عن الحب حطيت نفسك في خانة ان ماحدش هيحبك لانك وحش ، لكن الحقيقة غير كده لان فيه ناس هتحبك عشان اسباب تاني هو بيهتم بيها اكتر ، زي مثلا بيحبك عشانانت عاقل او هادي او دمك خفيف او حاجات كتيرة جدا تانية. يعني ربنا بجلالة قادرة بيحبك ، هتيجي على شوية بشر وتسأل هل بيحبوك ولا لا او هتتحب ولا لا.

خايف ؟😢

خايف ومن خوفي
خوفت في يوم اكون خواف
عارف الخوف الي بيخوف
قادر يخوف حد عمره ما خاف

ومن شدة خوفي قدامي الناس
كانت خايفة لكني برده كنت بخاف
بخاف يزيد خوفي!
بس اخاف من ايه تاني اكتر من الي اتخاف
|قطب|

+ 3 💬 messages

read all

اللهم اجعلنا ممن تفائل بخيرك فأكرمته، وتوّكل عليك فكفيته، ولجأ إليك فأعطيته، واستغاث بك فأغثته.

rihamebrihem’s Profile PhotoRĚMaa
وان لم تكرمنا من يكرمنا يا الله .
وان لم نتوكل عليك على من نتوكل يا الله.
ولمن نلجأ بعدك يا خالقي.
ولمن نستغيث به فيغثنا يا بارئي.

هو ليه ال app ده عليه رسائل جنسيه قذره انا لسه عامله البروفايل؟!!

theunknownge’s Profile Phototheunknownge
دي ضريبة الحرية المطلقة لأي حاجة ، على ال ask ، تقريبا مسموح بكل حاجة تقولها بأي لفظ واي طريقة وده بيسمح لكتير من الشمامين يطلقوا عنان مرضهم علينا سواء بالسب او بأي ايحاء جنسي ، بس شخصية اقذر منهم وهو الي عامل نفسه محترم وبيبدأ ياخد الموضع خطوة خطوة بدون ما يبين في البداية انه قذر بمنتهى الخبث .
لو عايزين المكان ده حلو لان فكرته حلوة جدا مبنية على خلق النقاشات محدش يبقى سالبي ويعمل report على اي حد من دول و block عشان ينضف.

+ 1 💬 message

read all

سؤال: ما هو ردّك على شخص يهددك بالرحيل؟!

اذا تود الرحيل !؟
بعد كل هذه الليالي وبعد كثير من صباح الخير!، بعد كل هذه الاحلام والخطط التي رسمناها معا!.
بعد كل الوعود وكل الصعاب التي هزمناها!. حسنا حسنا ارحل،
ولكن اوعدني انك لن تترك احد يغازلك بعدي انا لن اتحمل هذا. لن تسمح لأحدا ان يقترب منك مثلي، لن تتشارك الاحلام والوعود والحديث مع شخص اخر.
اتعدني بذلك ؟
وحتى ان وعدتني فأنت وعدت بالبقاء من قبل و الان ترحل ، فلماذا قد توفي بهذا الوعد!؟
اذا ارحل.

Space.🖤

لا تترك شخص تشعر معه بالسعادة، و البساطة بالارتياح ،بكثيرا من البهجة،
والشغف و العطاء،
لا تتركه ابدا.
يمكن ان يكون هو من يمدك بكل هذا، هو مصدر طاقتك المتجددة. وانت لاتعلم، وتظن ان كل هذا نابع منك انت بكل بساطة. فكن حذرا ان تخسر كل هذا.
فمن يعلم ربما لايعرف القمر انه
يعكس الضوء من الشمس.

Space 🎯

اخيرا لم اعد شجرة.
اصبحت استطيع التحرك والتنقل لم اعد مربوطا بتربة ، ولن احتاج لمن يسقيني، ولن اموت اذا جفت الارض. ولكني ايضا لن اثمر مرة اخرى!! ، لن انبت الورود الفواحه، ولن اجعل العالم اجمل بألواني،
لن أنقي نسيم الهواء ولن ولن ولن..............!!!!
افعلا سأكون سعيدا بعد ان لا اصبح شجرة!!؟.

Make a wish 💬

id16x5’s Profile PhotoOla Ahmed
اللهم اني لا اريد امنية او دعوة في هذه الدنيا .
فإن طلبت الصحة فهي لن تدوم ، وان طلب المال فهو لن يبقى ،وان طلبت الدنيا بكاملها فهي فانية.
ما اطلبه هو رضاك عني و مغفرتك لي وان تجعلنا من اهل الجنة انا وكل الامة المؤمنة .

كلية تمريض كويسة للبنت؟

مفيش كلة كويس للبنت وتانية كويسة للولد.
انما في كلية كويسة ليك انت ايا كان انت مين ، كلية مناسبة لشخصيتك لقدراتك لشغفك لمستقبلك. اقعد مع نفسك وشوف انت موهوب في ايه بتحب ايه شايف نفسك هتقدر تنجخ وتستمر في ايه واختار الكلية الي مناسبة لكل ده. وسيب من كلام الناس .

اخذ الحق فن ❤️❤️❤️❤️

hala217456’s Profile PhotoHala
انا بشوف ان في معظم الوقت اخذ الحق ضعف.
لانك ببساطة ما بتحسش بالراحة غير لما تاخد حقك وهتفضل متضايق ومغلول لحد لما تاخده وده ضعف. الله تعالى بيقول (و الذين يجتنبون كبائر الإثم والفواحش واذا ما غضبوا هم يغفرون)
لو قادر تاخد حقك اقوى حاجة تعملها العفو.
واكبر دليل على ان من العفو هو القوة، ان افضل من يعفو ويغفر ويرحم هو الله، هو في حد اقوى من ربنا

+ 15 💬 messages

read all

بتشوف النقاب رجعية فعلا وللكبار في السن؟

انت حر ما لم تضر . ده لو كان الضرر للناس
انما لو ضرر نفسك كمان فأنت حر مالم تضر وما لم تعصي الخالق.
الانسان حر يعمل الي هو عاوزه طالما مش هيؤذيك او يؤذي نفسه .يلبس نقاب يبني حواليه سور هو حر .

هي الحياة وحشة ليه ؟💔

بريئة الحياة براءة الذئب من دم يوسف،
بريئة الحياة براءة طفلة لا تسطيع الكلام،
بريئة كأحد حاول نجدة قتيلا وبعدها اتهم بقتله،
اذا من المذنب؟ من يقرأ !
ام من يكتب ؟!
اعتقد بأنه من يصمت.

‏‎بص احيانا بنغلط غلطة كبيرة في حق نفسنا...

احيانا !!؟
احنا الي بنؤذي انفسنا مش اي حد تاني،
احنا الي بنقلل من انفسنا ، بنتعب انفسنا، وبرده احنا الي بنفرح انفسنا ، واحنا الي بننقذ انفسنا،
كل حاجة بتحصلنا احنا لينا طرف فيها بشكل او بأخر ،
لو لا نتحكم في انفسنا ، يبقى ربنا هيحاسبنا ليه ؟؟!!

قولنا حاجة من الخواطر الي بتكتبها 💖

لقد كنت اعتدي على نفسي كثير،
اعتدي على نفسي مرارا وتكرارا،
اعتدي على كرامتي، على هويتي، على طاقتي، ومن اجل ماذا ؟
لا شيء !!.
فقد ادركت انه من يتسبب في اعتدائي على نفسي لا يستحق شيء .📜

محتاجه شويه بوزيتف انرجي عشان انا نفسياً مش تمام خالص و هاين عليا اختفي من الدنيا و ما فيها💔

حاول ديما الطاقة الايجابية تديها لنفسك انت الي تطلع نفسك من الي انت فيه انت الي تسعد نفسك ما تحتاجش لحد

هو ازاي ممكن احس بالرضا عموما..وازاي أرضى بالكلية اللي انا دخلتها ... عدى ترم كامل و ازداد كرهي ليها وبقيت بحس طول الوقت ان ربنا - حاشاه - بيظلمني بأنه وداني مكان أنا مبحبوش ومادنيش القدرة اني حتى اقبله او احبه ..

للاسف ربنا ما اختارش ليك الكلية دي انت الي اختارتها انت الذاكرت انت الي جيبتي الدرجات وانت الي شوفت الكليات الي تناسب درجاتك واختارت واحدة منهم ما تجيبش الذنب على ربنا لانه مش السبب حقيقي.
من اصعب الحاجات ان الانسان يرضى باختيار غلط هو اختارة مش هقولك ارضى بيه بس تسامح معاه لانه اكيد علمك ولو عندك مقدرة تغير لحاجة هتحبها اعمل.

سيب Message لحد ف بالك انت مش عارف تكلمه!

Esraa_abdo72’s Profile PhotoËšr Ää
هو انا مش مش عارف، لا الحقيقة انا مش عايز اكلمه.
بس هقوله،
سأظل احترمك، وستظل مكانتك لدي كما هي، وسأظل اذكرك بكل خير فأذكرني بكل خير مثلي،
ولكنك ايضا ستظل لا تصلح لي.

+ 2 💬 messages

read all

ليه مش عارفه الاقي نصي التاني؟

عشان مش لاقية نصك الاولاني اصلا مش لاقية نفسك .
بطلي تدوري على نصك التاني واهتمي بحياتك وانجزاتك الي هتنفعك وهو هيجي لواحده من غير تدوير

Next

Language: English