صراحة , ما أتمنى أقابل أحد من الماضي , ولا أتمنى أقابل أحد انقطعت بيني و بينه الصلة .كنت في وقت مضى , أتمنى أقابل كذا أديب , دوستويفسكي, نجيب محفوظ ... لكن هالحين كل الي افكر به , هو من أبي اقابل في المستقبل, لا بد يكون مختلف عن كل اللي قابلتهم , أحتاج يكون مممم مدهههههههششش
لمن أكون مركز , أو في سكون, و يجي صوت إزعاج, اكثر شيء يعصب بي . لمن أشتغل , و يجي أحد يبي يكمل شغلي . لمن أشتغل برضه و يجي أحد يشغلني و يقلقني . لكن هالثنتين الأخيرات ما يخلن العصبية تبين علي . أمسك روحي لكني مووولع مرة .
السؤال اللي قبله مني بس نسيت احط _ ترا في التويتر رسالة ارسلتها وما جاوبت علي =\
هلا بتس و الله , توي انتبه للرسالة اللي هناك و الله . ممم اشياء ما استغني عنها , دخاني , جوالي , و بوكي , مفتاح سيارتي , مستحيل اتركها , لازم في جيبي . هذا على صعيد الأشياء المادية . على صعيد الأشياء الوشسميه (( ما ادري وش تسمى ههههه )) مممم ما أستغني عن القراءة ما اقدر استغني لدرجة إني اذا تركتها فترة , اقول يا الله وش فيني وش صار لي :S احس القراءة من نعم الله علي .. مممم ما استغني عن التفكير في الكتابة , في كل وقت راسي يشتغل افكر في شيء اكتبه , و احب هذي الحالة مرة, و اتعب لو كان مخي فاضي ما فيه فكرة نص او مقاله او موضوع .. هذا اللي براسي الحين ههههههه و لو ذكرت شيء , باكمل لتس . يالله عطين السؤال اللي بعده << مشتهي مرة يحتسي
أهلا , رجعت . ممم احتاج أفصل في إجابة هذا السؤال ..لمن أكون قلق, لابد لابد إني أكون لحالي , ما ابي أحد حولي , ما ابي يدري عن وش انا قلق منه , ولا ابي ابين له إني قلق . و بكذا يصير التعب تعبين اذا كنت مع الناس و أنا قلق من أمر ما , تعب القلق و تعب الإخفاء . أفضل الوحدة في أوقات ممارسة نشاطاتي, لأنها تتطلب أن أمارسها وحدي, و لأني أفقد التركيز إذا كنت ابي أمارس هالنشاطات و عندي أحد . و في الغالب أكون محاط بالأصدقاء و الأهل, لكني أتخذ لنفسي فترة راحة , أمارس فيها أشيائي وحيدا ..
في هذي الأيام، أكرر بيت للشافعي رحمه الله يقول فيه : ضاقت فلما استحكمت حلقاتها فرجت و كنت أطنها لا تفرج أما على الدوام، أقول : what does not kill me, can only make me stronger
xD واضح انك متحمس , طيب السؤال الثاني : وش الحقيقة اللي تؤمن إنها ما راح تتغير فيك , في شخصيتك
ليئييه ، ما جاز لتس إني متحمس ههههههههه :( مممم حب التجربة، أؤمن إني ما راح أترك حب التجربة مهما تقدم بي العمر أو مر بي من ظروف . إظن التجارب تعطيني دافع و محفز للحياة، وقت ما أكون تعيس، أقول هناك مليون شيء ينتظرني، لا تحزن .
يالله حيوهـ , طيب نبدا , إيش المعتقد اللي في المجتمع اللي حولك , او المجتمع عموماً . اللي تبغى تنفيها ؟
أهليئين و سهلين ، حياتس ربي ، ممم بخصوص السؤال، الاجابة صراحة تطول وانا والله داخل من ألبي بي مثل ما تشوفين الأخطاء الإملائية الغير مقصودة هههههه المعتقد صعب ننتزعه من الناس لذلك الاجابة على السؤال بتكون فانتازية . ممم بصراحة أنا غير مهتم بتغيير معتقدات الناس، اللي يهمني هو إني إذافع عن فكرتي حتئ يظهر لي خطأها ، لذلك في المعتقدات و الأفكار، أحب أسمع من الناس أفكارهم، اللي يعجبني معتقده، اقعد أفكر فيه كثير و أفكر كيف توصل لهذا المعتقد ، و اللي ما يعجبنئ، انفض كتوفي و أمشي ، ماني رقيب على الناس . هذا ردي على سؤالتس و بإنتاطر أسئلتس كلهن : ) و سحور هني على قلبتس