بخاطرك شي هاتو

مہلأمہح حہزيہنہه ألصہخہريہه
لا تظهر حزنك وتعاستك وضيقتك وهمك ، لا تشكي لاحد ، لا تخلي احد.يشعر بضعفك وقلة حيلتك بسبب مشاعرك ، الوحيد اللي لازم تظهر ضعفك امامه الله عز وجل ، اضعف وتذلل وانسكر وابكي امامه وبين يديه ، اسجد وعطر المصلى بدموعك وانت تناجي ربك ، مفكر ربنا بنساك ؟ ، لا ربنا راح يفرجها عليك ممكن يأخرها يختبر صبرك وممكن يأخرها لتتعلم من هذي الدنيا كيف تواجه حزنك وممكن يستبدلها الك يكفيك مصيبة اكبر منها ، ربنا اكرم وارحم من انك تقوم عن مصلاك وانت خائب الرجا ، حاشاه ربنا الكريم ، بس خلك واثق بربك وعندك كل اليقين والاتكال عليه 💜
شكيت همك لفلان شو فادك ؟ ، بالعكس ممكن بيوم تتخاصم معه ويصير يفضح فيك ، بينت ضعيف قدام فلان انت هيك دليته على الطريق اللي ممكن يكسرك فيه بيوم من الايام اذا اراد هالاشي ، كيف تلجأ للمخلوق وعندك رب الخلق 💙
طيب انت بحزنك ونكدك وهمك وضيقتك قاعد تنشر الكآبة بين اللي حواليك ، ياخي خلك محضر خير انشر حب وسعادة وضحكه وفرح ، خلي الكل بس يشوفك جاي يصير يبتسم الك ويفرح بقدومك بدل ما يحكوا اجا النفسية وبعضهم ممكن يقوم ويروح قبل توصل بحكي شو جابرني اسمع نكد وقرف ، صدقني ابتسامه وانت ماشي بالشارع الصبح بوجه شخص ممكن تسعد يومه كله لان صارت معي ابتسم لي الصبح شخص بحياتي ما شفته والله تفاءلت بيوم وكان يوم حلو ، كلمة حلوة ترميها دون ما تسأل عنها وتنتبه الها ممكن تفرفح قلب شخص وهذا كله اله اجر 💙
صديقي هذي حياتك ، انت تبنيها وانت ترسم طريقها انت تسيطر عليها ، لا تسمح لاحد يدخل بمسارها ويحرف فيه ، يعني يدخل على مسار يومك بدل ما هو جميل يحرفه للنكد ، انت سيد نفسك ، لا تحكيلي هم ومو قادر اتحمل ، ربنا ما يكلف نفس فوق طاقتها لهيك كون على يقين تام ان كل همومك ومشاكلك راح تتجاوزها وصدقني على اتفه الاسباب ، عيش كل يوم بيومه ، اصحى الصبح وانسى اللي نمت عليه ، وبس تجي تنام انسى اللي اصبحت عليه ، خليك ملك اللحظه ، ملك يومك ، ملك مزاجك ، لا تسمح لنفسك الا انها تفرح ، قدس نفسك واعطيها حق السعادة ، اضحك وافرح وانبسط وارقص ونط واعمل اللي بدك اياه بسبيل ما تخرب يومك ، ♥
خليك شخص ايجابي ، دائما انظر للجهة الايجابية لكل اشي ، حتى لو ما وجدت تصر الايجابية لهذا الاشي ، ابعد كل البعد عن السلبية والافكار الرجعية خاصة كلمة "لو" ، ترى همك لما تصبر عليه تنال عليه الاجر ، دائما في جهة ايجابية لكل شي