- احكِ..💙✍🏻

- الجزء الأول (١)
علاقات الحب ♥
هالحكي للناس اللي فعلا تحب وحبت من قلبها ♥
الحب مو بالشكليات والحكي ولا حتى اقدر احكمه بالافعال لوحدها ، الحب يحكم بس بالمشاعر ، لما تحب ويفز قلبك ل هالشخص ، لما تقشهر بس تسمع اسمه ، لما قلبك ينبض بسرعه لما تحكي كلمة بحبك .
الحب ولا عمره كان بحكم القلب لوحده ومشاعره ، الا ما يرافقه العقل والتفكير ، دائما البدايات جميلة وتحس الشخص المقابل كأنه توأم روحك وهو الشخص اللي يفهمك ومتفاهمين وكل الامور طيبة وتنطبق معاه كل الشروط ، بس لقدام شوي بس تتعمق العلاقة تبلش المشاكل تزيد وتكبر ويقل التفاهم ، في سبب ل هالاشي ، حكيت قبل البدايات جميلة ومثالية وهي فعلا هيك ، ليش طيب ؟
لان بس بده يكون يحببك بشخصه ويقربك منه ويتماشى معك ويمشي معك على كيفك وتفكيرك وشخصيتك ومبادئك لحد ما توصل العلاقة لمرحلة الحب ، انا ما احكي لانو يضحك عليك لا ، كمان هو يكون يحبك يعني الحب متبادل من الطرفين ، بس هو عمل هالاشي بالبداية لحتى يتقرب منك وتتقبله ، بعد ما تتعمق العلاقة ينكشف الوجه الحقيقي لشخصيته ، تلاقي انه نهائي مو الشخص اللي تعرفت عليه وكثير اشياء مختلفه ، تصير تحكيله انت تغيرت او متغير ، هو ما تغير هو اصلا هيك ما احد تتغير شخصيته وتفكيره وعقليته بيوم وليلة .
الحب تلاقي ارواح ، بس يرافقه تلاقي العقول وتفاهمها ، قرأت عبارة بفيلم لفتاة تحكي لحبيبها :
"انا احبك جداً ، لكنك لم تعد تعجبني"
جذبتني هالعبارة وفكرت فيها وكان فعلاً كلامها منطقي ، انا احبك واحب روحك وعندي كم هائل او بالاحرى كل المشاعر اتجاهك ، بس لم تعد تعجبني ، تفكيرك اتعبني بالتعامل ، شخصيتك تتعارض مع مبادءي ، كلامك قد يجرح ببعض احيان ، تصرفاتك غير مبررة اتجاهي ،مفهومك للحب له نظرة مختلفة ، ممكن انت يالقارئ تحكي انو لا اذا يحبوا بعض راح يتوصلوا لحل ويتفاهموا ، بس انا بحكيلك انو ممكن يجاملوا بعض ويحاولوا يتفاهموا ويتغيروا عشان بعض ، بس بالمقابل القلوب راح تتعب ، المشاعر راح تخمد تدريجي ، راح يصير برود بالعلاقة بشكل تدريجي لحد ما يتركوا على اتفه الاسباب ، وعلى سيرة اتفه الاسباب ، كلنا سمعنا عن علاقات حب استمرت وقت طويل وبالاخير بحكولك والله تركنا على اتفه الاسباب ، هم ما تركوا على هذا السبب ، هم تركوا بعض من جوا اصلا من زمان بس ضلوا يستنوا سبب لينهوا كل اشي .... ⏪"يتبع"

- 💙💭✍🏻

-الجزء الثاني (٢)
راح يطلعوا من العلاقة بقلوب متعبة ومشاعر مشتتة وفكر لا يتقبل اي شخص آخر ، كل واحد يحمل الثاني الذنب بإنهاء العلاقة ، وكل واحد يصير ينظر للجنس الآخر انو كلهم نفس الي كان علاقته معه ، في ناس تحطمت من هيك علاقات ، وفي من انتحر ، لان كل طرف من هاي العلاقة يحكي طيب والله انا ما عملت اشي يستاهل نوصل لهذي المرحلة ونترك ورغم انهم تركوا وهم يحبوا بعض جدا ، بس خلص ما عاد فيها تقبل للطرف الآخر 💔
حبوا العقول قبل لا تحبوا القلوب ، حبوا الاخلاق قبل لا تحبوا الشكل ، حبوا الفكر قبل لا تحبوا الارواح ،
للبنات اطلعي اله كيف يعامل خواته وامه قبل كل اشي ومن معاملته الهم تقدري تعرفي شو هو وكيف ممكن يعاملك ، انظري لصلاته واخلاقه ودينه وراح تعرفي كيف راح يحافظ عليك ويحبك بشرف وطهارة ♥
وللشباب بحب احكي اذا كانت البنت تتوضأ باليوم خمس مرات صدقني هي مو بحاجة لتجي انت وتحكيلها انها جميلة وحلوة ♥
#محمد_الحجايا
٥:٤٥ | ص