Ask @mohammad_jamil_h:

يا فرحة يعقوب بيوسف مري علينا 🌸🍃 مساحة 🍃

salsaabutammam’s Profile PhotoSalsabeel
ربك كريم 🌸🌸
.
عندي يقين فوق العادي إنه كُل وجع وراه
فرحة متدارية .
عارفين انو ربنا شايلنا خير مش شايفينه،
فاهمين إنو لو حتى فش شغلة حلوة قريبة؛ رح نتعلم ونكون أقوى ..
مهو مستحيل نضل طول عمرنا موجوعين،
هي بس مسألة وقت، فش اشي مبعديش.👌

View more

People you may like

Want to make more friends? Try this: Tell us what you like and find people with the same interests. Try this: + add more interests + add your interests

صباح السْلام ، والكثِير الكثيرُ من الخِير و الحُب .. ❤ 19/9/2018 ـ 💫

haneenalmomani12’s Profile PhotoHaneen Al-momani ♡
صباحُ الياسمين الأبيض،
وتلك القهوة المُتراكمة على أعتاب كفيّنا ..
صباحٌ تتشابكُ فيه الأصابعْ , ألفُ حزن فيها مضى.. لنكون سعادة جديدة.🌸
وللفرح في وجه الشمس لتجدد الأمل ..
صباحنا كمْا اعتادته فيّروز
" راجعين يا هوى راجعينْ " ...
صباحكمْ أبيض كالياسمينْ 🙈❤️
ملاحظة : ١٣/٩/٢٠١٨ 😏😂😂

View more

+2 answers Read more

حروف لـ تهدئت اعصابي ...?

لمّا كنت صغير، كنت كل ما امي تمسك ايدي بالشارع انا بترك ايدي بمنتهى التلقائيه، كان هالشي بخلّيها تضطر تشد على ايدي اكثر عشان ما أضيع او أتوه، كان ببعث عندي شعور بالأمان انّه مهما صار مش رح تتركني امي ابداً
كبرت شوي واكتشفت انّي بعمل هيك بأغلب علاقاتي مع الناس ( خاصةً اللي بحبهم) بتلقائيّه مش طبيعيه ما عرفت أفسرها غير هسا لما فكّرت بتأمُل
بنُص الطريق بترك ايدي فجأه وبستنى اشوف الطرف الثاني شو رح يعمل !
يشد على ايدي اكثر عشان ما نضيع عن بعض !
ولا رح يترك ايدي و نضيع من بعض!
غالباً و لحد اليوم بنضيع من بعض..
ما حد تركت ايده إلا و تركها هو كمان، وهالشي بخليني أفقد احساسي بالثقه لحد ما أجرب اترك ايدي وألاقي اللي بضل شاد عليها بقوّه
•••
عشان هيك؛ لما تلاقوا حد بتحبوه و بعّد عنكم فجأه، ما تبعدوا انتو كمان ، لأنه غالباً هالشي بتزامن مع وجع شديد إتعرّضله و أفقده القدره على انه يضل متمسّك بحد،
يبعد عشان مستني يلاقي اللي لسا متمسّك فيه وبحكيله : مش رح أترك ايدك مهما صار.💚
#محاكاة_الواقع

View more

🔺S༺P༺A༻C༻E🔺

basmao1’s Profile Photoبسومه❤ بسمة امل
‏الوعي أهم شي ممكن يعمله الواحد حتى يتفادى كثير خسارات نفسيه ؛
إنك تكون واعي بعد كل تجربة شو المشاعر الي راح تمر فيها والأفكار الي رح تمر عليك ، وكيف تقدر تتجنب كل شي ممكن يأثر عليك لقدام ؛
حتى توصل للأمان، وتتجاوز.

View more

__

في بحياتك حدا،
هاد الحدا عمل موقف، و الموقف مستحيل انت تنساه، نسيانه صعب على عقلك، وصار في شريط ذكرياتك مكتوب كعنوان تعريفي لهذا الشخص ...
لمجرد ينذكر اسم هذا الشخص قدامك انت على طول بتتذكر الموقف وكإنّه مكتوب على جبينه!
الأشخاص مواقف، مواقف حلوة بتنتساش، ومواقف سيّئة ممكن الأيّام تمحيها. 👌🌸

View more

مرحباً. ربما أنا لا أعرفك! لكن أريد إخبارك ان لا تفسد يومك من أجل اي شخص او أي شيء، فأنت جيد للغاية، انت رائع. فقط ابتسم وغير العالم بابتسامتك، لكن إياك وأن تدع العالم يغير ابتسامتك، دمت بخير يا عزيزي❣️

🤔🤔
ان شاء الله ان شاء الله 😄

View more

مساحة

في شغلة بنغفل عنها !
في شي اسمه "التعايُش " و "التناسي" يعني ممكن يصير معك أمر جداً صعب تتجاوزه !
لكنك مُضطر تتناساه وتتعايش معه لحتى تعيش وما توقف مكانك لأنه الكون مارح يوقف لأجلك ولا لألمك!
الساعة بتمشي والحياة كمان وكله بصير جزء من الماضي.👌🌸

View more

' 💙.

RaghadAljbour’s Profile Photoʀᾄʛђᾄḋ ʝвὄὗʀ
بيوم رح توصل لمرحله ما،
وقتها انت بتفهم ايش مهم و ايش لا..
وقتها بتكون وصلت لمرحلة انك متهتمش لشو الناس بفكروا فيك وبتهتم لشو انت بتفكر بحالك،
رح تكتشف انك مرّقت كتير بحياتك، ورح تتذكر لما بمرحلة معينة تطلعت وقلت لحالك انه كل الاشياء اللي بحياتك فوضى كبيرة ومش رح تقدر ترتبها...
وبتيجي البسمة عوجهك، بتتبسم لانك فخور بحالك، فخور كتير بالانسان اللي انت
صرت هو .❤
وبتتأكد انه مهما تمرق بحياتك اشياء ومهما تكون حياتك فوضى، انت حدا قوي لدرجة انك تقدر ترتب الفوضى الموجودة مش بس بحياتك، انما بحياتك وبعقلك وبقلبك...👌
#السلام_الداخلي 🌸

View more

مساحة

تزعلش على شغل على تعليم او على فقدان اي شي حاربت مشانه وراح،
كل شي بروح من حياتنا بيجي مليون شي احسن منه، ربنا كريم وبعوضك،
"إن أعطاك أغناك، وإن منعك أرضاك".
وفش اشي اسمه خسارة في اشي اسمه ربنا صرف شر عنا، عشان هيك توكل ع ربنا وكون ع يقين بانه الاقدار المكتوبه لالنا رحمة ومثل ما قال عمر بن الخطاب رضي الله عنه: "لو عُرضَت الأقدار على الإنسان، لاختار القدر الذي اختاره الله له"
فالحمدلله على كلّ خيرٍ اصابنا وهو خير، الحمدلله على كل شرٍ اصابنا وهو خير والحمدلله على قدرٍ كله خير بخير❤

View more

مساحة لك 💚💚🌸💫

ولاا مرة تحكم على الناس بدون ما تعرف ظروفها،
لأنك مش ممكن تعرف وتشعر بتصرفات وردات فعل غيرك، إذا مش عايش حياته وظروفه أنت..
معظمنا من برا غير عن جوا ومعظمنا بنحكي وبنتصرف عكس إلي بقلوبنا وغير عن نوايانا الحقيقية، لأنه الظروف بتجبر كل واحد يتصرف بطريقة غير ومش دايماً عنا القدرة نحكي ونشرح ليش وكيف..
و بكل بساطة،
أحسنوا الظن وإلتمسوا الأعذار....❤
جمعة مباركة💖

View more

لنفرض بأنني حزينة جدأ ، ماذا ستخبرني لأفرح ??؟

الكلمة الطيبة اللي بتنحكالك في عز خنقتك من صاحبك او اي حد قريب منك، حتى لو مش رح تغير من واقع تعبك وقرفك، بس بتّهون..
جملة "أنا جنبك" اللي حتى لو انحكتلك في شات من شخص بينك وبينه مسافة كبيرة جدا، بس برضو بتفرق وبتحسسك إنك ما بتحارب لحالك... جبر الخواطر، مش صعب، مش مكلف، مش مرهق، بس بيفرق بشكل إيجابي كتير، واللي بيعطي بينبسط أكتر من اللي محتاج الكلمة الطيبة..
جبر الخواطر سلوك الطيبين، اللي اختاروا يبقوا طيبين عن اختيار مش عن ضعف.. جبر الخواطر على الله،
لو بخل فيه بعض البشر.🌸❤️

View more

' حكي يعكس جمآلك💖✨

basmao1’s Profile Photoبسومه❤ بسمة امل
يا ترى قديش ممكن تصير معك شغلات وتغيرلك حياتك كلها؟..
وتبلش تشوف الدنيا كلها بشكل مختلف..
يا ترى التغيير هذا بكون تغيير حقيقي وبدوم أو بكون تغيير مؤقت ومنرجع بعدها مثل الأول؟..
وقديش غياب شخص معين ممكن يخربطنا؟..
وقديش الخربطة هاي ممكن تخرب حياتنا..
خصوصا لو طلع حدا يستغل هالوضع ضدنا..
كم واحد منا اعتمد على حدا عشان يخلي حياته أحسن وتفاجئ انه النتيجة كانت عكس توقعاته..
وكم واحد حياته صارت أحلى فعلاً لما دخلها ناس خلت فيها طعم ومعنى..
كم واحد في ناس تغيرت محلاتها بحياته ومعرفوش يرجعوا لمحلاتهن الأولى وحتى لو رجعوا الشي ما إله نفس الطعم..
كيف ممكن حدا يغير شكل حياتك لمجرد انه يكون موجود فيها؟..
عشان هيك مفش معنى لفكرة إنك تيأس من بكرا،، بكرا دايماً حامل مفاجآت أكبر من تخيلاتك ..
كل يوم جديد وكل شخص جديد بدخل حياتنا بجيب معاه شغلات ولا يمكن نتخيلها..
الدنيا ولا ممكن تضل على حالها،، كل شي بتغير والحقيقة الوحيدة الثابتة هو ربنا..✋️❤️

View more

Next