لمثلية الجنسية ، غريزية ام مكتسبة وما رأيك حولها ...
صراحة موضوع مو حلو الواحد يسولف بي بس راح انطي رأيي باختصار .. بعض الناس تشوف هالموضوع فدشي قذر وبعضهم ميشوفة قذر وإنما قمة القذارة ، والباقين يشوفون الموضوع حلو و يميلون الة .. شنو السبب ..؟ حسب كُتب علم الأحياء والتوجه الجنسي .. ماكو فد اجماع علمي على عوامل مُحددة و واضحة ، بس التفسيرات الي اقترحوها ممكن تتصنف ضمن 3 عوامل رئيسية ، يعني اما تكون جينية هورمونية وراثية ، او اثناء نمو الجنين و تكوينة ، او بيئية و نفسية بحسب عوامل ومواقف ومشاهد مُعينة يتعرضلها الشخص خلال حياتة وتحرف تفكيرة بهالطريقة .. و اذا نرجع لكتب التاريخ الجنسي وبداية المثلية الجنسية راح نلگيها موجودة من زمان .. يعني مو فد مودة جديدة هاي =)) من أصل الحضارات القديمة كلها 41% عارضوا المثلية بشدة 21% تقبلوها او ما اهتموا لوجودها 29% گالوا المثلية منعدمة و مموجودة عدهم 9% اعترفوا انها موجودة وشائعة هواية شخصيات تاريخية معروفة انوصفت انها " مثلية " او " مُزدوجة الميول " .. مثل الفيلسوف سُقراط ، الإسكندر الاكبر ملك مقدونيا ، ويليام شكسبير ، ريتشارد الاول قلب الأسد ملك بريطانيا .. واذا نرجع لتاريخنا العربي " العراقي 🐸 " فـ راح نلاحظ انو بعض العلماء يدعون وجود حالات من الحُب المثلي او السلوك الجنسي المثلي بالأدب القديم مثل " ملحمة جلجامش " .. و بعضهم يرى ان العلاقة التي تربط بين البطل جلجامش والشخصية أنكيدو هي بطبيعتها مثلية ..!! وحسب حچي الكتب بالعصر الاشوري چانت المثلية الجنسية شائعة كلش ..😯 واذا رجعنا للعصر العباسي راح نلاحظ اكو حتى شُعراء كاتبين قصائد يمدحون بيها الجمال الخنثوي .. ويتفاخرون بكونهم مثليين و يميلون الى مُمارسة اللواط ( اللواط هو فعل الفاحشة بين ذكرين و سُمي بهذا الاسم نسبة الى قوم النبي لوط الذين اشتهروا بهذا النوع من الفاحشة ) .. مثل الشاعر ابو نواس من يگول : أنا الماجن اللوطي ديني واحد و أني في كسب المعاصي لراغبُ أدينُ بدين الشيخ يحيى بن أكثم وإني لمن يهوى الزنى لمُجانبُ ..