في ناس سكوتها مخيف ! اللي بيسكتوا وقت غلطات كبيرة بحقهم ، وبيتغاضو عن شغلات صعب أي حد يتحملها؟! اللي بيعملو حالهم مصدقين كلام أي بني آدم عارف إنه كذب وبيكتفوا بإبتسامة " قاتلة " ! اللي بيستحملوا وبيجوا على حالهم كتير ، اللي بيكونوا قريبيين وشوي شوي بينسحبوا بصمت ومن غير دوشة .. اللي " بيتناسو " عشان يسامحو بس ما بينسوا ! الناس هاي زعلها بشع كثير .. وغالباً لحظة إنفجارهم بتكون صعبة وصادمة لأي حدا مهما كان قريب منهم .. بتكون لحظة همه مقرّرين فيها إنك انلغيت من حياتهم مهما حاولت تصلح بعدين .. رغم طيبتهم ، خاف! خاف تفقدهم لأنهم نادرين .. لأنم حبوك واستحملوا كثير عشان يضلوا موجودين ، رغم إنهم عارفين كل اشي إنت مفكر حالك فيه ذكي .. خاف وما تيجي عليهم كثير عشان قليل منا اللي بيقدر يستحمل غضبهم بعد صبرهم الطويل اتق شرهم "إن أردت بقائهم" ..🖤🕊️
يا ترتبط بالشخص الصح ، يا تعيش عمرك لنفسك وأهلك وتتمتع فيه مع صحابك ؛ الدنيا مش بس إرتباط و زواج ، وعيلة و مسؤوليات الإختيار الخاطىء رح يسبب ل صاحبو طول العمر الهم والقرف ف لوقت ما يجي الشخص الصح كل اللي بتقدر تعملو إنّك تنجح ، تنجح ب شغلك ب شغفك ب سعادتك وحياتك ما منقدر ننكر أهمية المشاركة بس ما ألها أي طعم لو كانت مع حدا ما بيعرف قيمتك اللي لازم تسعى إلو إنّو الطرف الثاني يكون يقدّرك ؛ تحترمو ويحترمك ؛ يحبّك بالطريقة الصح وما يحسسك ب ولا يوم أنك ما بتكفيه ف أمّا يكون اختيارك صح، أو تعيش حياتك عادي وبالحالتين بتكسب حالك🖤
مقتنع تماماً اني مميز ووين ما انحط بقدر اترك اثر , واثر لطيف و عندي قناعة اني لما اترك مكان انا كنت فيه رح تضل سيرتي فيه موجودة بالخير وعندي طاقة ايجابية بتتوزع ع بلد و ما بتخلص.. ما بحكي من عبث و لا مدح .. بس ربنا خلق كل شخص بشغلة مميزة ,وانا مؤمن بشكل رهيب اني مميز وين ما اكون و وين ما انحط وحتى تعاملي مع الاشخاص بالغالب بكون مميز و صعب اني انمحي من اي مكان و من بال اي شخص صعب جداً 🖤🌸
مع هدوء الليل 😊
الله يسعدك ويوفقك ويعطيك ليرضيك ويحققلك كل الي بتتمناه الله يسعدك سعادة أبدية سعادة تخلي قلبك يطيير من الفرح الله يحفظك ويحميك ..ان شاء الله توصل لأعلى المراتب وبتوصل للاشي الي انت نفسك فيه ان شاء الله ربنا بحققلك احلامك الي نفسك فيها وكل شي ببالك يا رب 🤗 🤗 🤗 🙏🙏
-فلتقف لنا الحياة إحتراماً ... نحن الذين تجاهلنا تلك الكلمات القاسية التي حاولت إحباطنا وخبأناها في قلوبنا مع بقية الاشياء العتيقة التي حفرنا لها نفقاً خاصاً في زاوية من ذاكرتنا , نحن الذين لم ينظر أحداً في أعيننا ليعرف كم حرباً فيها وكم دمار , نحن الذين ضحكنا حين كان البكاء واجباً ..🖤🕊️
في نقطة مهمة ، لما الشخص بيلجألك ، بكون واصل لأدنى مراحل الإحباط ، والوحدة ، لما بيلجأ لعندك ليحكيلك همو ، حاول بس تحتضن وجعو ، و ما تردو خايب وتحملو فوق غصتو غصة جديدة ، يلي بكون واثق فيك لدرجة أنو يكون قدامك بأضعف حالاتو ، ما تخذلو ، يلي بكون شايف عندك بصيص أمل يردلو الروح ، ماتحرقو فيه 🖤🕊️
أنا ما بدقّق ؛ بس حاولي تحسبي حساب ل كل كلمِة بتحكيلي ياها .. عندي حساسيّة مفرطَة يمكن ، و بتأثّر بالكلمة... كلمة بشعة يمكن تخلّيني أيام مكتئب .. و كلمِة حلوة يمكن تخلّيني أحبّ الدّنيا أكثر خلّي ببالَك أنّي بتأثر بالحكي .. و بتأثّر فيكي 🖤
اولا كل ما سالتوني كثير كل ما استمتعت بوجودي هون 🖤 هسا نرجع لسؤالك.. المهام كل فترة بتجدد تمام المفروض اذا خلصتيهم كلهم بعد ثلاث ايام رح يعطوكي الشارة حلو.... وبس يعطوكي ياها لازم تضلي تنجزي لحتى تضلي محافظة عليها لحد هون تمام نيجي للمميزات في عندك ميزة الترويج للمنشور وبصير عندك احتمالية اكبر لتوثيق الحساب وزي هيك 👌🖤
طيب كمان سؤال ممكن
هلا مكتوب فوق المهام الي انجزتها انو تاريخ بين 25 مايو ل 31 مايو يعني تاريخ اليوم هاد شو ؟
اها حلو يعني اليوم بتخلص الفترة المحددة لتكملي الانجازات كلهم وبناءاً على انجازاتك بقررو يعطوكي شارة vib او لأ.... وع فكرا اذا بتضلك ملتزمة بالانجازات بمواعيدها المحددة في ميزات كثير رح يعطوكي ياها
"ماهُنت علي" كلمتين، بمليون تعبير، لما حدا يحكيلك ماهان علي تنام زعلان ف اجيت أراضيك، ماهان علي آكل الأكلة الي بتحبها بدونك ف اتذكرتك وخطر عبالي نوكلها سوا، ماهان علي اروح المشوار الفلاني لأنه مارح يكون الو طعم بدونك، ماهان علي تنأذى وتنجرح أو تحس انك مقهور ف اجيت أبررلك حتى لو بدي أروح عنك للأبد، ماهان علي دموعك حتى لو طلبت مني اتركك وما احكي معك وانت معصب، بكفي توخد مني منديل وبنحكي لحد ماتروق مش رح استنى تروق لأ انا جنبك هون لحد ماتروق !اختاروا الناس الي ماتهونوا عليهم، الي حتى لو تخلوا عنكم مايهون عليهم يجرحوكم ولو بكلمة، ولا تهون دموعكم ع عيونهم وقت يلمحوها، ولو حتى نظرة الزعل الي فيها ماتهون !اختاروا الي يصونوا الوِد بعدم هوانهُ...!اختاروا الي بيطمنوا قلوبكم بكلمة " انا هون" الكلمة الي رح تخليك تحس انه الك ملجأ قادر يوسعك وقت تضيق الدنيا عليك وماتلاقي جنبك حدااختاروا الي دايماً مهما صار بينكم "ماتهونوا ابدا عليهم" الناس الحناين بهالدنيا قلال والله، العالم صار بشع كتير، كونوا لطيفين ،لا تكسروا خاطر حدا 🖤!
ممكن أحكيلك شي ؟ احنا الناس مضموننا واحد، كل واحد منا عندو روح وقلب وأحلام وذكريات .. ماحدا سيء بالمجمل وبنفس الوقت ماحدا صافي بالمطلق، الشخص اللي ساعدك اليوم هو كان بحاجة مساعدة حدا مبارح .. الحدا اللي ضحك بوجهك الصبح كان السبب بضحكته هو ضحكتك اللي غامرة وجهك ع طول بوجه كل حدا .. حتى تعاستك بهاللحظة كانت بسبب جرح جرحته لحدا بدون ماتحس او يمكن بسبب ذنب او خطأ كنت مفكره عابر اللي طبطب ع جرحك وعطاك قوتك كان ضعيف اكتر منك واللي ضمدلك جرحك ووقف جنبك كان عنده ندبة بسبب ضربة قوية.. ويمكن لهاللحظة تاركة أثر جواته.. الحياة عبارة عن دوّامة اساسها احنا البشر وجواتها أحلام .. خيبات أمل ،ضحكات،ذكريات ،لحظات حلوة ولحظات بشعة مكتوب عليها توزع لكل حدا منا اشي بس بكميات مختلفة حاول قدر الأمكان انك تعطي الاشي الحلو للناس على أمل يرجعلك بضعفه بكرا .. أعط بلا مقابل، بلا منّة ،بلا شي ، أعط لأنه بدك تعطي وتذكر عطول أنه : كل ساقٍ سيسقى بما سقى وبس ..❤
#يخوان ما في شعب بالعالم بسكن بشقة 150متر😌🙋♂️ و بعمل نصها صالون كبير و سفرة ومطبخ امريكي مفتوح من شان لما يجي عندهم ضيوف يقولوا بيتهم مرتب و حلو ! 👈🏽 ما في شعب بيوم عرسه بدفع راتب 4 سنين من شان يقولوا عليه قد المقام و عيلته بتبيض الوجه.. احنا كلنا عايشين غلط باختلاف طبقاتنا و إمكانياتنا المادية !.. من عند الشخص اللي ماسك آيفون 11 وراتبه على قده ، لعند الام اللي بتشتكي غلاء سعر الخضرة وهي بترمي نصها بالزبالة آخر النهار ! نكون صريحين احنا مش فقراء .. احنا شعب تعبان تدبيرياَ.. للأسف مستهلك وغير منتج بالمرة احنا شعب بحب العجقة وبعشق المظاهربنشتغل بوظائف ما بنحبها ومن خارج اختصاصنا عشان نشتري أشياء ما بنحتاجها من شان نثير اهتمام أشخاص بنكرههم !!.. ..اليوم من اول هزه صغيرة.. الكل بصيح وبيشكي. كورونا و مصروف كورونا كان درس لنا كلنا لنصحى ع حالنا.. طلع بنقدر نقعد بالبيت ايام طويلة بدون ما نطلع نتسوق و نصرف.. وطلعنا بنقدر نتزوج بدون حفلة وصالات و معازيم.. وبنقدر وبنقدر وبنقدر ... والحياة سهلة اذا تخلينا عن التفكير بكلام الناس وشو بدو يرضي الناس.. وانه بنقدر نسلم بدون تبويس و أحضان .. .البخل شيء بشع وانا ما بحكيلكم كونوا بخلاء بس ياريت نخفف مظاهر بدون طعم ولا فائدة كل التلفونات بتقول الو وبتفتح فيسبوك مش ضروري نبيع الكلية ونرهن طقم الكنب لنشتري تلفون ما في اي فرق عن اللي معنا.. لازم نغير كل أسلوب حياتنا ونعيش على قدنا. #القناعة كنز والرضى ثروة..#كورونا_اعطتنا_درس_كتير_كبير يا ليت نرجع نعيد حسابات حياتنا من جديييد 💛💛 #منقول🖤
ما بنخسر اشي لو حكينا كلمة حلوة ، لو علقنا تعليق إيجابي ، ما بنخسر لو فرحنا شخص في الحياة ، لو طلعنا شخص من جو الإكتئاب و الحزن ، ما بنخسر لو حكينا لحدا لابس حلو اليوم ، طالع شكلك حلو و ضحكتك حلوة ، جبر الخواطر حلو والله . . 🖤🕊️!
أكبر نعمة بحياتنا، إنو نعرف نتخطّى أيامنا صعبة نتجاوز مواقف و مشاكل أثّرت علينا بفترة معينة نتعوّد على حدث صار معنا ونواجهه بقوّة .. كل فترة استصعبناها، وتوقّعنا تضل معنا كل العمر اليوم مرّت وصارت ماضي هي لحالها نعمة كبيرة، ما بتتقدّر بثمن🖤
من ألطف وأعمق ما قرأت، يقول احدهم: "قبل خمس سنوات توفي صديقي،واليوم تفاجأت باتصال من رقمه وإذا بابنه صاحب العشر سنوات يطلب مني دراجة،فقلت له ابشر ولكن تعرفني؟ قال لا ولكن وجدت صورة لأبي ومعه شخص، مسجل على ظهر الصورة هذا الرقم ومكتوب:"إن احتجتم لشيء ولم أكن موجودًا فاطلبوه منه"🖤