صاحى

صاحي

ممكن نتكلم شوية

نخش ف الموضوع ع طول 😂

بداية انا مش عارفاك مجرد بس حابه اتكلم مع حد ويسمعني

اتفضلي

انا بقالي فتره طويله حاسه بخنقه ومهما حاولت اخرج منها برجع ليها تانى خنقه م كل حاجه حواليا لدرجة اني بقيت ببعد نفسي عن اي حاجه بحبها وايا كان الشئ اللي بعمله بيفرحني تأثيره عليا بيكون مؤقت وبرجع تاني للانطفاء يعتي النهارده كنت ف فرح صاحبتي هي قريبه جدا ليا كنت فرحانه جدا بالجو العام الفرح

طب ومحدش عزمني ليه عالفرح ده ؟

كنت هتعمل ايه لو جيت؟

مكنتش هاجي اصلا عشان خطوبة اخويا كانت النهارده

الف مبروك وربنا يتممله ع خير وطبعا الرد المعتاد عقبالك

الله يبارك فيكي ، لا لما اعرفك هقولك عقبالك😂

يبقي بلاش تعرفني علشان مش بحب الدعوه دي

طب م ممكن اعرفك وبناقص خالص م الدعوه دي والسيره كلها اصلا

ضايقتك بكلامي علشان كدا بتقول بالناقص م السيره كلها !

لا اقصد سيرة الخطوبة وعقبالك والجو ده يعني 😂

فهمت... الفجر بيأذن هقوم اصلي

تمام

اسفه ف اللي هقوله بس انت ليه بتتعمد تكون بارد ف ردودك

مش بتعمد والله ولا حاجة بس انتي اختارتي الشخص اللي عمره م اتكلم جد اساسا وباخد اي موضوع بهزار وكده ف تلاقيني ف الجد مش اوي يعني 😂

معلش حظي وحش شويه انا اتكلمت ع اساس هلاقي كونفيشيوس بيرد عليا وبيقدملي نصايح ف الحياه لاقيتك بتقولي رد صدمني وخلاني مش عارفه ارد ايوا والله

طب وليه الغلط دلوقتي ؟ اهو انتي الي كونفيشيوس بقا

بتمدحني كدا ع فكره.. كونفيشيوس دا واحد دماغه عاليه اوي ف الصين وعمله ديانه سماها بااسمه وفضل يكتب شوية نصايح ويقول للناس تمشي عليها معرفتش تسرق نصيحه منه وتقولهالي

لا والله اصل مش متابع وكده 😂

اي خدمه بقي عندك معلومه ملهاش لازمه ف الحياه ومش مضطر تقولي شكرا عليها

لا منا مش هقولك اصلا

كدا هيبقي ليا الجنه لو اتعودت

اي خدمه

تسلم تسلم.. علميا احنا بقينا الصبح بس تصبح ع خير بردو

صباح الخير

صباح النور

هنقضيها صباح وتصبح ؟ 😂

ف مساء بما اننا بالليل وكدا..

وايه الاخبار بقا النهارده

الحمدلله .. وانت

تمام الحمدلله

خايفه اقولك سهران ليه توجهلي نفس السؤال تاني بس هسأل بردو.. سهران ليه!

مفيش بخلص شغل وبروح بحب اقعد شويه قبل م انام وكده

ربنا يعينك بترجع متأخر كدا

لا راجع بقالي شويه