...
...
+ 1 💬 message
read all
Ask @mostafahindy
عايزة اقول حاجة بس وجهة نظري تتفهم ممكن؟
ما تقولي يا بنتي!
+ 1 💬 message
read all
Liked by:
I S O L A T I O N
`Rãndã ŸoüSšeã
عايزة اقول حاجة بس وجهة نظري تتفهم ممكن؟
اتفضلي
Liked by:
I S O L A T I O N
`Rãndã ŸoüSšeã
People you may like
هو الراجل اللي يخطب بنت بعدين يسيبها علشان طلع مش عندها ورث يبقي ايه ؟
يبقى كان بيحسبها عندها ورث!
Liked by:
I S O L A T I O N
السؤال personal بيكون ليا انا لوحدى ولا ناس كتير
بما أنه شخصي فالمفروض لك لواحدك بس الناس بتبعت نفس السؤال الشخصي لأكثر من شخص فبيبقى شخصي بس لناس كتير في نفس الوقت
Liked by:
I S O L A T I O N
هو ليه كل اللي بقوله ع سني26بحسني اني كبرت جدا هو انا كده كبرت وبصعب عليهم هو انا كده كبرت فعلا بس انا عندي اقناع اني كل حاجه بإرادة ربنا واني كل حاجه نصيب رايكم مهم جدا♥️
كبرتي إيه يا بنتي بس وكبرتي على إيه أصلًا وحدي الله بس
+ 1 💬 message
read all
Liked by:
I S O L A T I O N
محمد شريف ولا مصطفي محمد مين انسب في الوقت الحالي
بص لو عشان المنتخب يبقى مصطفى محمد وكوكة وعمر السعيد وأي مهاجم في الدوري غير بتوع الأهلي دي لعيبة كسر يا راجل ولازم نعرفهم حجمهم إنما لو الأهلي هيمضي مصطفى محمد فمفيش مانع ييجي يقعد احتياطي لشريف عشان ما الإجهاد
تعملو ايه لو زميلتكم اللي معاكو ف السكن عاوزه تجيب اخوها يقعد معاكو ف الشقه عشان هو داخل سنه اولي لسه ومش عارف حد ياخد شقه معاه جمب كليته، هل عشان هو اصغر مننا بسنتين تلاته عادي نقعده ؟! واخته بتقول كمان انها معانا يعني ك محرم اهو ..
يا رب يكون الكلام ده ترول عشان ده لو بجد هيبقى في مشاكل كتير قوي وعلى أي حال لو مش ترول يعني فده كلام فاضي وما ينفعش خالص لا ينفع ولد يعيش مع بنات ليست من محارمه في شقة واحدة سواء أصغر أو أكبر أو أي نيلة والمرأة لا تكون محرم للرجل والمحرم لا يجيز إقامة بنت في شقة فيها ولاد بحجة أن أخوها معاهم وحسبي الله ونعمة الوكيل
Liked by:
Aya Khalid
النهاردة عميله دخلت البنك وادتنى 4050جنيه ونص المبلغ كان جينهات عشان احطهم ف حسابها الذى يبلغ قيمته 400800جنيه العميله بتشتغل شحاته اه والله دا رصيدها فعلا انا فضلت اعد 2000جنيه جينهات 😢 متدوش فلوس تانى للشحاتين يافقر🙂
السؤال جايلي من 15 دقيقة يعني يفهم من هذا أنك فاتح الأسك وأنت في الشغل للدرجة دي البنك بتاعكم مفيش فيه عملاء ولا هو أنت مؤلف القصة دي ولا ناقلها ولا إيه!!!
ممكن احكيلك حاجة ؟
ممكن جدًا
فاضي شوية..؟
إيه هناخد قهوة في حتة بعيدة؟ 😂😂😂
ممكن نتكلم في مشكلة نفسية من غير تعارف
اتفضل او اتفضلي هنا تحت أمرك ومن غير أي تعارف من أي نوع
www.fadfadah.net/user/LIjYxWn0pV
www.fadfadah.net/user/LIjYxWn0pV
نرتبط؟انا بنت❤️
ها إيه الأخبار ارتبطي ولا لسه! 😂😂😂
عايزه حد يحللي مشاكلي وهديلو فلوس😹😹🤝
طب أقدم الcv فين 😂
• هجرنا المصاحف و إبتلينا بالهواتف فاللهُم ردنا إليك ردا جميلاً.!
هو اللهم آمين طبعًا مفيش خلاف بس لمعلوماتك يعني المصاحف ممكن تتحمل على الهواتف وما نبقاش محتاجين السجع الجميل ده
عايزه اتجوز 😥☹️
يا رب تتجوزي يا بنتي وتخلفي بنت زي إلي أنا شايلها دي وتقعد تصوت لكِ زيها كده لما تخرم ودانك (مش بنتي) 😂😂😂
+ 1 💬 message
read all
لا أظن لنا لقاء بعد هذا البُعد ، ولكن أحببتك كثيراً !!💔
صحيح
ريدمي نوت ٩ برو حلو اجيبه ياجماعه ؟
أيوا حلو جدًا
رد فعلك لو الشخص اللي خذلك رجعلك انهارده قالك انو ندمان..؟
هوافق عادي
نفسي اطلق اعمل اي 😢
إلي هتعمليه ده يتوقف على ظروفك المادية والقانونية وأسباب الطلاق نفسها
الحقي يا بنتي
ما تلحقي يا بنتها بقى 😂😂😂
الروح ولا الشكل
شكل الروح 😂😂😂
هل البنت ممكن تغير لبسها للاحسن اثناء الخطوبه 🤔❤️
طب وليه يسطا تخطب واحدة مش عاجبك لبسها من الأساس!
Liked by:
Aya Khalid
هو طبيعي ان واحد مرتبط يبقى ليه صاحبه بنت عادي حتى لو هو عارفها قبل ما يرتبط؟ يعني المفروض يفضلو صحاب ولا ميكلمهاش تاني؟
يتفقوا هو وهي يقفلوا علاقتهم بطريقة شيك (إحنا مش في إنجلترا عشان العلاقة دي ينفع تستمر) +هيبقى الوضع إيه لما هي تتخطب كمان!
ممكن أتكلم ؟
اتفضل
ممكن نصيحه ؟! انا حالتى النفسيه صفر فياريت نصيحه تحسن من حالتى النفسيه ..
ربنا يخفف عنك ولو ما عندكش مانع بينلي اليوزر وندخل نتكلم ونبقى أصحاب
جماعة الواحد لو مش طايق نفسه يعمل ايه
بيقولك سئل أعرابي لماذا لا تتزوج فقال أتزوج! والله لو استطعت تطليق نفسي لفعلت الشاهد يعني أن الناس مش طايقة نفسها من زمان بس الدنيا بتمشي يعني
لو معجبه وبعتله بس فين وفين علي مابيرد وعامل نفسه تقيل اعمله بلوك ولا اخيله يبعت ومعبروش ؟
اتسحلبي له ولما السحلبة تجيب نتيجة قولي له والدتك في العش ولا طارت طبعًا هو هيحتار جدًا لأنه هيبقى في ورطة لو قال لكِ طارت هيبقى كذاب لأن أكيد والدته مش بتطير ولو قال لكِ في العش هيبقى كذاب برده لأن محدش بيقعد في العش غير الطيور وسيبيه في المأزق ده وارجعي للأنسر الجميلة بتاعتي اقريها وقولي الله يعمر بيتك يلي كتبت هذا الكلام الفاضي 😂😂😂
لـﯠ حد من قرايبك مد ايده ؏ امك رد فعلك.؟
هو أنت تقصد لو حد من قرايبي ضرب أمي! هو أنا فاهم السؤال كده صح ولا إيه وإذا كان كده فالموضوع خارج حدود الخيال الصراحة بس أكيد قصة زي دي هتنتهي بجريمة يعني وما أظنش في نهاية ثانية
دخلت الكليه اللى كان نفسك فيها؟
كلية إيه يا جدع أنت! دا أنا قربت أموت
البنت اللي جوزها بيضربها تعمل ايه
تتطلق ومش بهزر ولا بحاول أكون فيمينيست بس النقطة دي من النقاط الجذرية والاختيار بيبقى بين أنها توافق تكمل حياتها بتتضرب أو أنها تكمل حياتها زي أي إنسان طبيعي فاهم أن الطلاق مش سهل وفاهم كل تبعاته بس زي ما قلت دي نقطة جذرية زي ما مثلًا لو واحدة جوزها اتمسك في قضية مخدرات ولا سرقة وخد 10 سنين سجن مش بيبقى في حل برده غير الطلاق ومش بنقعد ساعتها نقول هي هتتطلق إزاي! وإلخ
النيش مهم ولا لا؟
لعلمك بقى النيش ده أنا بحبه جدًا وليا معاه ذكريات جميلة كنت بحب ألعب فيه وأعمل بالشوك والسكاكين والملاعق صوت يبقى شبه صوت السيوف إلي في الأفلام كده وكانت ماما تصحى من النوم بس ما كانتش بتعملي حاجة الله يديها الصحة 😂😂😂
لايكس ومش مردوده
أما يا ولاد لو تقولولي اللايكس دي هتعملوا بها إيه! 😂
لو جالِك هدية سلسلة مكتوب عليها take care of yourself تبقى حلوة ؟
تبقى جميلة والله وأما بقى لو ذهب تبقى أجمل وأجمل وأنا رايح أبيعها إن شاء الله 😂😂😂
انا شايف اننا لازم نعمل فتح إسلامي لتويتر عشان حاسس انهم علي ديانه تانيه تويتر محتاج فتح إسلامي 😂😄🙆♂️
يا عم لا بيتهيألك أصل تويتر ده له طبيعة خاصة كده تحس الناس فيه كأنهم في جزر منعزلة فتلاقيك لطشت في جزيرة منهم ولا حاجة
+ 1 💬 message
read all
لو واحد عارف ان خطيبته بتزعل من الهزار بشتايم وكل شوية يقولها ي بقرة وي بهيمة دا يبقا ايه؟
يبقى بيروش بس هو مش ذكي بما فيه الكفاية فالروشنة دي هتقلب عليه بعدين بس غالبًا يعني هو نيته مش وحشة ولكن الطريق إلى جهنم معبد بالنوايى الحسنة
الإنسان اللى مرتبطه بيه بقاله اسبوعين عاملى بلوك مش عارفة اوصله نهائى ودى اول مرة نقعد المدة دى مبنتكلمش وانا الغلطانة وحاولت اعتذر كتير مقبلش عشان هو كان مضغوط و كنت ببعتله رسائل كتير وبزن وحذرني كتير اوى قبل كدا انه مبيحبش كدا، والله ندمانة اوى وعارفة غلطى، هو كدا يبقا خلاص هو مش هيتكلم تانى؟ 💔
شوفي يا بنتي غالبا الأسلوب ده بيبقى تمهيد الفركشة مع عدم تحمل توابعها يعني هو عايز يفركش بس مش عايز يطلع غلطان فبتلاقي كلام غريب زي إلي أنتِ قلتيهده
انا الراجل اللي لما هتجوز هدلع مراتي و هخليها ملكة و مش هخلي حد يزعلها و لا يمد ايده عليها حتي لو ابوها ... و الاكيد اننا حتي لو متخانقين مش هنيمها زعلانة
كلام جميل طبعًا
بس الفكرة أنت بتبلغنا به دلوقتي ليه! 😂
بس الفكرة أنت بتبلغنا به دلوقتي ليه! 😂
+ 1 💬 message
read all
لو دخلت شوفت الأنسرز بتاعتك ولاقيت أنسر مش عاجباني وانتقدتها، هتزعل مني !
لا عادي ما تقلقش
لو متقدملك اتنين مرتاحين ماديا و آلأتنين رياضيين وشخصيتهم مناسبة ليكى والاتنين شكلهم وسيم واحد قريب من ربنا اوى وحافظ القرآن و التانى عادى إلى قريب من ربنا طوله ف السبعينات والعادى فوق ال 180 هتختارى مين بصدق
ثواني بس كده هو القريب من ربنا قوي إلي حافظ القرآن ده طوله في السبعينات يعني قزم طب لو هو قزم فازاي قزم ورياضي ولو أنتِ تقصدي أن طوله مئة وحاجة وسبعين يعني ففين الفرق بينه التاني ال8 سم دول بقى هما الفرق الجوهري إلي بين الشخصين! ولا إيه أنا مش فاهم!
اتقدمت لواحدة المفروض انها محترمة بس وانا قاعد معاها عملت حاجة خلتني اشك فيها وفي اخلاقها عطست وقالت هاتشوو بصوت عالي طبعا اول ما عملت كده قومت قالها مفيش نصيب ومشيت فورا واحدة بتعطس ادامي وتقول هاتشو امال لما نتجوز واكون ف الشغل وتكح مثلا هتعمل ايه هتجبلي العار والفضيحة افهموا يا بنات تاج البنت هو
ما تقول يبني تاج البنت هو إيه!
متزعلش ع اللى راح منك يسيمبا اللى راح هيجى احسن منو💛💫
أنا هقولك الحقيقة بقى إلي راح مش هييجي بداله خالص لا أحسن ولا أوحش مش هييجي حاجة خالص 😂😂😂
الاهلي ولا الزمالك؟
الزمالك بشرط يسألوا لنا السيد باتشيكو أي قذيفة جاءت لو جاوب والإجابة أقنعتني نتوكل على الله غير كده يبقى بيب بيب أهلي 😂
فلتقع بحُب من يرى أن حزنك هو أكبر مصائِبهُ.
طب مش لما يبقى حزني أكبر مصائبي أنا الأول نبقى نشوف الموضوع إلي أنت بتتكلم فيه ده
لون طرحة ينفع مع بلوزة ازرق فاتح ؟
أزرق غامق هتبقى كحكة عليكِ 😂😂😂
تشالنج هسألك 10 اسئله ولو تجاوب/ي بصدق هظهرلك اليوزر وليك/ي طلب واجب النفاذ
موافق بس أنت هتنسى الشوت اوت ومش هتسألني 😂😂😂
حد.صاحى احكيله احزانى 🙂
انطلق
حاسه اني وحيده ابويا وامي منفصلين وعايشه بعيد عنهم وصحابي كلهم بيتنمروا عليا وبفكر فعلا فالانتحار مع العلم انا تالته ثانوي😭
صحابك دول بيعملوا كده عشان ده سن التصرفات إلي من النوعية دي للأسف وعشان تخلصي من الموضوع ده مفيش غير طريقتين يا إما تبقي قوية بحيث أنهم يخافوا يعملوا كده معاكي أو على الأقل ما يحسوش أنه بيؤثر عليكي فيبطلوا لأنه هيبقى ملوش لازمة يا إما إذا مش هتقدري تعملي كده فالحل أنكِ تبعدي عنهم قدر المستطاع وما تقوليش هبقى وحيدة أكتر لأن العلاقات إلي من النوعية دي قلتها أحسن وأهم حاجة بقى تطلعي فكرة الانتحار دي من دماغك خالص وما تفكريش فيها خالص عشان الموضوع يفضل له هيبته في عقلك عشان اعتياد الأفكار إلي من النوعية دي بيفقدها هيبتها وممكن بعد الشر في لحظة غضب أو لحظة ضعف تؤذي نفسك لا قدر الله
Liked by:
regiablf
topito5802
OgGhettoBlasta
ليه
عشان توتو دي!
+2 answers in: “توتو 🙂”
لا حقيقي جدا
وأنا متفاجئ جدًا جدًا
+2 answers in: “توتو 🙂”
Next
