لو رفضت عريس عشان أقرع وأنا مش عارفه أحب ده وأقبله كده هكون سطحيه في اختياراتي؟؟
ما ترفض وتقبل انت اللي هتختار وتتعايش محدش ليه دعوة ومحدش هيقولك رفضت ليه عشان انت اللي هتتجوز مش هما ملهاش علاقة بالسطحيه
مساء الخير، لو في وسط كلامنا مضطر أشرحلك مليون كلمة وأفسرلك مليون ظن فمتكلمنيش أفضل، سوء التفاهم مفيهوش مشاكل لأننا مش ملايكة، لكن لو هتمشيني على ألغام ومينفعش أكلمك غير بشنطة مبرراتي فبلاش منه خالص.
لا يعم مش للدرجادي حاول انت بس تختار كويس الناس اللي حواليك عشان عاملين شبه الطيور ع اشكالها تقع
اي رايكم فـ حُب ال سوشيال؟
مفيش يبني حاجة اسمها كدة دي افتكاسات كلها ارجع وشوف الناس ف الواقع عشان تفهمهم احسن بدل ما كأنك بتكلم شبح كدة متعرفش شكله ولا مشاعره ولا تعابير وشه وجرب وشوف انا كانك بتحب ف AI
الناس اللي مش مرتبطه ولا بتكلم حد خالص بتعملوا ايه بعد نص الليل.
الانسان كل لما يقول حياته اتظبطت نرجع تانى لنقطه الصفر!
واحسرتااه لعمر ضاع اكثره والويل ان كان باقيه كماضيه
سؤااال مهم
رآيك ان الواحده تتجوز وجوزها يسافر ويسيبها وينزلها شهر او شهرين في السنه
يجدع مش عارف اصل هتحط ف نفس الموقف مش عارف بس اكيد هعرفها طبيعة شغلي ونحاول نتعايش وهحترم رغبة الطرف التاني لو مقبلش بالمسالة دي حقه الصراحة يمشي حياته بطريقته
لو قدامك شخصين مثلا متقدمين ل اختك
واحد طبيب بس شغال شغل حر وعنده مشاريع وعلاقات كتير مع الداخليه والنيابه ودخله ١٠٠ الف ف الشهر
ولا وكيل نيابه داخله ١٧ الف جنيه
انهي الاحسن ؟
معلش ف اللفظ هي مش سلعة عشان تقعد تسعر كدة وتقول بيقبض كام ومعاه اي وبيعمل اي دا ال c.v كله معاك يجدع مش كدة فكك انت وسيب اختك تختار الانسب ليها بس يعني اي اتنين متقدمين ف نفس الوقت انتو عندكوا مكتب خاطبة !
انا مش قادره افهم ازاي العالم ساكت عن اللي بيحصل ف مستشفى الشفا..ليه مابيسيبوش الناس تخرج ليه مانعين عنهم دوا ومايه واكل وسايبينهم يموتوا واحد ورا التاني 💔 حسبي الله ونعم الوكيل ف كل متخاذل
لا تعتاد المشهد لا تعتاد الخبر لا تالف فتتلف لا تصالح على الدم حتى بدم انه الثار 💔
البيوت محتاجة تتملى حب ودين وصبر اكتر من العفش والكبايات
معاك حق محتاجة تتملي دين وصبر وحب
ع فكرة مش كل الناس محتاجة عربية، في ناس محتاجة حب وسند واهتمام، أنت محتاج إيه ؟
انا محتاج حب وسند واهتمام احطهم ف شنطة العربية
ازاي اخلي خطيبي يستريحلي ويكلمني عادي ؟
بص يباشا هو انا معنديش خبرة اني اتكلم ف المواضيع دي.. مش انا الشخص المناسب لكن هقول اللي اعرفه...خطيبك شخص أجنبي عنك وانت كذلك أجنبية بالنسبة له ف لازم يحصل تواصل لكن بدون تجاوزات مع المحافظة على ضوابط الخطوبة..الخطوبة عامة بتبقى مرحلة المفروض الإنسان بيشغل فيها عقله اكتر من قلبه اكيد القلب هيشتغل لان اكيد الانسان هيتعلق بس لازم العقل يشتغل عشان يقدر يحدد اذا كان تمام نكمل ولا لأ ...ف الخطوبة مرحلة بتحدد هنكمل ولا لأ الباقي بقى اللي هو بعد العقد بعد كتب الكتاب بيحصل العكس ويشتغل القلب ...بلاش نعكس بين المرحلتين ومينفعش نستجعل عشان كل حاجة وليها وقتها ...كون ان الشخص مستمر ف الخطوبة ف هو كده مرتاح اكيد.. فكرة الكلام ف الكلام نفسه ليه ضوابط برده .
رفضني:)
يلااا وتبقى الخيرة فيما اختاره الله لك
نفسي اعرف بيجيبوا وقت وطاقة منين يتدخلوا في حياة الناس
ده انا مش قادرة اتدخل في حياتي الشخصية وسايباها ماشية بالبركة!
لو عازماك بكرة ع الغدا.تختار بيتزا ولا أكلة سمك😃❤️
بص اتمنى تكون مفاجاة عشان بحب الاتنين 😃
"تخيل تلاقي شخص على مقاس أمنياتك بالظبط، هدوءه، صوته، مواساته اللي بتخليك تنسى همومك، طريقة سماعه ليك، أخلاقه وطريقة كلامه معاك، صبره على مزاجك المتقلب، إمتصاصه لغضبك، ذوقه في الأكل واللبس، كل حاجة بتصدر منه شبه مطابقة ومناسبة ليك."
شخص تقاسمهُ خوفك، فيقاسمك الطمأنينة..
- تخيل شخص على مقاس قلبك!
بص جمال ودلال وكل حاجة بس تخيل فعلا هل ف حد كدا ؟! ع فكرة في اشخاص كدا فعلا بس هل فعلا هنشوفهم ؟! اجابة السوالين واحدة ياريت فعلا يكونوا من نصيبنا
وتر ما فيه من عيب سوى .أنه مر كلمح البصر 🤎
هو كان بيجري ولا اي 😅
Pic 💙
هو انا لو كبرت وشكلي مش اوي في امل اتحب واتجوز؟
يعم هو عاد حد شكله حلو دلوقتي متقلقش اكبر انت بس 🙂
"والله ما رأيت ثقلاً ع قلبي مثل هذه الأيام."
في أماكن كدة إنت مش راكب ولا لايق عليها، مهما حاولت تتأقلم إنت مش شبه الناس دي، مكانك مش هنا خالص، الظروف حطتك هنا، بس ده عمره ما كان مكانك ولا دول ناسك.
نازلة اجيب شويه حاجات، صحبتي جات معايا خلتني قضيت معاها مشاويرها الاول و استنيتها و روحت من غير ما اخلص حاجة ليا علشان اخرتني
و تاني يوم بقولها اني ملحقتش اعمل حاجة و اني مستنيه انزل تاني
قالتلي انا مطلبتش منك تستنيني و انا نفسيتي تعبت لو مكاني هتعملو ايه
بص مش مستاهلة ان نفسيتك تتعب عشان الحاجات اللي زي دي مشاهد هتشوفها كتير ليك وعليك ودي طبيعة الشخصيات اللي بتتعامل معاها واحب اقولك تعيد التفكير ف مسمى انك قولت صحبتي ف الكيو
لو رفضت شخص بسبب اني هسكن في بيت عيلة كده انا غلطانه ولا دا عادي حقي؟
بص لما الاختيار يتعلق بحياتك هتمشي ازاي اختار الانسب ليك ودا اختيارك مترجعش فيه ولا تفكر تاني بس لو بتسأل ك حل يعني ف على اهله والشخص دا لو انتي حاسه براحة مفيش مانع تفكر وتجرب لو الدنيا اتيسرت شوية ومعجبكش الوضع شوف شقة ايجار او تميلك