@motaahmed730

Ahmed Kamel

What others replied to:

إزاي تبقي إنسان رايق

show all (43)

تبعد عن البشر وتقرب من ربنا وحقيقي هتبقي رايق ومرتاح نفسيا متقربش من حد ومتجاملش بمشاعرك وحافظ عليها
- ابعد عن كل الناس
- ابعد عن السوشيال ميديا
- خرّج كل الناس المنافقة والتوكسيك من حياتك
- متهتمش لكلام أي حد
- قرب من ربنا
- قرب من ناس قريبين من ربنا وبيحبوا الخير ( ناس تحس براحة نفسية أما تشوفهم أو تكلمهم بس)
- اعمل إنجازات تخليك راضي عن نفسك حتى لو صغيرة
- اعمل حاجات تفرحك
- مهما حسيت إنك متضايق بص للسما وإضحك وقول كله هيعدي
- حس بحلاوة الحاجات البسيطة زي كوباية قهوة باللبن مثلًا ، أو نسيم لمس وشك ، أو ميوزيك هادية ، أو مراقبة القمر والسحاب بيغطيه وبعدين ينور تاني... إلخ
- أقعد مع أطفال
- اتعامل مع حيوانات
- متشغلش بالك بأي مشاكل أو مُشتتات وخلي عندك هدف تكون رايق.. رايق وبس مهما حصل
الخلاصة : أبعد عن الدنيا وعيش في العالم الصغير السعيد ده ، هتلاقي نفسك شخص رايق محدش ينافسك في الروقان.. ماشي في البيت تغني وتضحك وتهزر ولا على بالك أي حاجة رغم إنك محطوط عليك من حاجات كتير ووراك مسئوليات كتير وخايف ، لكن هتكون مبسوط وفخور إنك بعيد عن الناس وإنك تخطيت حاجات كتير كانت بتأذيك نفسيًا وخلاص بقيت عاقل وعارف تتعامل ومش محتاج لحد ..
" اتعرف على نفسك وصاحبها وحبها ومتخليش الناس أول اهتماماتك لأ خليك أنت أول اهتماماتك "

View more

+ 1 💬 message

read all

Language: English