••🌸••

د.تَـاج..
#رسالة_الى_الشهداء
- صفاء، احمد، عمر... الى كل الشهداء، احنة هسة بسادس شهر للمظاهرات، هواية احداث صارت وراكم، اكو جماعات بينت على حقيقتهة اكو ثابتين عالحق واكو ناس تايدكم لحد هاي اللحظة واكو ناس تكرهكم.
- حاليا اكو ڤايروس منتشر بالعالم واليوم منع تجوال عدنة والمؤسسات كلهة عطلت غصبا عنهة، الموظفين الي جانوا خايفين على رواتبهم هسة خايفين من الازمة الاقتصادية، حتى الي باكَ الشعب ما عندة مأمن الي ديصير.
- الي جان غافل وقتل وباك هسة عرف قُدرة رب العالمين بس راح تاخذة العزة بالاثم وحب الدنيا يعمي، الناس جانت خايفة تطلع للمظاهرات من الموت هسة الموت هو اجاهة، دفنتهم صارت بالشفل بدون عزاء وفاتحة.
- العالم كلة تغير، اكو ناس راح تنساكم وتلتهي بعيشتهة واكو ناس يومية تذكركم. صار تغيير او مصار، الذكر الطيب من بعض الناس والمحبة هي الي بقتلكم.
- بالاخير حتى العراق ميضل كلهة تموت و الجانت قصة حياتة مُشرفة هو الي يربح.
- كل واحد يكتب قُصتة ويم رب العالمين اللقاء.
✨Narmeen ✨نارمين@narmeenmh