@na3579675

Nada Ahmed

Ask me anything Follow
Ask @na3579675

Sort by:

LatestTop

Space 💖

عكس معظم الناس انا مبجلدش نفسي خالص ،انا مخي عنده تبرير لكل غلطاتي والي هو ايه ده انتي عملتي كده مش مهم ادينا اتعلمنا ،كررتي نفس الغلطة تاني ؟ التكرار يعلم الشطار يسطا ولايهمك ، غلطة غبية ميعملهاش حد ؟مش مهم بس كان ريسك جامد واتبسطنا، وحقيقي عندي سلام نفسي يكفي الكوكب كله.
7
Liked by: Ahmed salem Mohamed Hamada Shimaa Meem Meem FARES 3ashrie

غيرت النظارة بتعاتي علشان نظري قل غيرت بس مقاس النظارة بس مش مريحة خالص يبقي العيب من اي علشان مش مرتاحة خالص اروح للدكتور اوريهاله ولا اروح لمحل النظارات ولا انا الي هاخد وقت علشان اتعود عليها مع ان اول مرة محصلش كده وكانت مريحة

هي النضاره بتاخد وقت كدا اسبوع بالكتير لحد م تتعودي عليها بس لو اكتر م كدا ومتعودتيش يبقي اكشفي تاني او ممكن مقاس النضاره غلط
1
Liked by: 3ashrie

Related users

ahmed_salem123’s Profile Photo Ahmed salem
MohamedHamada11552’s Profile Photo Mohamed Hamada
ShoSho221033’s Profile Photo Shimaa
xx____xx7457’s Profile Photo Meem Meem
Louahem’s Profile Photo FARES
TataMax’s Profile Photo 3ashrie
Srag2001’s Profile Photo Hàsnâà Srâg
mohamedabdlennaser’s Profile Photo مِـنَجِآوِىْ♥.
OmarMokhles23’s Profile Photo Omar MokhLes

من وجهه نظرك الفلوس ولا الصحه وليه!!

الاتنين ..
_الصحه عشان اعرف اجيب فلوس .
_الفلوس عشان لو الصحه راحت اعرف اعالجها.
2
Liked by: Kimo 74 - M . ÊÀ "

Space 🗻

هل نحب الأشخاص لأن هؤلاء هم مصدر الحب ، أم لأننا وجدنا معهم مساحة القبول ؟
وهل لو أتيحت تلك المساحة مع شخص آخر في ظروف أخرى كنا سنحب ذلك الآخر الغريب عنَّا ؟
هل الشعور بالحب وهم ؟
هل يكفي أن نرتاح لشخص لنحبه أم نحتاج لأن نثق به ، أم علينا أن نعرفه جيدًا ؟
هل ما نشعر به هو راحة أم حب ؟ وما الفرق بينهما ،
ولماذا يكون الحب في الأغلب مغيبًا للعقل ؟
هل نحب بقلوبنا أم نحب بأوهامنا الدفينة و رغباتنا الحمقاء المندفعة ؟
5
Liked by: Kimo 74 - M . ÊÀ " Ahmed salem . . . . . . . . 3 Nancy

Space

- بتخافى ؟
= أه بخاف ! ، بخاف أتساب لوحدى .. بخاف أبقى مش مُهمه أو مش مُميزه ، بخاف مِـ البُعد ، بخاف أفضل لوحدى .. وفى نفس الوقت بخاف أقرب ، وفى الحالتين أنا بَتعب ! ، أنا أتسابت كتير لوحدى فَـ عشان كدا بخاف مِـ الوحده بس كان لازم أفضل لوحدى عشان متسابش تانى وفى الآخر هكون لوحدى ! ، الحِكايه مُعقده جداً ، بس حقيقى أنا تعبت من دور إنى أتخذل وأتكسر كُل مرّه .. تعبت من حُزنى على نفسى ، تعبت من كدبى عَـ نفسى إنى مش لوحدى ، تعبت من التَرك فى نُص الطريق وَحدى ، بس بعد كُل حاجه أنا بِخير ومِش حزينه .🖤
5
Liked by: Kimo 74 - M . ÊÀ " . . . . . . . . 3 Nancy

Space ✨

mohammedahmed17316’s Profile PhotoMohammed Ahmed
‏أنا بحب الضحك و بحب شكل أي حد و هو بيضحك و بحب الضحك اللي بصوت عالي و بحب وجع البطن اللي بيجي بسبب الضحك وبحب العيون اللى بتدمع من الضحك وبحب الناس اللي بتضحكنا و بحب الناس اللي دايما بتضحك اضحكوا ياجماعة.♥️
3
Liked by: Kimo 74 Nancy

اكتب شئ✍️🤍

أنا بشوف ماما أحسن ست في الدنيا و ببقي فاهمة كويس ليه معظم الناس الي بيتعاملوا معاها بيحبوها و ممكن يحكولها أي حاجة بسهولة و إنها ازاي رغم إنها في البيت معظم الوقت عشانا بتفهم اكتر من أي حد
و اتمني إني ابقي حتي لو نصها يوم في اد ايه هي صبورة و طيبة و صافية و مضحية تحت أي ظرف رغم إني معظم الوقت مببقاش فاهمة هي بتعمل كدا ازاي.♥
5
Liked by: Kimo 74 . . . . . . . . 3 Nancy سُمَيَّه بِرَيِّكْ"

ـ ما تيجوا ياجماعه نحمد ربنا علي كُل حاجه حصلت ف حياتنا سواء حلوه او وحشه! ♥️

الحمدلله حمدا كثيرا ♥
3
Liked by: أحمد صفية.

الأيام التقيلة دي عايزه مشاركة، حد معاك ف حياتك يقولك سلامتك، معلش، أنت فين أنا جايلك، سمعت الأغنية دي؟، بتفكر تاكل ايه النهاردة؟، نمت كويس؟، ممكن ماتقلقش؟، مهما كنت شبح وجامد وعايش تفاصيلك لوحدك، فالدنيا اتقل من أننا نشيلها لوحدنا.

دي حقيقه فعلا ♥
3
Liked by: أحمد صفية.

لما ال يخونك اكتر حد كنت بتثق فيه تعمل اي؟

هبعد عنه واستعوض ربنا وادعي ربنا يكرمني بحد احسن منه.
1
Liked by: أحمد

هل حقيقي ان الناس لما بتعدي ال ٢٥ شخصيتها بتتغير؟

احنا دايما ف تغير كل يوم بيعدي علينا بيغير فينا حاجه ف هو مش سن معين هنتغير عنده احنا بنتغير بالوقت والمواقف اللي بنمر بيها.

هو عادي البنات تشرب بريل و متحبش الحجات المسكرة و لا دي بنت غريبة الشأن و ابعد عنها 🙂🙂

اي المشكله ف البريل ولا الريد بول هو مكتوب عليها انها للولاد بس يعني بدل حاجه عاديه ومش حرام خلاص وعادي جدا ف ناس كتير مش بتحب الحاجات المسكره انا ع نفسي مش بحبها خالص ف الحوار ابسط م كدا بكتير الحقيقه.

واحد كان متقدم للبيست فريند وقسما بالله م بتمني ليها غير كل خير وكل حاجه احسن مني وبزياده معروف عن الولد ده بيشرب حاجات ومش معاه كليه بس اهله غناي ومرتاحين ماديا وهي ماشاء الله عليها ادب واخلاق ايه والولد مش كويس خالص اقولها ولا لا اخاف اقولها تقول غيرانه واخاف مقولهاش تزعل مني ان كنت عارفه وخبيت

قوليلها واعملي اللي عليكي عشان متندميش بعدين انك مقولتيش ليها.

تيجي ع كرامتك ولا تيجي ع قلبك؟!

اجي ع قلبي لو جيت ع كرامتي يبقي خلاص كدا راحت.
1
Liked by: moataz sayed

ليه الاهل مبيراعوش ان بنتهم اختارت اللي يريحها ويسبوها تعمله

عشان دايما الاهل مبيشوفوش اللي احنا بنشوفه هما بيشوفوا الصح م وجهه نظرهم هما واللي شايفينه راحه ليكي مش بيبقوا مدركين باللي احنا حاسينه وان فيه اختلاف وجهات نظر بينا وبينهم.
بس شوفي الخير فين ليكي واعمليه♥
1
Liked by: moataz sayed

Space ✨🖤

إعتراف:
أنا عارفة اني هبقى شخص مرهق للشخص اللي انا هرتبط بيه لقلة ثقتي و خوفي انه مجرد فترة و انه من الصبح ممكن يمشي مش هقدر اديله الامان و لا هقدر اثق فيه لثواني هيبقى صعب عليه يطمني أو يطلعني من الدايرة اللي الدنيا حطتني فيها غصب عني انا بعتذرله من دلوقتي على المعاناة اللي هيعيشها لحد ما يكسب قلبي بس انا قلبي يستاهل يتحاربله.. صدقني ⁦❤
2
Liked by: REUS moataz sayed

هو انا لو بحب واحد وبعدين اكتشفت خيانته ليا وعديتهاله وبعد كده اكتشفت خيانته تاني وعديتهاله تاني بس بعد كده بقي فيه برود في التعامل منه المفروض اني اعمل معاه ايه

انا اللي مستغرباه انك بتعدي الخيانه اصلا ومكمله عادي كدا.
1
Liked by: moataz sayed

لو واحدة تعبت فى بداية دخولها الجامعة بس التعب بتاعها مش خطير طول ما هى ماشية ومنتظمة ع العلاج هى سليمة جدا لانه مرض مزمن هل لازم تقول للى هترتبط بيه وهل ده ممكن يأثر فى موافقته او رفضه ليها

طبيعي لازم تقوليله ع حاجه مهمه زي دي وبالذات لو حاجه مكمله معاكي وهو لو شاريكي وعاوزك مش هيأثر معاه خالص
وربنا يتم شفاكي ع خير يرب ويكتبلك اللي فيه الخير ي جميل. ♥
1

نصيحة لواحدة رافضة فكره الجواز والخطوبة 🙂

لو حوار عقده م شخص ف مش كل الناس زي بعضها وربنا يكرمك بحد كويس
لكن لو حوار رفض عمتا ف فكري ف بعدين مينفعش حد يكمل لوحده لازم يكون ف حد موجود يشاركنا حياتنا ونكمل معاه باقي عمرنا الجواز مش حاجه وحشه بس اهم حاجه نختار الشخص الصح اللي ينفع نكمل معاه حياتنا.
2
Liked by: moataz sayed

هل انك تصارح حد باحتياجك ليه حركه غبيه ولا عادي !؟

لاء مينفعش تقول لحد انا محتاجك اللي عاوز يبقي معاك هيبقي م غير م تقول لان لو عمل كدا بعد م تصارحه هيبقي تقضيه واجب وخلاص مش عشان هو عاوز يعمل كدا.
2
Liked by: moataz sayed

‏تقول إيه للناس إللي واخده عنك صوره وحشه .

احتفظ بيها. ✌
لان اللي يقدر ياخد الصوره الوحشه يقدر ياخد الحلوه بس هو كان عاوز ياخد الوحشه.
2
Liked by: moataz sayed

نفسى اخليه يندم انه سابنى ويحس بحبى اعمل ايه 💔

تجاهليه خالص ومتفكريش فيه وعيشي حياتك عادي وكملي وطوري م نفسك وم شخصيتك واعملي حاجات مفيده لحياتك وبدل سابك كدا يبقي متفكريش تاني ترجعيله اللي سابك مره يسيبك تاني وعاشر ركزي مع نفسك وبس وربنا يكرمك باللي احسن منه قريب.♥
2
Liked by: moataz sayed

هو ممكن شخص يسيب بنت عشان شكلها مش واو اوي مع إن شخصيتها حلوه وروحها حلوه بشهادة الكل ؟

هو لو ده حصل ف ده راجل ناقص بصراحه.
2
Liked by: moataz sayed Mohamed Abdo

سؤال للنقاش: شريك حياتك من حقه يعيش حياته بخصوصياته ولا لازم تعرف كل كبيرة وصغيرة عنه!

id16x5’s Profile Photoسجي سيف
طبيعي كل واحد وليه خصوصيته ف لو حاجات مش هتأثر ع علاقتكوا ف عادي متشركيش حاجات معاه بس مش كل حاجه طبعا .. بس الافضل انكوا تتشاركوا حياتكوا مع بعض ده هيفيد ف علاقتكوا اكتر.♥

لو اتقدملي واحد غير شخصيتي بس حنين وعارف ربنا وهيتقي ربنا فيا بس عاوزني اشيل صوري من السواشال ميديا وكمان معملتي مع قرايبي الولاد تبقى سلام من بعيد بعد ما كنت قريبه منهم وبقعد معاهم ونتكلم ونهزر انا استغربته اوي وكلهم بيقولو عادي لكن انا حساه كانه سجن ولا

هو مش سجن طبيعي اي انسان بيغير ع شريك حياته زي م انتي هتغيري عليه لو اتعامل مع قرايبه البنات ومش هتحبي ده ف هو كمان مش هيحب انك تتعاملي مع ولاد حتي لو قرايبك .. بس لو حنين فعلا ف ده اهم صفه ف الانسان بجد.
ربنا يكتبلك اللي فيه الخير ي جميل.♥

Space 💖

maishaker_’s Profile Photoمَي
بعيد عن الصراع بين انك تشوفني أحسن واحد وبين انك تقارني باللي بيقدمهولك شخص تاني
انا مش من ضمن أولوياتي أنك تشوفني في أحسن صورة ولا انا بسعى لأني اكون مبهر بالنسبالك ولا حتى هاممني أكون مبهر ومثالي في نظر نفسي،
فأي حاجة أنا بقدمهالك سواء حب او اهتمام او وجودي
ده عشان انا عايز ابقي موجود واقدملك ده فعلا مش علشان انافس حد علي حبك وابهرك بيا وكل فترة اضطر اثبتلك ده
لا عايز انافس حد ولا عايز ابهرك ولا عايزك لو دي نظرتك للأمور.
1
Liked by: Kimo 74

Space 🖤

لو حصل وغيبت عن حياتك فترة أو حسيت أني بعيدة لأسباب ترجع ليا او ليك او مهما كان السبب اللي عمل بينا فجوة، أحب اقولك انك مرحب بيك في أي وقت وانا هنا"حتى في الخصام" ومتترددش لحظة أنك تلجأ ليا اول حد مهما كان اللي حاصل وحتى لو إنقطع بينا الود او حسيتني غريب عنك، أنا هنا دايما حتى ولو أغراب.
1
Liked by: Kimo 74

يبضايقك الرد المتاخر ولا مش بيفرق معاك ؟

ع حسب درجه قرب الانسان ليا.
1
Liked by: Kimo 74

Next

Language: English

4.1

1,266,418 reviews
© Ask.fm 2024