الي تتزوج زواج تقليدي رجاء ما تفتحي أغنية اليسا " حب كل حياتي "
افتحي أغنية فيروز " بحبك ما بعرف هيك قالولي "
علمود المصداقية مو أكثر ..!!🙂
الكلام حسيته استفزاز وتحريض للبنات ع قصص الحب وهاي السوالف التعبانه... بصيغة عود شقه وكاعد نضحك... اني مو ضد الحب إذا تراعي رب العالمين ب الي تحبه وتطلبه بدعائك من الله سبحانه وتعالى.... وتذكر دائما... لا تعصي الله من أجل من أحببت فقلب من أحببت بيد من عصيت.... و الزواج التقليدي ما بي شي مع الالتزام بفتره خطوبه لا تقل عن ٦ أشهر... انسان شاريك وداگ بابك شنو المشكله ووين العيب... حبيت ارد مو بس ع السؤال المكتوب... لان اعرف اكو هواي شباب وبنات هذا الموضوع شاغل تفكيرهم... مو شرط تزوج عن حب حتى تكون سعيد شكد تزوجوا عن حب وما ارتاحوا ابد والعكس صحيح... كل القصه نصيب ورزق من الله... يرزق من يشاء بغير حساب اسأل الله النصيب الجميل اللطيف لي ولكم
حاول/حاولي تعرفين اذا فعلا عنده سبب مقنع أو صارت وياه ظروف معينه جبرته.... واذا هذا الشيء متكرر ومو أول مره ومتعود يروح ويرجع معناها ما مقدرك وضامنك فيتملعب يروح ويرجع ع راحته.. وانت موجود يعني وين تروح متوفر في أي وقت... ياريت ما ترجع/ترجعين تدخلوا لحياتكم اذا كان شخص متلاعب ما يقدر المقابل.... وبرأي ماكو أي ظرف يخلي الإنسان يختفي بدون توضيح السبب
فلوس المهر تره تنصرف ع تجهيزات البنت لنفسها وكل بنت ومستوى معيشتها والبساطه حلوه بس فعلا اكو بنات متعودات ع اسلوب معين وكل انواع الناس متوفره فإختار الي يناسبك
الإهمال يكون لأسباب ١/ إما الشخص فعلا ما عنده رغبه فيك وهذا ما اله علاج عز نفسك يا انسان وانت تستحق الأفضل ٢/أو الشخص هذا مهتم جدا وما يريد يبين ومن كثر ما مهتم بيك فعليا يسوي كل الي يگدر عليه حتى يبين العكس اما لقله ثقه الشخص بنفسه او حتى انت تطارده فيزيد في اهماله الك وبكل الأحوال الإهمال ما اله علاج أولا ولثانيا هذا الأسلوب ابدا مو سوي من شخص مو سوي سام غير ممكن بناء حياه معه أتمنى لي ولكم كل الشفاء والتقدم
ضع شيء خآص بك
كتآبآتك رسمك تصويرك أي شيء من صنع يديك *