Ask @nadaali2352001:

Sad Space😐

Eman Darag
أنا بشوف نفسي شخص مُمل جداً ، مينفعش لأي علاقه long term ، مقتنع إني مقدرش أسعد حد مدة طويلة ، ولا شخصيتي ممكن تريح حد ، مبعرفش أحافظ علي حد ، ممكن مرة أفضل أتكلم كتير مع الناس ومرة أفضل ساكت ، مبحبش العلاقات الاجتماعية ، بزهق بسرعة من أي حد.

View more

لـ♡ـك..🎤🎓

เɓ૨αɦเɱ ɦαรรαɳ ⓜ اللهم حلما
فيه ناس بتحرم على نفسها فكرة الضعف.. لأ مش أنا اللى أبكي.. ماينفعش أتوجع.. ماينفعش أبان مهزوم.. مين قال!.. إحنا بني آدمين عندنا مشاعر وأحاسيس، وكتير مننا بيشيلوا فوق ضهورهم اللى يهد جبال مش بس يكسر نفسيات!.. لو ربنا عايزك صلب كان خلقك حجر ولا حديد؛ بس رقة مشاعرك، وتفاعلك إنسانياً مع اللى بتمر بيه من إنفعالات أو حزن؛ مسألة طبيعية ولايقة عليك أكتر.. ربنا عايزك بالدرجة دي من رقة القلب..
مش الفيصل فى الموضوع إنت النهاردة بكيت ولا لأ.. كل واحد فينا بعد أى موقف صعب أو ضغطة معينة مسموح له ينهار.. بس هي الفكرة فى حاجتين.. الأولي: إنهيارك ده كان قدام مين؟.. نفسك أو حد هيستر عليك ضعفك، ولا هيبقي على المشاع قدام الناس كلها؟.. والتانية: هتعمل إيه بعد إنهيارك؟.. هتقف تاني، ولا هتستحلي بلل الخدود؟.. البكاء هياخد الكام دقيقة ولا حتى الكام ساعة بتوعه ولا هيتقلب لـ شحتفة ونواح؟.. هتتعلم، ولا هتكرر نفس الغلطة اللى أظهرت ضعفك؟..
شوية إنهيار لحظي مش غلط.. شوية دموع مش نهاية الدنيا بالعكس دول ممكن يكونوا أولها.. مفيش حاجة إسمها الرجالة مابتعيطش.. مفيش حاجة إسمها إجمدى وإمسكى نفسك..
تفريغ القلق، الزعل، وحتى الضغط فى بُكا أو فضفضة أو قفلة على نفسك وعزلة مش عيب.. مش بننشف، ولا بنقوي، ولا عودنا بيشد غير من شوية التجارب اللي يبانوا ضعف.. فيه مقولة لطيفة بتقول: (عظامك ليست مصنوعة من زجاج دع الحياة تصدمك.. فلتُهزم، فلتُخطأ، فلتُخذل، فلتيأس، لا تهرب، دع الحياة تقويك).. إحنا بني آدمين مش حجر.

View more

Next