أنا دخلت انترفيو لأول مرة ف حياتي😆🎈 اينعم شكلي متقبلتش و بقوة😂💔 بس فعلًا استفدت كذا حاجة: منها جوانب أول مرة اشوفها في شخصيتي و اكتشفت كام حاجة كده، و إني خُضت التجربة أصلًا شيء حلو جدًا... 😅🌺🚶
انت جيت ف المكان الغلط تمامًا؛ أنا احسن واحدة تلم المنهج ليلة الإمتحان، احسن واحدة تعمل جداول لكل خطوة و متنفذهاش، احسن واحدة تأجل عمل اليوم للغد و بعد الغد و لآخر الشهر..😂😂😂😂💔 نتكلم جد بقا رغم إني مش عايزة..: حط أهداف كبيرة عايز تحققها و أهداف صغيرة كخط سير يعني، اعمل جدول بسيط لليوم و يكون معقول وحاول تنفذه و واحدة واحدة هتمشي عليه كويس .. ذاكر ف مكان هادي و انت ذهنك صافي عشان يبقى المذاكرة بتركيز فتخلص فوقت اقل .. اهتم الأول انك تبقى فاهم عشان اعرف تذاكر لو في فيديوهات او ريكوردات او أي داتا اسمعها و أقرأها و لخصها هتلاقي الدنيا تمام،، اهتم بالتكرار و المراجعة كل فترة .. خلي في رياضة ف يومك عشان تتنشط و هتفيدك عمومًا.. اهتم برضو بوقت راحتك تكون بترتاح كويس يعنى مثلًا وقت المذاكرة مذاكرة صح و بتركيز، و وقت اللعب لعب صح وباستمتاع وكده .... "أنا مش بنفذ الكلام ده بس بحاول😂" ربنا يوفقنا كلنا🌺🌺🙏