Ask @nadiasaadeh407:

مساحة🌀🖤

عبدالله الكفاوين " غارفيلد "
اعترافات :
- أنا مرتي لما نقعد ع الغدا بتقطّعلي قطعة اللحمة ع الرز ؛ انا ما بطلب منها ؛ بس بتعرف إنّي ما بحب أعمل هالشي لحالي
- بس عادي كتير لو وانا راجع من الشغل ودقتلي لتقلّي : " أنا تعبانة وما قادرة أعمل اكل اليوم او ما الي مزاج " ف هاد الموضوع ما مهم عندي وبقلّها ببساطة : " لا تتعذّبي أنا رح جيب شي أكلة نتعشّاها " أو ممكن نقضّيها ع اللبنة والجبنة
- طبيعي كتير لو انا مسافر ب شغل لاقي مرتي عم تتصل فيي تستأذن مني انّها بدا تروح تسهر مع شلّة رفقاتها ، مع اني بعمري ما طلبت منها هيك ، لأني واثق انها ما رح تعمل شي يزعّلني
- انا بعمري ما طلبت منها تخدم عند اهلي أو تعمل شي مو مجبورة عليه ، بس هيي لحالها كانت لمّا تروح لعند أمي تطبخلها وتقلّي :
" اهلك بحبوني و امك كبيرة ف حرام خلّيها تتعب هيك "
و ب نفس الوقت لو صارت مشكلة بيني وبينها أبي بِوقّف ب صفّها هيي وبِقلّي :
" هيي اللي بنتي واللي بِزعّلها كأنّو متقصّد يزعّلني إلي "
- لمّا انا وهيي اختلفنا ب تسمية أوّل ولد ألنا ؛ كتبنا الاسماء اللي بدّنا ياها على ورق ، واخترنا ورقة عشوائية والاسم اللي طلع اتفقنا عليه، ف كان جود هوي اسم ابني
- طول ما ربنا رازقني ، بشكل طبيعي منطلع ونتفسّح واللي بتطلبو منّي بنفّذو وانا مبسوط
من اسبوعين خبّرتها اننا داخلين على أزمة مالية لأنّو الشغل واقف والمصاري قرّبت تخلص ، فقالتلي :
" لمّا ظروفك بتكون حلوة بتشيليني فوق راسك وبتحققلي اي شي انا بطلبو ، دوري ب وقت زنقتك شيلك بعيوني حتى لو رح نقعد من دون أكل "
الحبّ الصحّ وحدو هوي اللي رح يخلّي حياتك تمشي متل ما بتتمنى ؛ اختيار الشريك ما بصير ب يوم و ليلة ؛ ومو من موقف واحد رح تعرف تحدد مين هوي
اختارو صحّ ؛ ع حسب اختياركن بتحددو طبيعة حياتكن بالمستقبل !❤
#منقول_بس_حبيت♥

View more

Pic _♥_

SANARYA
في اشياء يتكون تسعدك وبتكون شايف الدنيا فيها لما تغيب عليها فترة وترجعلها بتلاقي فيها غلط وعدم اتزان تماما زي موهبة اهملتها وبس ترجع بتلاقي حالك حتى القلم مش عارف تمسكو وبطلع اغلاط كتير 🌚 هيك مجرد موهبه كيف لو شخص 🤷‍♀️🙄

View more

Next