أكو جملة أنگالت بفلم the falut in our stars تگول : اللي يحبنا وأحنه بأسوء حالتنا همه اللي يستحقون يبقون بگلوبنا للأبد. بفلم the mountain between us الممثلة كيت وينسلت چانت طالعه بدور صحفية ومخططة تزوج من رجل أعمال ومتفقين على الأرتباط الرسمي ، چان المفروض تسافر أله من مدينتها لمدينته وطول الوگت چانت قلقة خاف تتأخر عليه لأن چانت شايفته فرصة مثالية أنه تتزوجه بس بظروف جوية صعبة خلال سفرها وگعت الطيارة اللي چان مفروض تنقلها بمنطقة كلها ثلوج وجبال وچان وياها بنفس الطيارة الممثل أدريس ألبا وطالع بدور دكتور قلب ومسافر لنفس المدينة اللي هي چانت مسافرة عليها لأن عنده جراحة لطفلة بحالة خطرة ، نتيجة الظروف اللي وگعوا بيها چانت هي عصبية وحزينة وضايجة لأن راح تتأخر على حفل زفافها وتخسر الشخص اللي تريد تزوجه فطلبت من أدريس يساعدها ، وبالفعل بده يساعدها ، چانت تصرفاتها طفوليه وبيها خبال فتحمل كلشي حتى لمن طلبت منه ميعوف چلبها بنص العاصفة الثلجية ، ولمن وگعت چوه الجليد عرض نفسه للموت علمود ينقذها وضل طول الفيلم يساعدها يتحملها ويكونلها سند ، بالنهاية وصلها للمدينة بس هي رفضت أنه يتم زواجها وأكتشفت أن حبها الحقيقي للشخص اللي وگف وياها وصارلها سند ، الشخص اللي تحمل تقلباتها المزاجية وخبالاتها ، الشخص اللي قابلته صدفة. رباط السالفة : الحب مواقف حقيقية أكثر من مجرد مكالمة أو رسالة ، وأنه غالباً الشخص اللي يدخل حياتك بالصدفة يطلع أحسن من اللي أختاريته وگاعد تركض وراه ، الحب الحقيقي هو اللي لمن تگون تعبان وتمر بظروف سيئة تشوف المقابل يوگف وياك ويسندك ويهتم بيك ويرفع من معنوياتك لحد ماتصير زين. حبوا الناس اللي تسندكم اللي تدعمكم وتكون وياكم بكل خطوة اللي يقدروكم ويقدرون مشاعركم واللي مايهون عليهم زعلكم.❤️