نصيحة قبل النوم اليوم ✨💜 الحنية أهم بهواية من الحب.. الحنية هي الي تجيب الحب ويگولون الي محد حن عليه يعيش يتيم حب..من وكت ضيقج تلگين الي يساعدچ، من تحتاجين سند، من تحتاجين كلمة حلوة تدارين بيهه يومج التعبان، من تتمرضين ويركضلج احد، من احد يسعى انو يضحكج، من يهتم لأصغر واتفه مشاكلج.. هاي الأمور حنية ومو أي شخص يگدر يوفرها والي يكَدر هو الشخص الي رح يجي ببالج بأول لحظة تمرين بيها بمشكلة ❤️ هواية ناس تعرف تعيشچ بحالة الحب والرومانسية وجو السندريلا هذا وبعدين تعيشين الصدمة لأن مافهمتي الأساس، من تطلعون من هذا الجو تبقى الحنية هي الي تربطكم وتصير أساس ألكم، هي الي تخليكم تحترمون بعض وتقدرون وتتفهمون، مو طلعات وورد وهدايا واغاني وتگولين أني عايشة الحب وهاهي، لا الحنية والتصرفات والوكفات على بساطتها وتعقيدها.. ومرات حنية أهل او حنية صديق تسوه ٣/٤ قصص الحب مال هالوكت 🌸✨💕
" أصدقاء الثانوية تفرقهم الجامعة .. وأصدقاء الجامعة تفرقهم الوظيفة .. وأصدقاء الوظيفة تفرقهم الاستقالة .. وألاصدقاء الحقيقيون لا يفرقهم إلا الموت " ...