احنا منعرفش بعض بس بحب ردودك علي الاسئله اللي بتتبعتلك ودماغك انا بحب حد اووي بس هو ميعرفش اصلا واوقات بحس انه معجب بيا بس نفس الوقت متقدملي عريس كويس من كل حاجه اوافق عليه ولا استني علي امل ممكن الشخص اللي بحبه ده يتقدملي انا معنديش صحاب ف ممكن تساعديني؟
على عيني يحبيبتي والله 🤍🤍 لو جاهزة الارتباط حاليا اقعدي مع الشخص اللي متقدملك ارتحتي وحسيتي في توافق كملي يبنتي محستيش يبقا الخير فيما اختاره الله ، متعلقيش قلبك بحاجة انتي مش مدركة نهايتها وربنا يوفقك ويلهمك للصواب أن شاء الله 🤍
عاوز اتقدم لبنت بس عرفت ان هى كانت بتكلم شاب وهى فى ثانوى هى حاليا محترمة وكويسة بس انا مش قادر اتجاوز الموضوع ده نصيحة
لا انا ولا انت ولا اي حد ليه يحكم على حد خدها قاعدة قدام عينيك ثانياً كونك حتى لو كنت خاطبها مثلا ملكش حتى الحق تكلمها عن ماضيها أو اي حاجة امتى يبقا ليك تكلمها من اول يوم تدخل فيه حياتها غير كدا مش من حقك اصلا تدخل في حياتها
العيش بسلام ولا العيش بنجاح؟
سلام🤍
ممكن اسلوب الاعتذار يخلينا نسامح ولا مش فارقة؟
سامحي أولا علشان ربنا ثانيا علشان نفسك . مع الاعتبار أنه يكون انسان عادي يعني لا قرب ولا بعد .
انا ياما كلمتك مبترديش
مش عارفين تلتمسولي ولو عُـذر واحد !
مخطوبه وهتجوز فـ شهر 7 ان شاء الله ولسه مجبناش الدهب .. وطبعا الجرام عدى ال1000 خلاص!
مش عارفه اقول لاهلى ازاى انى متنازله عن الدهب! وهل كده انا صح ولا غلط انصحونى بالله عليكم وادعولنا ربنا ييسر امورنا
الشبكة بتتجاب وتترمي فالدرج ، اهم حاجة الإنسان اللي هتعيشي معاه كل الباقي ملوش لازمة وانتي بتفكيرك دا إنسانة جميلة . قوليلهم عادي وهما يتكلموا مع العريس وأهله ويقولولهم بطريقتهم أنه مثلا شايفين الغلاء وكدا واحنا شاريينكم وأنكم مستغنيين يعني عن الشبكة لو مش في مقدرتهم
بحاول أتوب عن ذنب ما ، بصلي الصلاة في مواعيدها الحمدلله ، لكن عاوز شئ ابدأ من عنده التوبة و ميرجعنيش تاني ، اللي هتقولوه هنفذه 💜💜
صلي ركعتين توبة وادعي ربنا بالثبات ، خليكي منتظمة ف مواعيد الصلاه واقرأي الاذكار ( الصباح والمساء) دول حصن المسلم وقيام الليل مُعجزة ، وابعدي عن أي حاجة بتخليكي ترجعي للذنب دا واسال الله العظيم رب العرش العظيم ان يثبتك يارب 🤍🤍🤍🤍🤍
سعادتنا مينفعش ترتبط بغير الله 🤍 ايوا احنا بنحب وجود أشخاص ف حياتنا بس الناس بتروح وتيجي كل الناس فترات فمتتعلقيش بغير ربنا وبس .
فكرة إن كل شيء يتحول لبديهيات وكأن الإدراك وصل لمستواه الأخير والنهائي، مفيش حاجات مثيرة ، مفيش أفعال مفاجئة، ردود الأفعال كلها متوقعة وسهل التنبؤ بيها، مفيش شغف تجاه حاجة أو هدف من الحصول على حاجة
نص الجملة كويس اوي والنص التاني مش كويس خالص اولا حاجة جميلة أن الإنسان يبقا مدرك اللي بيحصل حواليه ويفهم اكتر ثانيا طالما عارف /ة أنه مفيش شغف أو هدف فأنت لازم تحدد لنفسك new goals وتمشي عليها
عايزة اكلمك ف موضوع خاص ينفع بابلك كدا ولا فيها زعل؟
اللهمَّ اغفِرْ لي خطيئَتي وجَهلي ، وإسرافي في أمري ، وما أنت أعلمُ به مني ، اللهمَّ اغفرْ لي خطَئي وعَمْدي ، وهَزْلي وجِدِّي ، وكلُّ ذلك عندي ، اللهمَّ اغفرْ لي ما قدَّمتُ وما أخَّرتُ ، وما أسررتُ وما أعلنتُ ، أنت المقدِّمُ وأنت المؤخِّرُ ، وأنت على كلِّ شيء قديرٌ