هو عادى خطيبى يشتمنى ويقولى معلهش اصل بتعصب عشان بحبك؟؟
لا مش عادي وسيبيه لانه مش هيتغير لانه اساسا بيبرر لنفسه مش معترف ان عنده مشكلة ولان العصبية مش مبرر لاي رد فعل جارح زي الشتيمة أو الإهانة .
Ask @nawalelgabrty
.
اصبح حفاظك على الهدوء والسلام النفسي يستهلك طاقة أكبر بكثير مما لديك أيعقل أن الأمر أصبح بهذه الصعوبة أليس ترك الأمور على سجيتها هو الطريق ؟ لما أصبح الطريق ممتلئ بالعثرات وكأنك يجب أن تلهث قبل أن تهدأ ، ظروف الحياة أصبحت تجعلك تنخرط بأمور ليس لك فيها من الأمر شيئا لكن لماذا تورطت في كل هذا يا صديقي وكيف السبيل إلى الخروج؟ انت فقط لا تعلم انت تفكر كثيرا افكارك مبعثرة بين الخطأ والصواب لا تدري اصواب أن تظل متمسكا بالسجية رغم أن طريقها أصبح غير ممهد في تلك الحياة التي تجبرك على أن تتغير حتى تمهد لنفسك طريقا آمنا بلغة عصرنا اعتقد أن مرض التفكير أصبح مرتبطا بشدة بمرحلة النضج كم احب الوصول لقمة النضج لكن اكره الطريق المؤدي اليه والذي يجعلك تفكر وتفكر وتفكر فلديك من الخبرات والسنوات ما يجعلك ما إن بدأت التفكير لن تستطيع التوقف ، الا يجب أن يكتفي المرء بما وصل إليه نضجه الان وان يتمتع ببعض من هدوءه قبل أن يحل محله افكار مبعثرة جديدة ..
هو غلط لو ولد كلم بنت معجب بيها وعرفها مشاعره من ناحيتها ؟
لو عايز تعرفها مشاعرك وعايزها ترتبط بيك وتتكلموا وتتعرفوا لحد ما تخلص كلية وجيش وتكون نفسك يعني تقعدها جمبك حبة سنين حلوين كدا من غير ما تعرف اهلك او أهلها وتعلقها بيك من غير ما تكون ناوي تاخد خطوة جدية ف وقت محدد وملناش دعوة بنيتك ايه فأنا اسفة يعني بس كدا اسمه بتستعبط .
استني لما تبقا مستعد فعلا وابقا قولها انك جاهز تتقدملها غير كدا فغلط تعرفها اي حاجة .
استني لما تبقا مستعد فعلا وابقا قولها انك جاهز تتقدملها غير كدا فغلط تعرفها اي حاجة .
Liked by:
A ꙷ ⷶ♬♪
Donia ElDomiaty
People you may like
يارب تردي عليا❤ أنا بنت اتخطى ازاي انفصال عاطفي بعد تجربة استمرت وقت طويل، بقالي ٦ شهور مش عارفه احس بالحياة زي زمان وأغلب الحاجات اللي كنت بعملها بلاقيني بفتكر فيها الشخص اللي كنت بحبه وبشاركه فمش بعملها!
اول حاجة لازم تقتنعي بأن دا طبيعي جدا وانك ف مرحلة علاج للتعلق واي علاج بيكون صعب مش سهل لكن النتيجة بتكون بالصبر والتجلد يعني تقوي نفسك بالكلام كل يوم وتفكري وتركزي ف نفسك وف حياتك شوفي ايه ال محتاجة تصلحيه ف حياتك ايه ال حابة تعمليه اخرجي واعملي كل الحااجات ال تبسطك انتي هتفتكريه كتير لكن مرة ف التانية هتتعودي انك بقيتي بتعملي الحااجات ال تبسطك لوحدك والوقت هيخفف حدة التعلق ديه خالص ، الأهم ابعدي نفسك واول ما تلاقيها بترجع لذكريات الشخص دا وقفيها فورا بحزم وأشغليها بتفكير أو بعمل حاجة تانية واحدة واحدة قللي اي كونتكات هيفكرك بيه كل دا بيجي مرة ف التانية فاعملي كدا من غير ما تيأسي هتقدري تتخطي الموضوع إن شاء الله .
Liked by:
A ꙷ ⷶ♬♪
ممكن تقوليلي الفتره دى ف ثانويه عامه المفروض اعمل اي وعندى مشكله فالانجليزى بس لكن باقى المواد كويسه جدا الحمدلله ف اعمل اي مثلا او اطلع على مصادر اي ؟!
بصي انا بتهيالي أن أغلب الدورس بدأت دلوقتي فالنصيحة الاهم انك تتابعي وتذاكري مع الدروس اول باول وال يقع منك متقفيش عليه المهم تفضلي ماشية مع الدروس وكل ال وقع بيتلم ف الآخر + ال متفيهموش اليوتيوب فيه كل ال انتي محتاجاه + حاولي تحضري امتحانات الدروس وتتدربي عليها كتير + نظمي وقتك واعملي جدول يومي وادي لنفسك فترات راحة تفصلي فيها + الانجليزي بقا حاولي تذاكري كلمات كتير انا كنت بجيب قطع انجليزي من اي كتاب خارجي او من ع النت واقعد اترجم فيها الكلمات الغريبة واحفظها لحد ما بقا عندي ثقافة لغوية كويسة وبردو حلي كتير كتير على اد ما تقدري 💙 ربنا معك ويوفقك يا رب 💙
Liked by:
A ꙷ ⷶ♬♪
يعمل ايه الإنسان علشان ما يكونش وحيد
يصاحب نفسه
بجد اكتشفت بعد فترة مش سهلة اني لما ببقا مع الناس ومبسوطة وكل حاجة تمام ببقا مستنية ابقا لوحدي عشان فيه نوع من الهدوء والاستمتاع بصحبة نفسك لا يقدر بثمن حقيقي انك تعرف تكلم نفسك وتاخد رأيها وتخرج تتمشى لوحدك وتروح مكانك المفضل لوحدك تفتكر حاجة بتحبها ذكريات هتخليك مبسوط تقعد تعاتب نفسك تنصحها تشوف محتاج تقومها بايه طاب محتاج تريحها ازاي والله صحبة مريحة لا تقدر بثمن
بجد اكتشفت بعد فترة مش سهلة اني لما ببقا مع الناس ومبسوطة وكل حاجة تمام ببقا مستنية ابقا لوحدي عشان فيه نوع من الهدوء والاستمتاع بصحبة نفسك لا يقدر بثمن حقيقي انك تعرف تكلم نفسك وتاخد رأيها وتخرج تتمشى لوحدك وتروح مكانك المفضل لوحدك تفتكر حاجة بتحبها ذكريات هتخليك مبسوط تقعد تعاتب نفسك تنصحها تشوف محتاج تقومها بايه طاب محتاج تريحها ازاي والله صحبة مريحة لا تقدر بثمن
+ 1 💬 message
read all
اه كنت معاكي في مؤتمر امال ازاي بقلك كنتي حلوه😂🙄
ااه تمام مين بردو معرفتش 👉👈
لو انا متعلقة بشخص جدا ومش قادرة اسيبه عشان بحبه اوى بس فى نفس الوقت هو بياذينى نفسيا بسبب إهماله ليا وبعده ايه الحل
مش قادرة تسيبيه عشان معلقة نفسك بيه وخايفة على شوية المشاعر ال عيشتيها معاه لكن صدقيني اوعي تقنعي نفسك انك مكملة عشان بتحبيه لان ال بيحب حد بيبقا متقبل عيوبه مش هيشوفه شخص مؤذي نفسيا ويقول عليه حب ..عالجي تعلقك وابعدي عنه والمشاعر الوقت بيشفيها متخافيش لمن الأذى النفسي مضمنش هيسبلك اثار سلبية هتروح مع الوقت ولا لا .
لا يكراش انتي اللي حلوه عشان كده مؤتمر كان حلو اووي
مين ، حد اعرفه أو كان معانا ف المؤتمر ؟
كنتي فالمؤتمر وشكلك حلوو لوي
شكرا والله المؤتمر كان احلى 😂💙
معنديش شقة و الاسعار بتعلي جدا و الدهب زاد جدا حقيقي الموضوع بقي صعب جدا عليا ربنا يهون يارب
ربنا مش بيسيب حد والله عارفة أن الموضوع بقا اصعب كتير جدا عن الاول لكن ربنا موجود وما عليك الا السعي اشتغل بس وحاول تكون اي مبلغ أو تعمل جمعيات وبتدبر والله ولو ع الدهب فمفيش حد عاقل هيطلب من الشباب دهب كتير ف الظروف الزفت ديه متشيلش همها وسيبها على ربنا وهو هيدبرها.
+ 6 💬 messages
read all
ايه الحلو في ال eye contact لا بجد ايه الرومانسيه في كده يعني تخيل تبقي باصص لحد وهو يفضل باصصلك ومبرقيين لبعض بجد يخربيت الرعب
ال eye contact ملوش علاقة بالرومانسية انتو ال بوظتوا سمعته 😂
دا من أهم ال skills اللي المفروض الإنسان يكتسبها سواء ف الحياة الاجتماعية او العملية لأنها بتدل على ثقتك ف نفسك وتركيزك وبتخلي ال قدامك يركز معاك ومع كلامك من غير ما يسرح او يتشتت منك انا عن نفسي مبعرفش اكلم حد من غير ما يكون فيه eye contact لاني بفصل منه وانا شخصيا بتشتت وبفقد تركيزي فحاول تشتغل على النقطة ديه واطمن ملهاش علاقة بالمحن 😂
دا من أهم ال skills اللي المفروض الإنسان يكتسبها سواء ف الحياة الاجتماعية او العملية لأنها بتدل على ثقتك ف نفسك وتركيزك وبتخلي ال قدامك يركز معاك ومع كلامك من غير ما يسرح او يتشتت منك انا عن نفسي مبعرفش اكلم حد من غير ما يكون فيه eye contact لاني بفصل منه وانا شخصيا بتشتت وبفقد تركيزي فحاول تشتغل على النقطة ديه واطمن ملهاش علاقة بالمحن 😂
الشخص الي حاطط حدود معقد ولا متربي بزيادة
يجدعان بجد دا الطبيعي انا مش متخيلة أن الشخص ال بيحط حدود ف علاقاته بقا يتصنف انو معقد ولا متربي بزيادة دا العادي أن كل إنسان يحط حدود ف كل حاجة ف حياته مع اي حد حرفيا بلا استثناء مهما كان القرب مهما كان لانك انسان عنده مساحته الشخصية ال مش من حق حد يقتحمها لا معقد ولا ليك تصنيف معين انت مجرد انسان بيمارس حقوقه وال مش هيحترمها يخرج من حياتك خالص .
لما بتحس ان ده مبقاش مكانك بتعمل ايه ؟
كنت الاول بحاول اغير ف نفسي عشان اناسب المكان واقول لازم تبقي فليكسبل عشان تعرفي تتاقلمي لقيت أن ديه كانت اكبر غلطة عملتها ف حياتي لاني بقيت غريبة عن نفسي ومش راضية عنها فمبقتش مرتاحة اكتر لكن استوعبت اني وقت ما احس ب دا همشي أيا كان مدى حبي أو اهتمامي بالمكان .
Liked by:
Tarek Muhammed
امتي احس ان قادر اتقدم لواحد ( صالونات مش حب)
يكون بيشتغل وقادر يفتح بيت ويصرف عليه حتى لو بدخل متوسط + عندك شقة لان مفيش الا نادرا أهل ممكن يوافقوا من غير ما يكون عندك شقتك لو حتى لسة قدامك تجهيز كتير فيها بس المهم ان فيه حاجة فعلية موجودة + انت نفسك تكون شخص ناضج ومتحمل للمسؤلية وعايز تستقر + لقيت الشخص المناسب لو صالونات يعني ف ع الأقل يكون عندك قبول مبدأي ناحيتها + تكون انت ال مختارها مش حد من أهلك يعني مش عاجبة مامتك أو خالتك أو عمتك مثلا وانت رايح كدا وخلاص .
الجواز من نفس السن عادي ؟؟؟؟
بعيدا عن الكلام الكليشيه بس بجد السن مجرد رقم يعني قبل ما تسال واحد انت عندك كام سنة اتكلم معاه الاول واعرف شخصيته ودماغه وبعدها هتعرف دماغه تديها كام سنة لان النضج والتجارب والخبرة وتطوير الشخصية مش بعدد السنين على اد ما هو انت بدأت تشتغل على نفسك وفكرك ينضج وتطور من نفسك وتتحمل مسؤلية ومستعد تشيل مسؤلية شريكك وتقدمله الامان والاستقرار من وانت عندك عشرين سنة ولا انت عندك تلاتين سنة ولسة مش عارف تواجه الحياة ولا طورت شخصيتك ولا بقيت ناضج ومش عارف تتحمل مسؤولية نفسك حتى..النضج وتحمل المسؤولية والصفات الشخصية هما ال بيحددوا هينفع تتجوز الشخص دا ولا لا مفيش اي حاجة تانية ليها قيمة .
Space 🦋❤️
فكرة تقييد الإنسان لنفسه بعتبرها اكبر من اي تقييدات مادية أو بشرية ملموسة بنسعى اننا نتحرر منها ف المجتمع ، زي أن الإنسان بيقيد نفسه بفكر معين وبهدف معين وبيسخر نفسه وكل السبل لتحقيق الهدف دا وبيتعب وبيخاف وبيقلق انو ميوصلش بيخاف يخسر الحاجة الفلانية بيخاف يخسر الحد الفلاني لانه رابط حياته كلها بالحاجة ديه وكانها لو متحققتش هيحس ان الدنيا انتهت مش قادر يشوف حاجة غيرها حاسس ان الدنيا ضيقة اوي مع انك تستغرب ازاي هو شايفها ضيقة كدا رغم أنها واسعة جدا وفيها كتير اوي غير ال فاته وفيه احسن بكتير من ال خسره ازاي مش قادر يشوفه ازاي مش قادر يبص لقدام والإجابة ببساطة انو مش قادر يشوفها واسعة لان هو نفسه حط حدود جوا نفسه وحياته من غير ما يحس وقيدها بشوية حاجات اعتبرها هي اخر حدوده ال هيتعب ويعافر عشانها ووقت لما مقدرش يوصلها اعتبر أن مفيش حاجة بعدها بقا خلاص ، الحقيقة إن الإنسان لازم يحاول ميحطش حدود لنفسه ابدا وانو يدي لنفسه مساحه على اد اتساع الكون ويبطل يحط حدود جواه تحت مسمى اهداف لازم احققها وإن أهدافك دلوقتي مش هي اخر حدودك هي مجرد خطوات لل بعده وال بعده وال انت لسة متعرفوش وسواء حققت الخطوة ديه أو لا فالخطوات مبتخلصش طول ما انت مش معتبرها آخر حدودك فسواء حققتها أو لا فأنت خدت الخطوة واتقدمت لل بعده وهتوصل لل بعده ال انت لسة متعرفوش ..💙
هو لو حد معجب بيكي ومش ضامن فيه قبول ولا لا يخلص ويتعرف ولا يفكه؟
يفكه عشان مبتعرفش
لما احب حد و يرفض اتمسك و احاول و لا ابعد وانسي ومليش نصيب؟
على حسب كذا حاجة..
أولهم هل كان الرفض قاطع ولا فيه تردد يديك امل للمحاولة تاني ودا بيبان من طريقة الرفض نفسها
تاني حاجة هل سبب الرفض مقنع ولا مجرد رفض من غير سبب أو لأسباب شخصية زي أن مثلا الوقت مش مناسب أو الظروف مش مناسبة أو خوف من التجربة فكدا تقدر تستنى أما الظروف تتحسن وتحاول تاني
ولا الرفض لسبب أن مفيش قبول أو فيه صفات معينة سبب الرفض ساعتها لو هتقدر تغيره وتحاول تاني تمام مش هتقدر يبقا ملهاش لازمة المحاولة لان السبب لسة موجود والمناسب وقتها انك تبعد و تدور على حد يقبلك ويحبك زي ما انت كدا ..
والأهم هل الشخص يستحق المحاولات والتمسك دا ولا لا ؟ اقعد مع نفسك وجاوب على الأسئلة ديه وبعدها انت ال هتقرر..
أولهم هل كان الرفض قاطع ولا فيه تردد يديك امل للمحاولة تاني ودا بيبان من طريقة الرفض نفسها
تاني حاجة هل سبب الرفض مقنع ولا مجرد رفض من غير سبب أو لأسباب شخصية زي أن مثلا الوقت مش مناسب أو الظروف مش مناسبة أو خوف من التجربة فكدا تقدر تستنى أما الظروف تتحسن وتحاول تاني
ولا الرفض لسبب أن مفيش قبول أو فيه صفات معينة سبب الرفض ساعتها لو هتقدر تغيره وتحاول تاني تمام مش هتقدر يبقا ملهاش لازمة المحاولة لان السبب لسة موجود والمناسب وقتها انك تبعد و تدور على حد يقبلك ويحبك زي ما انت كدا ..
والأهم هل الشخص يستحق المحاولات والتمسك دا ولا لا ؟ اقعد مع نفسك وجاوب على الأسئلة ديه وبعدها انت ال هتقرر..
+ 4 💬 messages
read all
Liked by:
أم موسى
Sarah A Doma
space
لا تقسو على نفسك فالعالم قاسٍ بما يكفي ولا أحد في وقتنا هذا يملك القدرة طوال الوقت ليكون لطيفاً معك فقط تصالح مع نفسك واحنو عليها وخذ بيدها وكن لطيفا معها فهي لا تهم أحداً سواك واعتذر لها كل يوم عن قسوة العالم معها 💙
Space
وتظل أعظم حقيقة يستمد منها الإنسان ثباته وقوته الحقيقية وراحته وسلامته النفسية عندما يعترف يقيناً واقتناعا من داخله بمدى ضعفه وقلة حيلته ومع ذلك يبتسم هدوءا وارتضاءا بعمله وسعيه حتى لو كان بالقليل، وتسليمه شتى أموره ليدبرها له الله بكرمه وفضله فحينئذ يرى حملاً ثقيلا كان قد أشعره يوماً بالعجز والخوف والقلق قد أُسقط من على عاتقه فجعل روحه تسعى بخفة واطمئنان من جديد ..💙
هو السن المناسب الخطوبة كام
على حسب.. للبنت ولا الولد وعلى حسب درجة النضج نفسها وترتيب أولويات كل واحد ودول ملهمش سن معين بس الاكيد انو مش قبل ١٨ سنة .
لو الصراحة هتزعل الشخص الي قدامك هتقولها عادي؟
لو ف حاجة ليا علاقة بيها أو اتطلب مني اني اقولها وهيبقا ليها فايدة على حد من غير ما تاذي أو تجرح هقولها لكن لو هقولها عشان بس اجرح ال قدامي او احرجه أو حاجة ملهاش لازمة تتقال أو هتعمل اذى ومشاكل أو متخصنيش فأنا مش هقولها .
_
Everything will be okay in the end,so if it is not okay now this means it is not the end ..!
بعد ما خلصت كلية وخت مؤهل محترم و خلصت جيش و اشتغلت ف شغل محترم وبدات اكون نفسي كنت مفكر ان هتجوز بسهولة بس متوقعتش ابدا اني اترفضت كذا مرة علشان هتجوز ايجار لدرجة قولت لأهلي اقفلوا الموضوع ده دلوقتي وخلوني اركز ف شغلي احسن🤦♂️
مينفعش دا يخليك تتقفل من فكرة الجواز عامة لان حاليا اغلب الأهالي حاسة بوضع الشباب وان كون انو كويس ومحترم واتخرج وبيشتغل ومعاه مرتبه يقدر يستقل بيه ماديا ويفتح بيت فبيوافقوا عادي من غير ما يتشرطوا وفكرة الايجار ممكن تكون مقلقة للبعض لكن هتلاقي ناس هتتقبل دا مع طبعا انك تاكدلهم انك هتشتغل اكتر ولو اتوفر معاك فلوس تقدر تدفع مقدم شقة تمليك وتقسط الباقي وتكون حتى شقة متوسطة فدا هيكون مطمئن على بنتهم..وسيب الموضوع دلوقتي بظروفه لما تلاقي البنت المناسبة وتكون نصيبك هتلاقي كل حاجة متيسرة فأنت دلوقتي اشتغل على نفسك وشغلك وحاول تحوش فلوس لعل وعسى ربما يكرمك وتقدر تكمل مقدم شقة تمليك وربنا يكرمك بالباقي .
+ 2 💬 messages
read all
Liked by:
أم موسى
_
الإنسان بيحتاج يقرب من نفسه اوي كل فترة عشان يعرف هو عايز ايه هو مبسوط ولا لا من غير ما يكون عايز حاجة ليها علاقة بالبشر أو ليهم اي تدخل فيها يعني نفسك مش عايزة تنجح وتشتغل وتجيب فلوس ومتضيعش وقت وتعافر وتجري وتتعب وتكسب الناس وتنال رضاهم أو تنال لقب النجاح ف المجتمع بمفهومهم..
فكرة التجرد .. لما تتجرد من كل دا وتقرب من نفسك لدرجة أنك تفهم أنها عايزة تبقا هادية جواك عايزاك تبعدها عن دوشة البشر عايزاك تبعدها عن أفكارهم ال بتغزو دماغك وروحك وتستهلكك وترهقك وتخليك طول الوقت بتجري جوا نفسك ف ساقية انت مش عارف أولها فين ورايحة فين انت بس عمال تجري وتعافر زي ما كله بيعمل وخلاص..!
ساعات " نفسك "مش عايزة تعمل حاجة اصلا يمكن عايزة تفضل باصة للسما تلات اربع ساعات مثلا عايزاك تنزل تتمشى بلا هدف عايزاك تقعد باصص متنح للسقف بلا هدف هي كدا هادية مرتاحة من الدوشة..! 💙
فكرة التجرد .. لما تتجرد من كل دا وتقرب من نفسك لدرجة أنك تفهم أنها عايزة تبقا هادية جواك عايزاك تبعدها عن دوشة البشر عايزاك تبعدها عن أفكارهم ال بتغزو دماغك وروحك وتستهلكك وترهقك وتخليك طول الوقت بتجري جوا نفسك ف ساقية انت مش عارف أولها فين ورايحة فين انت بس عمال تجري وتعافر زي ما كله بيعمل وخلاص..!
ساعات " نفسك "مش عايزة تعمل حاجة اصلا يمكن عايزة تفضل باصة للسما تلات اربع ساعات مثلا عايزاك تنزل تتمشى بلا هدف عايزاك تقعد باصص متنح للسقف بلا هدف هي كدا هادية مرتاحة من الدوشة..! 💙
لو عايز اتطور ف الانجلش اعمل اي بس اون لاين و مش وقت كبير ف اليوم
فيه برنامج اسمه زاامريكان حلو جدا موجود ف كل حتة يوتيوب وتلجرام واعتقد فيه app على Google play كمان ومش عارفة بصراحة كورسيرا فيها كورسات أنجلش ولا لا بس اكيد لو دورت فيها هتلاقي
+ 12 💬 messages
read all
انا شخص تلقائي جدا و اللي ف قلبي ع لساني و ده مسببلي مشاكل ف الشغل شوية تنصحوني اي او مثلا اتفرج ع فيديوهات اي تساعدني ف التطور وكده؟
فيه فرق كبير بين التلقائية والدبش وطالما تلقائيتك سببتلك مشاكل يبقا هي قلبت بدبش ..لو عندك نصيحة قولها بأسلوب لطيف مش بأسلوب فظ أو مستفز لل قدامك ولو الحاجة ديه متخصكش متدخلش اصلا حتى لو شايفها غلط .ما على الإنسان إلا انو ينصح بأسلوب هادي وطيب بس ..فكر كويس جدا ف الكلام قبل ما تقوله ادي لنفسك خمس ثواني بس قبل ما تنطق أو تتكلم فكر لو الكلام دا اتقالك هتحس بايه ف الخمس ثواني هتقدر تجيب كلام يدي نفس المعنى لكن بأسلوب أهدى شوية مش مؤذي ..ابعد عن التسرع في الرد وف الفعل ..عود نفسك على السكوت والتجاهل ف بعض المواقف..خد نفس عميق شهيق وزفير وانت متعصب .. ابعد عن المكان ال فيه الموقف شوية لحد ما تهدى وتبقا قادر تسيطر على نفسك وكلامك .. وبالنسبة الحااجات ال تشوفها ففيدوهات ابراهيم الفقي من أعظم مصادر التنمية البشرية ال انا بطقبها ف حياتي 💙
+ 3 💬 messages
read all
مش يمكن احنا اللي طلعنا وحشين ومنتحبش.. !!
متصالحة جدا مع فكرة كل واحد فينا شرير ف قصة أحدهم وكنت الاول بيحز الموضوع ف نفسي اوي وببقا عايزة اسال اي حد يعرفني انت شايفني ازاي واحاول اراضي كله لكن الموضوع مرهق فعلا وبيخليك تيجي على نفسك وعمره ما هيتحقق ف الواقع فتصالحت مع اننا نعمل ال علينا ونحاول نكون نفسنا مهما حصل ونظهر الحلو ال جوانا مع الناس ال تستاهل دا على اد ما نقدر ومنهتمش بقصص أحدهم ديه .
نفسك تدخلي تعاتبي حد ؟
لا انا قبل ما ببعد أو ازعل أو اخد موقف بكون معاتبة الشخص ومطلعة كل ال جوايا عشان ببقا مش مرتاحة طول ما لسة جوايا عتاب ليه .
ايه سبب معاكسة البنت لبسها ولا تربية الشاب ولا الاتنين؟
الاتنين ..لان احيانا فيه بنات بتلبس لبس مش كويس وشباب متربي مش بيعاكسها وفيه بنات بتلبس لبس محترم جدا واحيانا بيكونوا منتقبات وبيتعاكسوا من شباب مش متربي.
تتعامل ازاي مع شخص دائما يتكلم عن نفسه؟
يااه الشخصيات النرجسية المغرورة ال حاسة بالنقص فبتعوض دا بكار الكلام عن نفسها ديه بتبقا ريد فلاج على طول مبحاولش اتعامل معاها اصلا الا ف حدود المصلحة ال بينا أو التعامل السطحي فمش ببقا مهتمة بكلامه اصلا فيه فرق كبير بين الثقة في النفس والغرور والنقص .
انا صيدلانيه متقدملي مهندس مع العلم انا مش حابة ارتبط بمهندس حابة ارتبط بحد من المجال الطبي(طب ، صيدليه، اسنان ) ادي نفسي فرصه واعرفه ولا اعمل اي
رايي الشخصي أنك تدي لنفسك فرصة طبعا والشهادات ديه حرفيا ملهاش قيمة غير بس أن الشخص يكون نفس مؤهلك علشان لا انتي تتكبري عليه ولا هو يحس بالنقص بعد كدا وكمان علشان يكون فيه بينكم حوارات مشتركة لكن غير كدا مش هتفرق خالص إذا كان طب ولا صيدلة ولا هندسة وممكن هو يكون شخصيته ودماغه قريبة منك اكتر من الدكتور سيبي نفسك كدا من غير حكم مسبق عليه وقابليه وشوفي هترتاحي لشخصه هو ولا لا ..
_
الإنسان محتاج تمشية لا تقل عن ساعة على كورنيش رشيد بعد آذان المغرب لتجديد طاقته وشغفه في الحياة والبحث عن دوافع للاستمرار 💙
+ 2 💬 messages
read all
Liked by:
ميس ساآاره
Abdelrahman
عادي لو سألت في رؤية شرعية تعرف حد قبلي لأن كل ما اعرف حد يكون كان بينسى بيا حد وسيبني واكره نفسي اكتر.. بنت اللي بسأل
هو مش من أول مقابلة كدا وحتى لو سالتيه أو سالتبه بعدها ممكن ينكر لو حتى هيعترف أن كان فيه حد قبلك فأكيد هيقولك انو نساها خلاص وانو بيحبك انتي والرد المثالي دا لكن ممكن ميكونش دا الصح هو بس مش عايز يخسرك .
فالحل ال اقدر اقدمهولك انك متتعلقيش بيه ف الأول بسرعة وركزي ف تصرفاته وكلامه وأفعاله وشغفه معاكي اكيد هتاخدي بالك هو بيفكر ف حد تاني ولا فعلا انتي بس ال ف حياته ووقتها واجهيه واحسمي الموضوع ولو استمر الوضع انهي الموضوع انتي واكيد ربنا شايلك نصيبك زي ما انتي بتتمني خليكي واثقة ف نفسك اوعي حد يهز ثقتك ابدا.
وبما أن الموضوع دا بقا منتشر كتير جدا ومحزن بجد لدرجة أن انا هفضل اقول لا تتعلقي بحد ولا تخلي حد يتعلق بيكي لان ممكن التعلق دا يخلي الولد ميقدرش يفكر غير فيكي ويظلم البنت ال هيتجوزها بعد كدا لانه متعلق بشخص تاني ودا شي غير مقبول ابدا .
وبالنسبة للولد حاول تتقي ربنا ل البنت ال هتتقدملها ومتبقاش متعلق بحد تاني وبلاش تروح وانت لسة بتفكر ف حد تاني لان كدا ظلم فعلا لشخص هيكمل معاك بقيت حياته وممكن يكون هيحبك من كل قلبه فعلا فلازم يكون الموضوع متبادل .
فالحل ال اقدر اقدمهولك انك متتعلقيش بيه ف الأول بسرعة وركزي ف تصرفاته وكلامه وأفعاله وشغفه معاكي اكيد هتاخدي بالك هو بيفكر ف حد تاني ولا فعلا انتي بس ال ف حياته ووقتها واجهيه واحسمي الموضوع ولو استمر الوضع انهي الموضوع انتي واكيد ربنا شايلك نصيبك زي ما انتي بتتمني خليكي واثقة ف نفسك اوعي حد يهز ثقتك ابدا.
وبما أن الموضوع دا بقا منتشر كتير جدا ومحزن بجد لدرجة أن انا هفضل اقول لا تتعلقي بحد ولا تخلي حد يتعلق بيكي لان ممكن التعلق دا يخلي الولد ميقدرش يفكر غير فيكي ويظلم البنت ال هيتجوزها بعد كدا لانه متعلق بشخص تاني ودا شي غير مقبول ابدا .
وبالنسبة للولد حاول تتقي ربنا ل البنت ال هتتقدملها ومتبقاش متعلق بحد تاني وبلاش تروح وانت لسة بتفكر ف حد تاني لان كدا ظلم فعلا لشخص هيكمل معاك بقيت حياته وممكن يكون هيحبك من كل قلبه فعلا فلازم يكون الموضوع متبادل .
ايه اكتر حاجه بتعملوها وما بتحسوش فيها بالوقت عدى؟
لما بلعب مع مالك ابن اخويا لحد ما ينام ف حضني 💙
بحب شخص ومش قادرة انساه وهو بطل يكلمنى ..ممكن نصيحه 🥺🤍
هو بطل يكلمك ليه ؟ يعني لو حصل بينكم خلاف اخر مرة وهو أخد موقف فلو انتي بتحبيه كلميه وعاتبيه لكن لو بطل يكلمك لوحده كدا ففيه احتمال يكون عايز ينهى العلاقة بس دا مجرد احتمال فعشان كدا لازم تكلميه وتساليه لو رد بأسلوب بارد ومقالش السبب فخلاص يبقا هو كدا مش عايز يكمل فانتي كمان تموڤي اون وتاخدي كرامتك ف الاعتبار أما لو كان ليه أسبابه أو عنده ظروف حصلتله فاستوعبيها وقدريها واقفي جمبه وأديه مساحته لحد ما الفترة ديه تعدي.
Space
من ضمن الحاجات ال بفكر فيها هو أن ليه الإنسان ميحافظش على مشاعره لشخص واحد بس ال هيبقا متاكد انو هيكمل معاه حياته وهيكون هو شريكه فيها يعني بحس الموضوع ظالم أن انسان يكون دخل ف علاقات كتير وعمال يدي ف حب ومشاعر ويرهق قلبه ف كل علاقة يدخلها ووقت ما خلاص يلاقي شريك حياته ويتجوزوا ميبقاش قادر يديها كل الحب والمشاعر ال جواه يعني فكرة انك تحترم شريك حياتك قبل حتى ما تتقابلوا ديه حاجة مقدسة بالنسبالي صدق الشيخ محمد عطية فعلا لما قال غليي نفسك لان وقتها الشخص دا هيستحق كل الحب ال جواك وكل التقدير والمشاعر والاهتمام والتمسك لأنكم وقتها هتبقوا خلاص محتاجين كل مجهودكم وحبكم وتمسككم علشان تبنوا بيت وأسرة وتربوا ولاد يطلعوا شايفين الحب ال بين امهم وابوهم فحقيقي الموضوع يستحق انك تنتظر لحد ما يجي الوقت المناسب دا علشان تبذل فيه المجهود المناسب..💙
لو عقلك رافض بس قلبك عايز تختار ايه ؟
عقلي بيطلع صح ف اغلب الاوقات علشان كدا بمشي وراه الاول لحد ما يطمن ويقتنع ويدي أمان وبعدها هبقا مطمنة على قلبي من الأذى لكن القلب بيآمن وبينخدع بسرعة فممكن يتاذي كتير 💙
سهل تثق في حد ؟؟
إطلاقا يعني حرفيا الكام شخص ال ف حياتي حاليا ميعدوش الخمسة هما ال بثق فيهم فعلا ومطمئنة بوجودهم وبقم غير قابلين للزيادة فانا مكتفية فعلا بيهم الحمدلله 💙
طموحك ايه ف الفترة الحالية؟
حقيقي كل تفكيري وطموحي ودماغي الان مش عايزة غير اني اخلص فترة الامتحانات ديه لأنها مشتتة تفكيري ف كل حاجة تقريبا .
عندك استعداد تدي فرصة تانية لحد؟
على حسب نوع الغلط ال غلطه ف حقي يعني فيه أخطاء متستحقش ولا فرصة وفيه أخطاء تستحق فرصة فعلا لكن الأكيد أن الواحد ميديش اكتر من فرصة لنفس الغلط عشان بيبقا باين انو خلاص الشخص مش هيتغير فياما تتقبل يا اما تبعد .
وعلى حسب غلاوة الشخص عندي ورصيده من المعزة والحب هيخليني ادي فرصة أو هبقا شايفة انو ميستحقهاش .
وعلى حسب غلاوة الشخص عندي ورصيده من المعزة والحب هيخليني ادي فرصة أو هبقا شايفة انو ميستحقهاش .
لاَ السيفُ يفعلُ بي ما أنتِ فاعلةٌ و لاَ لِقاءُ عدوّي مثلَ لُقياكِ لو باتَ سهمٌ من الأعداءِ في كَبدي ما نالَ منّي ما نالتْهُ عيناكِ
بحب القصيدة ديه جدا 🥺🥺💙
الزعل بيبان على صوتك ولا على شكلك .؟
صوتي الاول عشان لو الموضوع مزعلني جامد صوتي بيكون حزين كدا وممكن اول ما اجي اتكلم اصلا تلاقيني عيطت حتى لو عارفة أبين أن انا تمام وشكلي جامد كدا .
خطيبتي كل شوية تقوليلي خرجني ودا بيحصل تلت مرات في الأسبوع مثلا وانا بجهز ف شقتي وورايا التزامات اقولها ازاي من غيري ما تفتكرني بخيل أو أي حاجة من دي؟!
لو انتو اوريدي صرحاء مع بعض فأكيد هي عارفة طباعك وشخصيتك فلو انت ف العادي مش بخيل معاها مستحيل موقف زي دا يخليها تقول عليك كدا .قولها بكل صراحة انك حاليا مضغوط ف تجهيز شقتكم وهيبقا صعب عليك انكم تخرجوا كتير لكن طبعا بأسلوب لطيف وميمنعش انكم تخرجوا مرة كل فترة كدا خروجة بسيطة لو حتى تتمشوا يعني مش لازم مكان غالي ولا حاجة واوعدها أن اول ما الدنيا تظبط معاك هتعوضوا كل دا وهي أكيد هتقدر دا وتقف جمبك .
آخر حد قالك أنا فخور بيك؟
مع كل معركة يومية بقولها لنفسي ف المراية 🥺💙
ايه اكتر حاجه ممكن تقفلك من الشخص اللي قدامك
يكون عصبي ومتقلب المزاج وسهل يغلط ف ال قدامه
ممكن تبدأ انت بالصلح؟
لو حد غالي عندي وعارفة اني مش هتقابل بالرفض او انا فعلا حاسة بالذنب ناحيته هبدأ اكيد
Space 🖤
توثيقا لإثبات صحة مبدأ من مبادئي ف الحياة ألا وهو أن
الإنسان سريع الغضب والتحول من الطف شخص الي شخص سهل يغلط ويهين ال قدامه ويتعصب عليه وينسى اي مودة بينهم وميقدرش يسيطر على كلامه ولا أعصابه هو اكتر انسان مؤذي مهما كان جواه طيب لكن ممكن توصل اني أكرهه واتقفل منه بطريقة غريبة و مهما كان درجة حبه ليا او غلاوته اوقربه أو أيا كانت مبرراته ، كل مرة بثبت لنفسي اني فعلا هعرف الشخص على حقيقته لما يغضب ويتضايق وعمر دا ما هيفشل يوريني الشخص على حقيقته فعلا وكل مرة بتنقذ الإنسان من الوقوع في ناس جواها غير آمن للعشرة والاطمئنان بالمرة فعلى اد حزني من الناس ال بتعمل كدا والتصرفات ال بتصدر منهم على اد ما بحمد ربنا انو بيساعدني ابعد بسرعة .. تذكير ليا ولأي حد اسعى ف البداية لاظهار الشخص ال قدامك على حقيقته وبلاش تنخرط ف سعادتك بالانبهار ال بيتقدملك أيا كان 💙
الإنسان سريع الغضب والتحول من الطف شخص الي شخص سهل يغلط ويهين ال قدامه ويتعصب عليه وينسى اي مودة بينهم وميقدرش يسيطر على كلامه ولا أعصابه هو اكتر انسان مؤذي مهما كان جواه طيب لكن ممكن توصل اني أكرهه واتقفل منه بطريقة غريبة و مهما كان درجة حبه ليا او غلاوته اوقربه أو أيا كانت مبرراته ، كل مرة بثبت لنفسي اني فعلا هعرف الشخص على حقيقته لما يغضب ويتضايق وعمر دا ما هيفشل يوريني الشخص على حقيقته فعلا وكل مرة بتنقذ الإنسان من الوقوع في ناس جواها غير آمن للعشرة والاطمئنان بالمرة فعلى اد حزني من الناس ال بتعمل كدا والتصرفات ال بتصدر منهم على اد ما بحمد ربنا انو بيساعدني ابعد بسرعة .. تذكير ليا ولأي حد اسعى ف البداية لاظهار الشخص ال قدامك على حقيقته وبلاش تنخرط ف سعادتك بالانبهار ال بيتقدملك أيا كان 💙
Liked by:
Yasmeen sheha
Doaa Hosny
رِيـمَـا
شايف انك اتغيرت كتير عن السنه اللي فاتت ؟
طورت نفسي ف حاجات كتير الحمدلله وخاصة ف بعض الأفكار والصفات و ال mindsettings ولسة بحاول اكون احسن واشتغل على عيوبي ويمكن محدش بياخد بالو من التغيير دا عشان عادة بيكون بيني وبين نفسي او القريبين اوي لكن الاهم اني بحاول احافظ على نفس الروح ال عندي وافضل نوال ال اي حد من ابتدائي عارفاها هيشوفها هيحسها بنفس الروح متغيرتش .
Next
