@ndeenkhaled

ندين خالد

Ask @ndeenkhaled

Sort by:

LatestTop

لينا الحق نسال عن ماضي اللي بنحبه ولالا

بآمن دايمًا بمقولة "الماضي لا يخص إلا صاحبه" وإنه لو محبش يحكي فله كامل الحرية لإنه قد يكون تاب أو مش عايز صورته في عينك تتهزر أو أو أو.. الأسباب كتير.
المهم إنه "ولا تسألوا عن أشياء إن تُبدَ لكم تسؤكم".
Liked by: Mariam Salah

صباح الخير..

قرأت عبارة ذات يوم تقول: "إن الله يُخبئك لمن يشبهك" وأُحِسُها عبارة مطمئنة جدًا، بمعنىٰ أنه مهما مررت بأشخاص مؤذين أو لم يتناسبوا كُليًا معك بآخر المطاف ستلقىٰ المُناسبين، فالله يُخبئ لك الذي يُشبهك وعلىٰ مقاس قلبك تمامًا.🤎

People you may like

ولعلك تلتقي بشخص انت عوضه، وهو عوضك ’♥️♥️..

"‏هناك شخص وقع في حبك ومازلت لا تعرفه، هناك شخص مهووس بابتسامتك ولم يخبرك بعد، هناك شخص يتحقق من ملفك الشخصي كل يوم وتعتقد أنك دائمًا يتم تجاهلك، هناك شخص يقوم بحفظ صورك المبهجة من أجل رؤيتها كل يوم ولم تعرف عنها أبدًا، فهناك شخص يذكرك دائمًا في صلاته دون أن يخبرك".🤎
Liked by: Mariam Salah

Space...♥️✨

بدايات شهر سبتمبر أهم شهور السنة، مش بسبب حدث فلكي مميز ما، ولكن علشان خلاص هانت، انكسرت حدة الرطوبة والحرارة وها نحن مقبلين، بالأحضان والورود وشعارات "بالروح.. بالدم" على حبيب الملايين، قاهر هواة الصيف الحار المترّب المزدحم، السيد "فصل الشتاء"، من الآن فصاعدًا انطلقنا في رحلة جديدة مدتها حوالي 8 شهور من الطقس المعتدل إلى البارد، عسى أن نستنشق كل لحظة راحة ممكنة فيها بعيدة عن الحرارة والتلزيق وأجواء فيلم ماد ماكس.
.
أضف لذلك حدث آخر هام ومميز، وهوّا قدوم المدارس، وده معناه أنه الشوارع هتهدأ بداية من الساعة 9 مساءًا، ويُترك الليل لهواة الليل ومحبيه وعشاق النوم لوقت متأخر، ومع قدوم الخريف، يومًا بعد يوم بيطول الليل وينقص النهار، في رحلة ممتعة جديدة.
.
تحية طيبة لأصدقائنا -ومنافسينا- من محبي الصيف، هارد لك، ومعلش، ومتقلقوش الأبحاث بتقول أن خلال السنوات الخمس القادمة الموجات الحارة معدلاتها هتزيد، والصيف هيبقا أكثر حرارة، وهتستمتعوا بهيستيريا الرطوبة والموجات الحارة حد السماء، بس سيبونا نستمتع بالبرد القادم وننتظره بحنين شاب عائد من حرب السنوات السبع لحبيبة مُنتظرة في قرية سكسونيا نائية.
.
كل سنة ومحبي الشتاء بهناء وسلام وهدوء ومحبة.

View more

Liked by: Mariam Salah

‏هل يمكنك أن تبقى في المنزل اسبوع كامل من دون ملل؟!

Esraaalaa99’s Profile PhotoEsraaa
لو لوحدي فدا أفضل شعور في الدنيا فأكيد آه،،
أما لو معايا حد فأفضل حل دايمًا هو "run".🏃‍♀️

ينفع كبنت اقوله انا معجبه بيك؟؟؟

المَرأةُ في الإسلامِ مَرغوبَةٌ لا راغِبَةٌ..
يُسعى إلَيها ولا تَسعى هيَ البَتَّة..!!
يُخطَى لَها ألفَ ميل، ولا تَتَزَحزَح هي..
حَتّى تأتِيها طالِبًا، فَتُقابِلُكَ الخُطوَةَ بِمِثلِها..
ولَرُبَّما فاقَتكَ في الإحسانِ والعَطفِ..
ولهُنَّ في هَذا على الرِجالِ مِزيةً.
يُقطَعُ لها الدربُ طَويلًا..
وعلى قَدرِ عِفَتِها وكَرامَتِها تَزدادُ المَشَقّة حينًا..
حَتّى يُخَيَّلَ لِلطالِبِ أنَهُ قَد حِيلَ بَينَهُ وبَينَها أبَدَ الدَهر..
وأنَّ الوصولَ إلَيها مُستَحيلٌ.
فَيستَعِن بِاللَّهِ ويَجهَز ويَدعو رَبَهُ ويَتجَهَّز..
حَتّى إذا مَا طَرَقَ بابَ الحَلال..
لانَت لَهُ الصِعابُ والدَربُ تَذَلَل.

ايه إنجازاتك اللي حققتيها الفترة الأخيرة!

أنا من الأشخاص اللي شايفين إن السؤال دا واجب علىٰ الواحد يسأله لنفسه كل فترة عشان يعرف كان فين وبقى فين، ولا يستثني أي إنجاز مهما بلغت بساطته أو كان عاديًا.
أما عن إنجازاتي في أقل من سنة فـ هُم كتير -وهذا فضلٌ من الله- ولكن نعتبر دول أهمهم.
تعديل: بقيت head Media داعم بدل ميمبر الحمدلله💪
ايه إنجازاتك اللي حققتيها الفترة الأخيرة

حمد الله علي السلامه يباشا نورت الاسك من تاني وعامل قلق 😂👍

الله يعزك، كنت ماسحاه و still بس فتحت كروم نشوف الدنيا بتقول إيه😂

Personl° أنا بدعيلك في كل وقت اني ربنا يفرحك وانا بتمني اني اشوفك احسن حد ف الدنيا كلها ❤️

هبكي يعلم الله!
لا تتخيل/ي مدى سعادتي إن حد بيذكرني في دعائه سرًا بينه/ا وبين الله.. أنا لا أملك الرد بشئ غير، نِلت بجزاء عملك والدُعاء ودٌّ بيننا.🥺🤎

ᴾᵉʳˢᵒⁿᵃˡ • ‏انا تقريبا بدعيلك كل دقيقه، حرفيا دايما بتيجي ع بالي، انت ف دعائي قبل نفسي ♥️

يا الله! والوِدُّ وِدّي شُكرُك جزيل الشُكرِ لأن ما فعَلت عظِيم بالنسبةِ لي، فأثابك الله ورَزقك بمِثلِ ما دعوت وزيادة.. ولا أنساك في دُعائي بظهر الغيب.🤎

لو حد كذب عليك عشان خايف يخسرك هتسامحه ؟

لو جه اعترف بنفسه وقال مش هيكررها تاني ومكررهاش فعلا هسامحه.
لو أنا اللي عرفت من نفسي فهاخد موقف عشان أنا مبعضش عشان يقولي/تقولي خايف/ة!!
دا غير إن الزعل مضاعف لأنه خبى والحاجة اللي خباها برضو.. ف ليه؟ ما تقولوا من الأول!🙆‍♀️
Liked by: Mariam Salah

هو ينفع دكتور يتجوز اي بنت عاديه؟

ينفع مينفعش ليه، فاكر نفسه مهندس؟ 😂😂🙆‍♀️

بالناس ولا بالمكان؟

الصُحبة هي الأساس في كل حاجة.. حياة صعبة، طريق طويل، سكة سفر، قعدة في الشارع، تمشية حلوة، مشوار الكلية.. الرفيق هو اللي هيحلي المكان، لكن المكان عمره ما يكون حلو بالرفيق الغلط.

امير عيد قال ايه ...؟

يمكن دا مش مكاني أو الزمان دا مش زماني أو أنا.. موهوم.
يمكن خيالي وداني لدنيا أو لعالم تاني أو أنا.. مجنون، أو يمكن..
أنا نجم بس مفيش سما، عندي جناحات بس مفيش.. هوا✨.
Liked by: Samir Ehab

رواية بتحبوها؟

هتفضل أرض زيكولا وأماريتا -الجزء التاني- هي أعظم وأقرب رواية لقلبي!🤎

Space..

برغم سحلة الإنسان طول اليوم، إلا إنك تبقى مش فاضي ترد وتفتح وتراقب مين بعت إيه وتضيع وقت تسكرول في السوشيال ميديا فدا من أفضل الأحاسيس في الدنيا، لأنك مسحول في ذاتك وتطويرها والخروج والانبساط بكل تفاصيلك وإنجازاتك الصغيرة.. ودا يكفي🤎.

ازيك انهارده 🌚 ᴾᵉʳˢᵒⁿᵃˡ • ¹ ᵐᶦⁿᵘᵗᵉ ᵃᵍᵒ

بخير الحمدلله🙆‍♀️

Space❤️🌿

حابة قبل ما أنام أعبر عن مدى فخري بنفسي، وإنها قدرت تعمل إنجازات وتعدي بحاجات كتير محدش يتخيل إني بمر بيها لأسباب منها إني ب have fun أغلب الوقت، ودا لاقتناعي إن لكل واحد همومه ومشاكله فمش لازم أزود عليك، في حين إني ممكن أترك أثر جيد ولو برسم ابتسامة على وشك!😃
كونك تبقى فخور بنفسك دا مش غرور ولا نرجسية، فرق كبير بين كلاهما وتقدر تدور وتعرف إيه الفرق.. أنت بتقدر ذاتك لأنها تستحق، الأمر غير متعلق بكليتك ولا ثروتك، بل متعلقة بإنك بتحقق إيه وعايز توصل لإيه بال SMSRT Goal ودا اللي بيحدد أنت مين.🙆‍♀️
افخروا بنفسكم وشجعوها زي ما بتشجعوا الغريب، فهي أول مَن يستحق الدعم!!ᥫ᭡

space for you.. ♥

أحيانًا نعتاد شخصًا فنشاركه تفاصيلنا، ثُم نشعر بالثقل بمرور الوقت، فنقرر تخفيفه ومن ثَمَّ الانسحاب.🚶‍♀️
#من_حديث_ورد ✨

بحبك على فكره ♥️ personal

أحبك الله الذي أحببتني فيه 🙆‍♀️🤎

عمرك طلعتي اذاعه في المدرسه قبل كده 🌚!

ف ابتدائي دايمًا كنت بقول المقدمة أو القرآن 🥺🤎
إعدادي طلعت مرة أقول شعر وأحيانا كنت مقدمة أو أي حاجة تانية..
اعتزلت بعد كده بقا 😂

انت عملتلي بلوك ليه ؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!! ᴾᵉʳˢᵒⁿᵃˡ • ¹ ᵐⁱⁿ

ايه دا؟ مين وفين!🙂💔

Space 🦋..

‏"قد تدفعك امرأة واحدة أن تحب النجوم، ثم الكواكب، ثم الأرض، ثم أصحاب الفكر، ثم القصص الخيالية، ثم عنقها، ثم جدار غرفتها، ثم لونها المفضل، ثم ابتسامتها، ثم المشي لمسافاتٍ طويلة عبر أغنية، ثم أدقّ تفاصيلها، امرأة واحدة، قادرة على انتشال البؤس وزرع الأمل والبَهجة على وجنتيك".
- ياسمين عبد اللطيف.

الشكل مهم بنسبه قد اى؟!

الشكل خلقة ربنا وهي كلها حلوة، فالله لا يخلق شخصًا قبيحًا.
أما الهيئة فالشخص هو المسئول عنها من اهتمامه بنفسه ولبسه والتفاصيل الصغيرة، ودا ملوش علاقة بالغنى والفقر، أنت ممكن تبقى فقير بس بتهتم بمظهرك على قد دخلَك.
وأهميته كبيرة جدًا واللي يقول غير كده بيحور، لأن وأنت بتقدم لوظيفة هيبصوا لهيئتك هو ميعرفكش عشان تقوله شخصيتي! كذلك لما تتقدم لواحدة، كذلك لما يعجبك واحد، وهكذا.
الانطباع الأول عموما بيبان من الهيئة الخارجية للشخص، ومن ثم بتيجي الشخصية وأثرها مع الوقت والتعامل.
Liked by: Mariam Salah

احسن حاجه ممكن تقدمها لاولادك في المستقبل ؟

الحب غير المشروط، الحنية الكافية، وإني أسمعهم وأشاركهم تفاصيلهم الصغيرة والكبيرة، وأعلمهم يحكولي كل شئ بدون خوف بس دا ميمنعش احترامهم ليا عشان وفي فرق كبير بين تعليم الطفل الخوف منك والخوف على زعلك، التانية دايمًا أفضل 🦋.
Liked by: Mariam Salah

ايه الصفه اللي متقدرش تستحملها في اللي قدامك

Mahamostafa00’s Profile PhotoMaha Mostafa
التكبر والغرور..
وإعطاء الأوامر لأني بطبيعتي عنيدة 😁.

لو حسيت أنك مش فارق بتعمل اي ؟

Sarasabry0099’s Profile PhotoSara ✨
لو هي فترة مؤقتة لأن الشخص مشغول أو عنده سحلة ما فأكيد هستحمل وهكون جمبه، ولو زاد الحِمل عليا شوية هلفت انتباهه بلُطف مع مراعاة لزنقته.
أما لو كانت عادة بسبب وبدون سبب فأكيد همشي؛ لأن محدش يستحق يحس إنه مش فارق مهما كان السوء اللي فيه 🦋.

هو الطبيعي ان يوحشنا حد لسة عارفينة بقالنا كام يوم لما بيغيب شوية ؟

طبيعي عشان بنبقي اتعودنا علي وجوده خاصة لو بنتكلم اغلب اليوم وكمان لو كنت/ي فاضي/ة دا هيزيد التعلق بالشخص دا 🌿.

Next

Language: English