@nehalaboelfadl29038

نِهال

Ask @nehalaboelfadl29038

Sort by:

LatestTop

اقل شبكة تقبلى بيها اى ؟

هو أنا هتجوز الشبكة ولا الشخص،
يعني لو واحد هيجيب قد وزني دهب بس كل صفاته مش عاجباني ومش مناسب ليا، وحد تاني هيجيب اللي يقدر عليه وبيحبني وتعب عشاني وبيفكر بنفس طريقتي وبيفهمني وكل صفاته جميلة و ع هوايا هقبل بالأول عشان الشبكة؟
هه ضحك.. وأي بنت أو أهلها بيعملوا كدا بعد فترة بيبقوا ف المحكمة ومستعدين يتنازلوا عن كل حاجة، الجواز مش عملية بيع وشراء.

+ 1 💬 message

read all

Related users

تحدث" 💙

امبارح واحدة صاحبتي بتقولي انتي بتحكمي عقلك يا نهال كل كلامك عقلاني، ما تعرفش إني بقالي أكتر من سنتين ونص بحارب قلبي عشان يظهر بالصورة الضعيفة دي وما يحاولش يفرض رأيه، وعشان آرائي تبان بالصلابة دي، ما تعرفش إني كل ليله بنام معيطة عشان اتخليت عن أكتر حاجات حبيتها بكامل إرادتي، اه ببان قوية قدام الناس بس أهلي بيعانوا معايا كل يوم وهما مش عارفين مالي وأنا بصرخ بأصوات غريبة طالعة من قلبي ومش صوتي لا بيبقى صوت طفلة أنا نفسي بستغرب إزاي الصوت دا خارج مني أنا.

مساحه 💓

"اللَّهُمَّ صَلِّ علَى سيدنا مُحَمَّدٍ وعلَى آلِ سيدنا مُحَمَّدٍ ، كما صَلَّيْتَ علَى سيدنا إبْرَاهِيمَ ، وعلَى آلِ سيدنا إبْرَاهِيمَ ، إنَّكَ حَمِيدٌ مَجِيدٌ ، اللَّهُمَّ بَارِكْ علَى سيدنا مُحَمَّدٍ وعلَى آلِ سيدنا مُحَمَّدٍ ، كما بَارَكْتَ علَى سيدنا إبْرَاهِيمَ ، وعلَى آلِ سيدنا إبْرَاهِيمَ إنَّكَ حَمِيدٌ مَجِيدٌ."

بتندم ع قراراتك؟

ماشية بمبدأ د/أحمد خالد توفيق
"لو لم أجازف وأقترب ، كنت سأظل أعتقد بأن شيئًا جميلًا قد فاتني."
فحتى لو أخدت قرار غلط بس أنت اللي أخدته بنفسك مش حد تاني هو اللي اتحكم فيك بترتاح نفسياً.

لما بيحصل بيني وبين حد خِلاف ، وألاقيه أسلوبه فـ العِتاب حلو ، مش عايز يكسب النقاش ويقلب الترابيزة عليا وخلاص ، بستحرم أفضل زعلانة منه وبلاقيني تلقائي اتراضيت والزعل اختفى . الشخص دا يستاهل تعاشره طول العُمر . "يهزمنا المُهذّبون ولو كانت حجّتنا أقوى."💙

حصل جداً جداً جداً 🖤

هو فعلاً النساء ناقصات عقل ودين

انتي عارفة يعني ايه ناقصات عقل ودين؟
ناقصات عقل= شهادتها بنصف شهادة الرجل..
ودا لأن المرأة بيغلب عليها الجانب العاطفي أكتر ف دي رحمة من ربنا لينا مش حاجة وحشة ولا معناها إنك محدودة الذكاء.
...
ناقصات دين= إنك مش بتصلي وتصومي ف أيام معينة م الشهر🤷🏼‍♀️ مش تقليل منك ولا من درجة تدينك بردو.
ف الحديث مافيهوش أي إهانة لينا، الإسلام أكتر دين كرم المرأة والحمد لله ع نعمة الإسلام🖤🖤

اذكر اقتباس لمس قلبك

"عليك أن تتقبل أن بعض البشر سيحتلون مكاناً في قلبك إلى اﻷبد دون أن يكون لهم مكان في حياتك."
هاروكي موراكامي.

هو احنا كبنات الي محافظين ع قلبنا من الحب وسط كل الفتن الي حوالينا ، هل هيكون نصيبنا حد شبهنا ؟انا حافظت ع قلبي عشان ربنا وعشان الي هكمل معاه واتحديت كتير وصبرت هل هنلاقي العوض

معاكي حق إنك تحافظي ع قلبك عشان شريكك وكدا.. بس ما تنسيش إن لازم يكون هدفك الأول من كل حاجة هو رضا ربنا، يعني انتي ما بتعمليش حاجة حرام عشان ربنا مش عشان حد.. كونه طلع شخص جميل زيك أو طلع مش كويس دي حاجة مالكيش دخل فيها، انتي ممكن تبقي كويسة وربنا يبعتلك شخص مش زيك كابتلاء بتؤجري عليه.
بصي ادعي إنه يكون شبهك وخلاص وربنا مش بيجيب لنا غير كل خير.

الحب : هو أن ترى العالم كله اجتمع ف شخص واحد ...💙🍃

دا دا هطل مش حب😂
واحدة من العلاقات الخطرة اللي ذكرها د/محمد طه ف كتابه مش فاكرة اسمها الحقيقة والكتاب واحدة صاحبتي استعارته فمش عارفة أشوف اسمها دلوقتي.. ما علينا المهم يعني اللي بيحصل في العلاقة دي إن الإنسان بيبقى شايف إن الشخص دا هو العالم بالنسبة له وإنه ممكن يكتفي بيه وينعزل عن الكل عشانه ودا غلط جداً ع فكرة ومضر نفسياً.. مينفعش تحب حد لدرجة إنك تشوفه العالم كله...
"أحبوا هونًا وأبغضوا هونًا فقد أفرط قوم في حب قوم فهلكوا"
وبالمناسبة أنا بقول كدا مع إني للأسف أكتر حد بيدي قلبه كامل للي بيحبهم، عشان هبلة.

+ 7 💬 messages

read all

أترك رسالة لصاحب الظل الطويل 🤍

عزيزي يا صاحب الظل الطويل:
لقد حلَّ الخريف من جديد، فصل الحنين والرحيل، و مازال ظلك بعيد عني، أوراق عمري تتساقط ورقة ورقة، ومازلت أنتظر قدومك، أخاف أن يكون عمري خريفاً تلو الخريف ولا ربيع يأتي، العالم يدور من حولي وأنا مازلت أدور حول ظلك، أفتقدك جداً أخبرني، متى سيزهر ربيعي؟
-جودي آبوت
صاحب الظل الطويل
جين ويبستر

Next

Language: English