Ask @nofal30:

-

مينولا'
لما تقعد لوحدك بالليل تفكر ف الناس اللي كانت ف حياتك ومشيت والكلام الحلو اللي كان بينكم أو لما تقرأ chat قديم بينك وبين حد مابقاش موجود دلوقتي أو تروح مكان كنت بتروحه دايماً انت وحد قريب منك, ساعتها بتعرف وتفهم قد إيه فعلاً أقرب الناس بتتغير, المعزَّة بتقل لحد ماتنعدم خالص, الوعود بتتنسي تحت مُسمي الظروف, لكن ف الحقيقي إن اللي عايزك مش هيسيبك تحت أي ضغظ وأي ظروف, اللي بيحبك هيشوف غلطاتك ويعديهالك ويصلحهالك عشان بيحبك, هتتخطوا اي مشكلة لو فيه حب بجد ومفيش حاجة هتفرقكوا عن بعض, اللي لازم تفهمه إن اللي بعد عنك وانت ماقصرتش ف حقه يبقي ماحبكش, السبب الوحيد اللي يخليه يبعد عنك هو موته غير كدا يبقي مابيحبكش, ماحدش بيتعلم ببلاش بس إتعلموا ماتدخلوش أي حد ف حياتكُم, إتعلموا ماتصدقوش اي كلام يتقالكُم, إتعلموا ماتثقوش ف حد بسهولة, إتعلموا إن علاقتكم تبقي سطحية بالناس ومش أي حد مشي معاك يومين يبقي صاحبك وبيحبك, لما تيجوا تتعشموا ف حد اتعشموا ف ولاد الاصول 💙

View more

+1 answer Read more

Status🌼❤

EmanHamdeen
يابنتي والله ولا ليكي عليا حلفان .. هاتلاقي اللي يحبك زي مانتي .. بشخصيتك القوية بشخصيتك الضعيفة برفعك بمليانك بدمك الخفيف بدمك التقيل ببرودك بعصبيتك بغيرتك بكل حاجة .. ولو هايتضرر من حاجة فـ عمر ده ما هايكون سبب كافي إنه يشوفك مش مناسبة ليه ويسيبك و يمشي .. هايحاول يصلح معاكي اللي يقدر عليه ولو ماعرفش هايحاول يتأقلم .. مافيش واحدة تستحق تتحط في خانة "إنتى مش مناسبة ليا" وتفضل تقصقص في روحها علشان تبقى قد المقاس .. واللي يحطك في الموقف ده مش هاقولك مايستاهلكيش .. ده مايستاهلش غير اللي هاتعرف تضحك عليه بإنها على مقاسه وتطلع عينه بعد ما يلبس فيها.

View more

StatUs ❤

N A D A ❤️
– النقطه الفاصله ف حياه اي بنت هي يوم الفرح اول ما البنت تطلع من بيتها لبيت جوزها وفى اللحظه اللى بياخدها ويطلع شقتهم قدام اهلها وصحباتها لحظه بيوقف عندها الزمن الكل بيبقا عينه مرتبطه بالعروسه بس واول ماتختفى من قدامهم بتيجى لحظه الكل بيبقا ساكت فيها ويدوها ضهرهم ويمشوا وهما على خدودهم دموع حزن اكتر ماهى دموع فرح .خلاص هتسيب اهلها واوضتها ولعابها وذكرياتها هتسيب الضفاير والتنطيط و اللمه وكل حاجه وراها وتبدا مع الشخص اللى اختاره قلبها بتبقا فى حيره بين اهلها اللى عمر الزمن مايعوضهم وبين الشخص اللى اختارت انها تقضى معاه بقيت حياتها وتآمنه على نفسها وحياتها محدش هيحس الاحساس ده غير البنات احنا كرجاله ممكن نشوف ان دى تفاهه بس ده لان الرجاله مجربوش ولا هيجربوا يسيبوا اهلهم ويبدؤا فى مكان جديد مع اهل وعيله جديده.
عشان كده حابب اقولك اختاري صح اوعي في يوم توافقي ع اول شخص يتقدملك خوفا من كلمة عانس او اي حاجه تانيه ، اوعي يا أميرة تطلعي من بيت الملك اللي مربيكي .. الا لو عارفه ان الامير هيصونك .. اوعي تطلعي غير وانتي الضحكة مالية وشك وطالعة من قلبك عشان ماتندميش ابدا.

View more

_

مابقتش انبهر بأي اتنين بيحبوا بعض قبل الجواز
مابقتش اشوف ان ده حاجه خارقه للعادة وان دي السعاده والحب الصادق بقى والكلام ده
لكن بقى يبهرني جدا الحب بعد الزواج
اللي شافو بعض علي حقيقتهم بكل العيوب والنواقص
الحب بعد الخلفه والمرمطه والترهلات والشكل اللي اتغير بعد الحمل والولاده والنفسيه اللي زي النيله مع التربيه وضغوط الحياه
الصبر علي بعض في أوقات الغضب والخلاف والاحتواء والسند وقت الوحده والتحمل وقت المرض والبحث عن راحة الزوجة في كل الأحوال وعدم تحميلها فوق طاقتها ومراعاه تقلبات مزاج الزوج وشقاه وبهدلته عشان يوفر كل سبل الراحه لزوجته واولاده ده اللي بقي يبهرني
مابقاش يبهرني ان اتنين بيشوفو القشره الخارجيه لبعض في الخطوبه او في اي وضع غير الزواج اللي سهل جدا تتغير وتتلون يحبوا بعض
مابقاش يبهرني كلام الشعر والأغاني إطلاقا
لاني بقيت عارفه كويس جدا انه مجرد كلام وان الحياة الحقيقية أكبر وأعمق من كده بكتير
بقيت بنبهر بسنين العمر اللي بتفوت بعد الجواز ومتغيرش الحب والمودة والرحمة 💚💜

View more

_

في حاجات بسيطة بتفرق معانا بشكل كبير، حاجات زي الرسالة اللي بتوصلنا بـ "ازيك واحشني" ونكون مستنيين بعدها حاجة تانيه فنلاقيهم بيقولولنا "أنا قلت أطمن عليك بس صباح الفل"، زي "خلي بالك من نفسك" اللي بتتقال بشكل تلقائي علشان تعبر عن حب أكثر تلقائية، زي الرسالة اللي بتوصلك من حد كنت نسيته علشان يقولك في آخرها "انت عمرك ما روحت من بالي"، زي المنشن اللي بنعمله في بوست قابلنا صدفة علشان نقول لحد قريب أنت هنا في كل حرف. في كل وصف. علشان نقوله أنه قريب من القلب لو كان في أبعد نقطة من الكون عن عينينا، حاجات بتكسر مفهوم البعيد عن العين بعيد عن القلب. بتكسر مفهوم ان البعد بينسي الأحبة، حاجات زي عفويتنا مع ناس بعينها. زي كل لحظة جنان. زي كل فعل بنعمله ونضحك بهبل. زي ضحكنا مع وجود أشخاص بعينها في الحاجات اللي كان طبيعي تزعل، زي يوم النتيجة اللي مكنتش كويسة فقلت بعدها لصاحبك وانت بتضحك "يا سطى تعالى بقى نضرب طبقين كشري"، زي صاحبتك اللي بكيتي في حضنها يوم فرحها من السعادة، وزي الصحاب الجدعان اللي بيزعقوا معانا بعد موقف غلط بدافع الحب فنزعل فيجوا يصالحونا بـ "ياض انت حبيبي والله"، فنضحك بكل سهولة، في حاجات كتير كانت بسيطة. بسيطة جدًا قدرت تفرق في يومنا. وأحيانًا في كامل عمرنا..

View more

_

- مش هعرف أضرب مراتي لو عملت اللي ميتعملش ، في أساليب تانيه اوحش من الضرب.
- مليش ف الشتيمه .. يا بنت كذا و القرف ده .
- مش هقولها قومي اعملى حاجه ف بيت أهلى . عندي إخواتي مش هيخلوا اُمي عاوزه حاجه و لما هي تشوف كدا هتعمل لان هتلاقي الكل بيحبها.
- لو امي عازت حاجه هعملها أنا .. هي هتشوفني بعملها هتقوم . البنت تطيع جوزها و إنت تطيع اُمك و حباً من مراتك لولدتك تعملها كل حاجه لو بكلمتين حلوين من ولدتك ليها تهدلها الدنيا.
- امي مستنياني اتجوز عشان تعرف الناس يعني ايه ام تانيه لبنت .. مش حمي .
- مش هبص برا لو بطنها بقت عند رجلها من الخلفه .
- اهلها اهلى التانين .. ولدتها والدها غلطو احترمهم . حتى لو الغلط فيهم .
- مش همنعها عنهم او اول ما تروح اسربعها تجى . برحتها . هى لما تطمن مش هتنزل اصلا كتير ، احساس الحريه بريح بس مش اكتر.
- مش هقولها متشتغليش ، دا انا افرح و اتباها بيها لو حاجه مناسبه ليها.
- مش هسبها تعمل حاجه ف يوم لوحدها لو تعبانه . . #الرسول_عليه_الصلاة_والسلام اللي منجيش في شعره كان بيساعد زوجاته.
- كرمتها من كرمتي اللي يزعلها زعلني و خصومته معايه انا .
- مش من الناس اللي بتحب مراته تنزل السوق و تتبهدل و واحد يحك هنا ولا حد يكلمها بأسلوب مش حلو . انا اللي اجيب حاجة البيت و انا راجع.
الخلاصه /
ف الحديث ده (اتقوا الله في الضعيفين: المرأة واليتيم) . الاحترام اهم من الحب اهم من شكلك . اهم من اي شيئ . الاحترام لو اتشال من العلاقه مهو الجواز علاقه بردو .. هتنتهي و يبقي في تعب و اهانات . وده كله مش مثاليه دا الدين بيقول عملوهم كدا . ودى الرجاله السويه . غير كدا معرفش الصراحه . وانا ممكن اموت لو اختى جت ف يوم قلتلى انا جوزى ضربنى . شتمنى بيكوا . ومش هعرف ممكن اانا هعمل ايه . ف انا مرضاش احط اخو مراتى ف نفس الموقف . مرضاش اشيلُه النار

View more

Next