@noorhashem3325

Noor Hashem

Ask @noorhashem3325

Sort by:

LatestTop

Related users

الواحدة بعد منتصف الليل.......~

Book_Quotes’s Profile PhotoQuotes®
‏"صلاة الفجر لا يُدركها إلا قلب أحبه الله وأحب لقائه " ❤️

Speak......

حبيبي ❤️
صحيت لقيت هالمنظر يلي بجنن ❤️
نايمة مقابل وجهي بالزبط ❤️
Speak

سبيس

والحبٌ يا صغيرتي كقطعةِ السُكر
في فنجان قهوتي التركية
اقولُ يا صديقتي وباختصار المرأة َ الشرقية
تأتي بلا مقدمات كالإعصار
كا الذبحةِ الصدرية
حمد العصيمي

تحدث 💙

https://www.facebook.com/saheef5/videos/703944237199020/?mibextid=Nif5oz
بتعرف شعور انو حابة اروح اعمل عمرة
جد من كل قلبي والله ❤️
نفسي المس الكعبة والحجر الأسود
نفسي اقعد طول الليل هناك اقعد بس أقرا قران او حتى بدون مااعمل اشي
المكان لحاله مريح بدون مانعمل اشي
مرتين كان لازم نروح بس كل مرة بيصير شي وبتخرب
مشتاقة لمكة جدا والله ❤️

يريت تحكولي شو اعمل والله تعبت يا بنات نفسي انتقم منه هونوا علي امانة💔 بعد ما عجب علي ولمسني وعمل مليون شغلة معي فش تاني يوم بلاقيه مع بنات وعاملي بلوك 💔 والله انو حقير الحكي صرله تلات اشهر اليوم بالجامعة شفته ماسك ايدها وصاحبه معهم كمان

https://www.facebook.com/RotanaClassic/videos/376152213306077/?mibextid=Nif5oz
تذكرت هالفيديو 😂🤦
لا يختي مو هو يلي لمسك انتي يلي خليتيه ف أنا بحكي روحي استغفري الله هاد زنا اسمو
بدل الهبل يلي كاتبيته

محتارة بموضوع زوجي كتير منيح وحنون عيد ميلاده قرب وحابة اجيبله هدية غير شكل عنده بيت بس ماعنده سيارة بس احترت اجيب تليفون حديث ولا سيارة علما معي حوالي 7 آلاف دينار هل خسارة اجيب سيارة ولا التليفون احسن

أنا لو مكانك هجيب سيارة
يعني حدا منيح وحنون ومو مقصر معك ، زوج صالح بيستاهل هيك هدية
7000 فيكي تجيبي نوعية سيارة اقتصادية وعملية وموديلها مو قديم
بس اعرفي شو نوعية السيارة يلي حاببها واللون وهاي التفاصيل
يفضل تجيبيها جديدة مو مستعملة
اكيد رح ينبسط
الله يديم المودة والمحبة بينكم ❤️

موقف بتندم عليه لليوم وبتتمنى لو يرجع الزمن لورا ليتغير

موقف صار قبل 10 سنين لأختي الصغيرة
لليوم بندم انو في شغلة ماعملتها
وانا مابحب احكي لحدا شو صار ✨

بنتي يوم الخميس رجعت على البيت ميتة عياط لما سالتها حكتلي المدرسات تنمرو على شكلها وقعدو يتمصخرو عليها ويحكو عن شعرها مجعد ويضحكو لهلا مارحت المدرسة مش عارفة شو اعمل هل هذا تصرف معلمات !!! شو اعمل معهم 🙂 علما بنتي طفلة عمرها 7 سنين بس

اليوم الأحد ، وبعدك ماعملتي اشي 🤦!
لا تحكي هاد تصرف مدرسات اسالي هاد تصرف ام ؟
7 سنين طفلة كل شي بضل بذكرياتها هيك بتتشوه طفولتها وبتتعقد للأبد
شو دورك كأم ؟
كيف يعني وحدة بتتنمر ولا بتحكي حرف وتسكتي
والله لاروح والعن شكلهم واحد واحد من المدرسات للمديرة همسح فيهم الأرض والحيطة كمان
طفلة هاي اذا امها مافرجتها أنها حلوة ودافعت عنها مين بدو يدافع
بتاخدي البنت وبتروحي للمديرة وبتشرشحيها قدام بنتك وبتمدحيها وبتتغزلي فيها وبتروحي للمدرسات وبتعملي نفس الاشي
واسحبي وراقها من المدرسة انقليها على مدرسة تانية ، مش مهم التعليم على قد مانفسيتها مهمة ، لا تسمحي لحدا يحكي حرف
اقعدي معها وضلك احكيلها شو أنها حلوة على طول المفروض الطفل يسمع هالكلام
هو الشعر الناعم مقياس للجمال ؟
ولازم تعرف أنهم غلط وناس سيئة
بنت جارتنا يلي فوقينا
عمرها 8 سنين بتفهم كل اشي ولما تنزل عندي بتقعد تحكيلي تفاصيل التفاصيل شو بصير معها بالمدرسة حرفيا بهاد العمر بيتذكرو كل اشي
جد حرام لا تسكتي 🤦

View more

Liked by: Hussien Ashraf

انا بعد فترة راح تزوج حابة اسمع رايكم شو رايكم بزواج بشكل عام خايفة من هاد الموضوع شوي

أنا والله مو بس بخاف لا برتعب 🤦

بنات بدي حالات ستوري او كتابات عن انو احنا مابنتعوض وخسارتكم مربح باليزز 😂😂💜 مابدي ابيين مقهورة ومو معطية قيمة لحالي

حركات صف سابع بلاها لا بتتعوضي يختي وكونه خسارتهم مكسب مافي داعي تجيبي سيرتهم
مابعرف خلص علاقة انتهت مافي داعي لهالحركات
كلها بدل انك العكس

سبيس

والله من ال 7
بس بالعكس بنبسط بعمل شاي وبقعد برا كنت وهدوء ❤️
اليوم من ال 5 صاحية مع انو قبل مبارح مانمت كنت بدرس الميد وعلى قلبي زي العسل ❤️
سبيس

اليوم عرسو 💔 ادعولي ربنا يعوضني بالاحسن

نفسي افهم لما عرفتي انو خطب
ليش مابعدتي وعملتي بلوك ونهيتي الموضوع
شو هاي بكره عرسو وحاطيتلي قلب مكسور
!
اصحي يختي هو عايش بالعسل وانتي منزلة هيك 🤦
خلص صار مع حدا تاني الله معه وانتي ركزي بحالك وانسيكي منه
لو كان خير كان ضل الك .

تحدث 🧡

مبارح صار موقف غريب
بس مبسوطة من حالي وكتير كمان
لانو لو بمرق هيك موقف ولا بستحي بهيك وضع أبصر شو بيصير فيني من جوا بعدين
مبارح وقف باص جيت هاد تبع العقبة عند الجمارك وخلص عارفة يعني قرب يوصلني للمحطة بس بدي اسأله لو بيقدر ينزلني على منطقة قريبة من المكان يلي اهلي فيه
كونهم سبقوني همه طلعو الفجر وانا العصر
ف نزلت من الباص ورحت للسواق اسأله هو مبين عليه انسان لطيف يعني ملامحه مو منفرة
ف حكالي لا هي بعيدة حكتله طيب مو شرط نفس المكان عند أقرب نقطة وهو برد علي للمرة التانية لا
قرب ايده على كتفي
قربها يعني يادوبك نص سانتي حسيت بايده قربت علي
يعني ك ردة فعل بدون تفكير زحت حالي بطريقة واضحة وحكيتله شو فيه بتحط ايدك على كتفي !
أنا لما بعصب اسلوبي زي الزفت يعني ماعندي مشكلة تكون بنص الليل كانت الساعة بعد ال 9:30 ويلا نتصل بالشرطة واحكي انك تحرشت فيني ولا هيفرق معي
بس الحمد لله هو كان هيلمس بس لسا مالمس منيح لحقت حالي
ف بحكيله انت كنت هتحط ايدك على كتفي بيحكيلي انتي زي بنتي وحكاها بأسلوب عفوي كانو عاادي انو بمعنى يحكيلي ارجعي للباص لهيك حط ايده
صفنت بعصبية شو بنتك شو الحلال والحرام زلمة كبير بدي اقعد افهمك حرام ومابصير
حكيتله ايدك لو لمستني كنت هكسرلك إياها لا المشكلة انو مستغرب مش فاهمه جد عادي الوضع صاير
لما ركبت الباص رجعت مكاني واجا اعتذر
المصيبة ملامحه مو مبين عليها حدا مش مريح
لما رجعت حكيت الموقف لماما بتحكيلي بنفس اليوم صار اشي بيشبه معاهم انو الناس بتتصرف كانو عادي!
جد لوين وصلنا ! يعني أنا بيني وبينه تقريبا متر مو واقفة ملزقة فيه ومع ذلك كان رح يلمس
صح ادايقت بس انبسطتت من حالي اني ماسكتت ولا توترت ومرقتها
جد كيف حدا عمره بال 50 اجي أنا بنت ال20 اعطيه محاضرة بالحلال والحرام ؟
ويلي بيسمع أبصر شو لابسة اقسم بالله لبسي واسع ومحترم
يعني جد لو البنت كانت واقفة باخر الدنيا لحالها بيجي حدا ابن حرام بالغصب بدو يلزق فيها !
حسبي الله ونعمه الوكيل فيهم ، يالله بعد مامشيت تذكرت حديث " لأن يضرب أحدكم بمخيط من حديد خير له أن يمس امرأة لا تحل له"
كيف حدا ممكن ربنا بأي لحظة يقلب الباص وكلنا نموت
فوق انو بنعمل اغلاط بحياتنا نعمل اغلاط اكبر واكبر مش هيك 🤦
بس ماما حكتلي انو تصرفي كان بمحله واصلا لو صار ولمس كتفي أبصر شو كانت عملت فيه ، الحمد لله ماسكتت ❤️

View more

Pic 📸

تواسيني هذه الجملة: "أتصبرين ولكِ الجنة"!
-إي والله ، كُل صعبٍ إلى الجنّة يهون
وكُل شيء مِن أجل لِقاء الله هيّن ✨

Next

Language: English