Ask @norahossam1:

شكرا على كلامك ووقتك ممتنة لك انا 💙

الشكر لله 🌸
__
《 التراجع 》 ده احنا اللى بنحدده ..بنحدد هنكمل ولا لا ولو اشتغلنا على خوفنا وحجمناه مش هيكون فى فرصة للتراجع ...!!
أهم حاجة بقا وديه أخر حاجة ..احنا لينا رب كريم رحيم بعباده وأحن عليهم من أى مخلوق ..ومش ممكن أبدا ربنا هيكون شايف عبده تعبان وبيتعذب وربنا ممكن يقلب حال الكون كله ب " كن فيكون " يعنى ممكن يحققله كل حاجة فى لحظة ..
لكن ربنا مش بيعطى لحد ابتلاء الا وربنا عارف ان العبد ده قدها ويقدر يعدى منها ..وربنا ليه حكمة فى كل حاجة بتحصلنا مفيش حاجة عشوية أقل وأدق التفاصيل ربنا ليه حكمة فيها .. وزى ما عينك دمعت وقلبك اتقبض من الحزن والضيق ..هيجى الوقت اللى عينك برده هتدمع وقلبك هينقبض من كتر الفرحة اللى مكنتيش متوقعاها وقريبا إن شاء الله ..أبشرى ..بعد كل ظلام دامس كحيل شديد السواد لا بد من فجر يجى بعده ينشر التفاؤل تانى من أول وجديد ... لا الفرح يدوم ولا الحزن يدوم وما دائم الا وجه ربك ذو الجلال والإكرام ..
اتخلصى من خوفك وأوهامك واتقبلى نفسك زى ما انتى بسلبياتك وعيوبك واتقبلى حزنك وفرحك
زى ما النجاح والفرح رزق ..الفشل والحزن كمان رزق كبير جدا ..
👇
《لا يأس مع الحياة ولا حياة مع اليأس
مثلا أول حاجة 》

View more

+1 answer in: “اخاف من الرفض اخاف اطلب امر وينرفض يحرجني ويجعلني دوما اتراجع عن طلب اي شيء من الاخرين تعبت من شعور مالي ظهر يسندني لو احتجت”

اخاف من الرفض اخاف اطلب امر وينرفض يحرجني ويجعلني دوما اتراجع عن طلب اي شيء من الاخرين تعبت من شعور مالي ظهر يسندني لو احتجت

لكى رب كريم رفيقتى 🌸
ممكن ناخد الكلام حاجة بحاجة وبشكل مختلف ... غالبا ده حاجز أو جدار وهمى《 فكرتى وافترضتى وأكدتى صحة افتراضاتك وأخدتيها قاعدة عامة ومبدأ بتعيشى بيه ..》
ديه الطريقة العلمية لحل المشكلات لكن نسيتى أول أساس ليها وأهم حاجة فبها علشان تتبعى خطوات زى ديه ..وهى " تحديد المشكلة نفسها !!!"
وطالما مش عارفة بالضبط فين مشكلتك وأوجه قصورك أكيد مش هتعرفى تتعاملى معاها صح وبطريقة منطقية ... واحنا المفروض نشوف ايه سلبياتنا وايجابياتنا ونحسن السلبيات ديه ونشتغل عليها كويس جدا ونحجمها ...والإيجابيات نكون عارفينها ونطور منها أكتر ونكتسب ايجابيات جديدة ..
___
قولتى أول حاجة 《أخاف 》 أول حاجة لازم تعمليها وتشتغلى عليها كويس انك تتخلصى من خوفك ده بأى طريقة وده مش هيجى فى يوم وليلة لا ده هياخد وقت لكن تأثيره هيكون ملحوظ جدااا .... موقف بسيط جدا "مش بتكلم عن حاجة شخصية ف هقول مثال عادى يعنى " ..كنا فى الملاهى وكان فى لعبة صعبة جدا بتطلع وتقلب وتنزل وتلف وتطلع وحاجات غريبة جدااا تبصلها تترعبى أصلا وأنا من النوع اللى بخاف بسرعة ..أنا عملت حاجة واحدة وقتها روحت وقفت قدامها وقولتلهم ديه أنا هركب ديه 😅🤭 اتصدموا وقالولى ده تقعى منها أصلا أو ممكن تروحى فيها قعدت اقنعهم لدرجة ان كلهم ركبوا معايا أصلا 😂😂 الغريب انى قعدت فيها واستمتعت جدا بيها والله بالرغم كل الصويت والناس اللى اغمى عليها وانا كنت بضحك 😂🤭🤔
غالبا الموقف ده لما بفتكره واحس انى خايفة من حاجة بحس ان خوفى ده وهمى وانا اللى بنيته حوالين نفسى فبكسره ..بكسر الحاجز ده !!
__
قولتى 《الرفض》..لو مثلا يعنى عايزة أقدم ع حاجة كبيرة زى عمرة مثلا او شغل كنت بحلم بيه او شاب هيتقدم لبنت مثلا ... اى حاجة يعنى ..هل لازم نخاف من الرفض ؟؟ طب ما وارد جدااا جدااا اننا نترفض عادى بسبب بقا اختلاف مبادئ اختلاف قيم اختلاف معايير وعوامل تانية كتيررر ... ده سيدنا محمد نفسه اللى هو ربنا فضله على سائر الخلق "عليه أفضل الصلاة والسلام " كان بيواجه الأذى والرفض والانكار من الكفار !!!
طبيعى اننا نطلب حاجة واللى قدامنا يرفض طلبنا او يرفض ينفذها عادى جدا والله ..والله عادى جدا... ولو فهمنا الكلام ده صح هنكون متصالحين ومتسامين دايما مع نفسنا ومع غيرنا ومش هيكون فى احراج ولا حاجة
_____
هكمل 🌸

View more

+1 answer Read more

انا اخاف جدا تنكشف اسراري اخاف اتكلم عن الموضوع واخاف حتى اكتب لازم امزق الاوراق واحرقها كلما خلصت احيان كثيرة اتمنى احتفظ بكتاباتي لكن خوفي تطيح بيد احد يخليني افرط فيها بكل مرة

عظيم جدا جدا يعنى 👌👏👏
مش كتير اللى بيعرفوا يخرجوا اللى جواهم فى الكتابة ... ديه حاجة كويسة لأن الضيق والكبت ده تراكمات سلبية هتفضل معاك/ى وتأثر بالسلب على تصرفاتك وشخصيتك ... لكن طالما طلعت اللى جواك ده فى اى حاجة زى الرياضة مثلا او كتابة او رسم ده جميل جدا وهتتخلص من أى شعور سلبى بعدها ...
____
علفكرة أنا بعمل كده برده ..بس بكتب بالفصحى وكأنها حالة عامة مثلا وبتمثلنى " مع العلم إنى مش بسمح لأى حد يقرأها " مع إن إنى نزلت حاجة منهم قبل كده وصفحات كبيرة كتير بتكتب شعر ونثر وخواطر قالوا اكتب وانزل ع البيدج بتاعتهم ... لكن أنا مبحبش كده انا بحتفظ بيها لنفسى ..
____
اللى أقصده من كل الكلام ده إنك تستغلى الموضوع ده فعلا وتستمرى ع كده وتحافظى عليه ... وعلفكرة بقا بعد ما تخرجى من الحالة ديه هترجعى للورق ده تقرأيه هتحبى تقرأيه جدا جدا ...
مش بالضرورة يكون ع ورق ممكن على برنامج ع الموبايل مثلا
____
ربنا يبعد عنك الهم والحزن ويجبر بخاطرك وييسرلك أمورك يااارب ويرزقك السعادة 🤲
《《لا الحزن يدوم ، ولا الفرح يدوم ، وما دائم الا وجه ربك ذو الجلال والإكرام 》》
ده تطبيق مثلا ك مذكرات 👇👇

View more

شيء تردينة مستحيل يتحقق ؟

كان نفسى أختى تكون موجودة معايا 💔
لكن كل شيئ قضاء وقدر وأكيد ربنا ليه حكمة فى كده ... ربنا يجمعنى بيها فى الجنة إن شاء الله 🤲🌸
ربنا يرحمها ويسكنها فسيح جناته ويلحقنى بها عاجلا فى الجنة إن شاء الله 🤲🌸

View more

يا جماعة حد يعرف كتاب "سابغات" انزله منين ؟؟ محتاجة أنزله جدااا ومش لاقياه .. لو حد ممكن يفيد فضلا ..

vs

Space 🌸

Shereen Gamal
کَتبَ لها ، " إن كنتِ أحببتيني فلا تصارحيني ، فهذا سيبعدني ، لأني لا ترضيني كلمات العشق ولا تستهويني، إن كنتِ تحبيينني إنتظري بعيدا و سأطرق بابك متعجلا فى الوقت المناسب، ولا تعطيني إمتيازات لا أستحقها ..
ابعديني عنك و سأقترب ! و إن اقتربتي سأبتعد !
لا تحبيني فأنا أريدك بلا حب ، و سأعلمك أنا الحب عندما يجمعنا القدر فى ظل خالقي و خالقك ..
لا تطلعيني على مشاعرك ، لاتعطيني من وقتك ، لاتدفعيني لأخسرك ..
فأنا رجل لا يرضى لمن تحبها أن تذنب ، أو أن تعيش حبا محرما فى عفلة من أهلها "( ..
فـأنا لا أريد لمن أحبها أن تشعر بالذنب أو يتألم قلبها ..
اجعلي لي حدودا لا أتخطاها ، اقتليني داخلك حتى لا أكبر أنا فـأقتلك ، حافظي على ماهو مميز فيكي لأن هذا ما أريده ..
أريدك بريئة، طاهرة، نقية، أريدك غالية، بعيدة، صعبة المنال .. !
حينها سأقهر كل الصعاب للوصول إليکِ ! فـكيف أكون فى نظرك رجل و أنا أحطم حصون عفتك ؟!
كيف أخلص لکِ وأنا من دفعتك لخيانة عائلتك ؟!
وكيف لي أن أثق فى حب ظهرت بوادره فى غضب الله ؟ فالحب أن أحميکِ و أحافظ علیکِ منی، لا أن أقتل كل ما هو فيكِ جميل ..
لا تكوني سهلة حتى أشعر بقيمتك ، ولا تحبيني حتى لا أكرهك ، فقلبي لايريد خسارتك، أريدك زوجة طاهرة معينة لي على الطاعة ، رفيقة و حبيبة، و أم لأولادي، تمضي معي عمرا بأكمله...💙
C&P

View more

كم تحتاج وقت عشان "تثق" بشخص جديد بحياتك ؟..✨💕

الأصل فى أى تعارف أو أى أشخاص بيدخلوا حياتنا هى "الثقة والإحترام المتبادل ".. حتى يبدو عكس ذلك .. لكن الجدير بالذكر هنا إن الثقة ديه لما بتتهز أو تتكسر المستحيل أقرب إنه يحصل من إن الثقة ديه ترجع تانى زى الأول " ده من وجهة نظرى معنديش فكرة من عمومية الفكرة ديه عند حد ولا لا !!!.."

View more

السلام عليكم لو عاوز اشتري مجموعة كتب اسلامية من القاهرة ايه أقرب مكتبة من مطار القاهرة الدولي وأسعارها تكون كويسة ؟!

AhMed Magdy
عليكم السلام ورحمة الله وبركاته ..
ممكن حضرتك تشوف اللينك ده غالبا فيه الأماكن اللى بتبيع كتب على مستوى الجمهورية ...
كان فى كتاب اسمه " كيف عاملهم " الكتاب ده دورت عليه كتير جدااا وملقتهوش برده ..!!
http://www.facebook.com/notes/%D9%85%D8%AD%D9%85%D8%AF-%D8%B4%D8%A7%D8%AF%D9%89/%D8%A3%D9%85%D8%A7%D9%83%D9%86-%D8%A8%D9%8A%D8%B9-%D8%A7%D9%84%D9%83%D8%AA%D8%A8/793357074117525/?scmts=scwspsdd&extid=ZPDn7IKFNDdkDSDM

View more

بتشتغلي فري لانسر ايه ؟

هو ليه صيغة السؤال غريبة كده ..!!
عامة أنا فى من لما دخلت المجال ده وعرفت عنه كان عندى شغف وحب إنى أتعلم الحاجة ديه وأدخل المجال ده ... اتعلمت فيه كتير جدا ... زى كتابة مقالات ، الفوتوشوب..
والفترة الجاية ناوية أتقن المونتاج بكل تأثيراته والجرافيك " لأنى محتجاهم فى حاجات تانية الفترة الجاية " ...
عامة أنا مشتغلتش بمقابل مادى " ده مش هدفى عموما " لكن ادربت وفى ناس كتير طلبت منى مقالات وعملتها واتدربت مع نفسى كتير 😅
____
المهم لو محتاجين تعرفوا حاجة عن المجال ده أسألوا ممكن أقدر أفيد ..أظن إن عندى خلفية كويسة عن الموضوع 🍃🍂

View more

إن الذي خلق التعثر ، خلق النھوض .. 💙 قاومي ..💙

شكرا ...
النهوض يحتاج لمزيد من الطاقة ... لمجرد مقاومتك عكس الجاذبية تتطلب منك المزيد والمزيد ...فى حين استنزاف طاقتك من المزيد ... لقد استنفذت رصيدك طاقتك من الأساس
تحتاج إلى طاقات مضاعفة ..!!!
..فماذا تفعل ؟؟!

View more

اعتراف بسيط!؟😊💜

أظن أننى تغيرت كثيرا !!..
فمن يعرفنى الآن بالكاد أن يعرف شخصيتى الماضية ، ومن يعرفنى قبل عام أو ربما أكثر قليلا لن يعرفنى بعد ... تغير الكثير والكثير ولكن ثمة أشياء محتفظة بها كثيرا ولن أتخلى عنها ما حييت !!..

View more

Next