Ask @noralabeb:

🕊❤

soos369ss’s Profile Photo✨❤️ نقـاء (s) القلب ❤️✨
طبيعي كل واحد عنده نقاط ضعفه إللي بيقاوم فيها وأحياناً المقاومه مبتجبش نتيجه والضعف والذنب يفضل مستمر ..
والوضع ده متكرر بصور كتيره !
وربنا قايل ( وَمَنْ يَتَّقِ اللَّهَ يَجْعَلْ لَهُ مَخْرَجًا )
فكده معناها إننا هنتحِرم من التوفيق والبركه وإستبصار المخارج ؟!
هي قاعده فعلاً وقانون : من يتقي الله يجعل له مخرجا ..
فلو مفيش تقوى مفيش مخارج وهتعيش حاسس إنك ولي نفسك ، تايه ، معتمد على قدراتك إنت من غير توفيق ربنا .. فده شعور بالضياع ميتوصفش على فكره !
بس السؤال بقى ..
هو كل ذنب مستمر معاك ده دليل عدم التقوى ؟
الصحابه لما نزلت آية ( اتَّقُوا اللَّهَ حَقَّ تُقَاتِهِ )
حصلهم هلع من الأمر .. وهم الصحابه !
علشان كده نزلت بعدها آية (اتَّقُوا اللَّهَ مَا اسْتَطَعْتُمْ )
التقوى حسب الإستطاعه !
إستطاعتك الحقيقيه .. إنك تبذل وتجتهد لمقاومة ضعفك .. ومتيأسش من تكراره .. تكرار توبتك وصدقك فيها كل مره دي تقوى في حد ذاتها .. درجه من درجاتها .. ومتعرفش قدام محاولاتك وبرغم إستمرارية الذنب لكن ده عند ربنا مش هين !
(وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا)
فالعِبره بإستمرار المجاهده .. العِبره بإننا منستهونش بالذنب .. هو ده إللي لازم هيوصلك ل (سُبل الله ) بغض النظر عن ضعفك ..
(بقدر ما يصغر الذنب عندك يعظم عند الله، وبقدر ما يعظم عندك يصغر عند الله ) الفضيل بن عياض
والخلاصه :
(وَأَنَّ هَٰذَا صِرَاطِي مُسْتَقِيمًا فَاتَّبِعُوهُ ۖ وَلَا تَتَّبِعُوا السُّبُلَ فَتَفَرَّقَ بِكُمْ عَن سَبِيلِهِ ۚ ذَٰلِكُمْ وَصَّاكُم بِهِ لَعَلَّكُمْ تَتَّقُونَ )
صراط ربنا معالمُه واضحه والمجاهده فيه واضحه وبيتقبلك فيه بضعفك .. غيرُه فإنت هتوه في سُبل كتير مركزيتك فيها أهواءك وبس وهتبعدك مع الوقت عن صراط ربنا وهتحس مهما وصلت .. بالضياع ..
ذَٰلِكُمْ وَصَّاكُم بِهِ لَعَلَّكُمْ تَتَّقُونَ ..🌼

View more

❤🍃

soos369ss’s Profile Photo✨❤️ نقـاء (s) القلب ❤️✨
( الله يعطينا أشخاص ثم يغير الاشخاص باشخاص آخرين ؛ يريد أن يقول لنا كونوا معى فى صورة أي شخص فأنا من قربتهم منكم وأنا من أبعدهم عنكم ؛وما أردت من ذلك إلا أن ترونى فيهم لتأنسوا بى فى كل شئ مهما تغيرت عليكم الصور )
محمد عوض المنقوش
كونوا معي في صورة أي شخص !!
هي دي خلاصة العلاقات ..
متنساش نفسك فيهم و معاهم تحت أي شعور ، سواء حب أو وجع أو فراق أو إفتقاد أو مشاكل بكل صورها ..
رحلة العلاقات رحلة لازم فيها فقد بأشكاله سواء فقد أشخاص أو إفتقاد مشاعر مع أشخاص .. وبتتبدل الأشخاص وبتتبدل المشاعر !
لكن في كل الصور درجة الآلم هتتفاوت حسب إدراكنا للمعاني دي .. وهي دي أساسات العقيده إللي مبنعرفهاش غير متأخر فبنغوص في أحزان بتسرق مننا المعاني الحقيقيه للحياه !
وهنفضل في نفس الدايره لحد ما نستوعب ونسلم ..
الخلاصه ..
مع الله فى صورة أي شخص ..🌼

View more

People you may like

🍃❤ ت͠ح͠د͠ث͠ ي͠آ͠ ج͠م͠ي͠ل͠ آ͠ل͠رو͠ح͠ ❤🍃

soos369ss’s Profile Photo✨❤️ نقـاء (s) القلب ❤️✨
يبدو أنّنا ..
لَم نُدرك حجم الحُبّ الذي سَكَنَ فؤاد النَّبِيِّ لنا، حجم الحرص و الاهتمام و العمل الدؤوب، حجم نبضات قلبه المتسارعة و خطواته الواثقة و قراراته الصائبة، و لحظاته المليئة بِنَا
لم نُدرك حجم الهّم فيه و الهمّة بِه و المُهمة التي قادها العظيم ليبني أفكارًا لا تموت و عقيدةً لا تلين، و أجسادًا لا تُرهقها حياة فارغة!
كُلّ دقيقة عاشها كُنَّا نحن وكنتَ أنتَ نتيجةً لها و لآثارها، ما عاشَ يومًا لنفسه، ما فَكّر لسنةٍ واحدة، ما صَنَع قلبًا واحدًا، ما رأى موضع قدميه برأسه السّامق العالي! ما قادَ أجسادًا فارغة من عقولها، ما زرع نبتةً تموت. ما ماتَ زرعه بموته
كُلَّ قراءاتك في تنمية الذات، في البحث عن هدف، في القيادة والإدارة والأفكار، في الخروج من الصندوق، ومن الضيق لفُسحة الأمل، كلها كلمات وَضَع النَّبِيُّ نقاطها، وكتَبَ في نهاية سطركَ الأخير"أُمَّتي أُمَّتي" ليزرع فيكَ حرصًا ألّا تعيشَ لنفسك، وتسُدّ ثغرتك متواريًا عن مدحٍ يُفْسِد قلبك و ضوءٍ يُعمي البصيرة فيك.
كل محاولاتك جيّدة ما دمتَ صادق الطَّلب مُحْسن السَّعي، مرابطًا على ثغرةٍ تُعاهدُ الله على سدّها ما استطعت، لا يُضيع الله أجرَك و لا يَنسَى اسمك و لا يُخزيك ابدًا! يرعاكَ في بطن الحياة وحُوتها و بئر قسوتها، يصنعك على عينه أميرًا في الظِّل عاملًا في زحام الحياة ساقيًا كل روحٍ، ساعيًا ترجو رضاه، وجمالُ الأمر سرٌ يداعب قَلبك!
كفكف دمعكَ بِيَدِ البناء، و كُفَّ البحث عن بطلٍ يُنقذُك و معجزةٍ تنتزعك مما أنتَ فيه، ولا تجعل أحدًا يُشفق عليكَ فما إشفاق قَلبك إلا عليه! أشفق على نَفسك يوم تُعرض صحائفك فارغةً من الأثر مليئةً بغُبارٍ منثور لا يصمد لحظة!
من اليوم، لا بل من الآن دَع عنك كلّ تأثُّرٍ لحظيٍ، واترك تساؤلات قَلبك المسكين، وانسَ آراء الناس فيك، وارمِ خلف ظهرك كل ماضٍ لا يُشبهك، و امضِ فالطّريق الى الله لا يحتاجُ دليلًا سواه، بسجدةٍ صادقة، ودعوةٍ تحمل كل آلام الحياة، ودربٍ جديدٍ مهما طالَ تبرد قسوته بشربة ماءٍ من يده! أليس الحُبّ اتّباع ؟ فاتَّبِع ولا تبتدع، وأبدِع بالحُبّ عَمَلًا واقتصد في قولك و ازرع فسيلتك.
تذكّر دائمًا «لَّقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ فَعَلِمَ مَا فِي قُلُوبِهِمْ فَأَنزَلَ السَّكِينَةَ عَلَيْهِمْ وَأَثَابَهُمْ فَتْحًا قَرِيبًا»

View more

(。♥‿♥。)

HamzaAbd437’s Profile PhotoDead Man Walking (¬_¬)
إحساسك المسيطر إن حياتك بصفه عامه غالب عليها السواد .. الشكوى .. المشاكل .. الحاجه .. القلق .. النكد .. وهو ده إنطباعك عليها ومش عارف تشوف غيره ..
فكده في حاجه غلط !
حتى لو ده الواقع الملموس .. لكن مينفعش يبقى ده إحساسك بيه !
مش علشان إنت هتتبلد وهتفقد إحساسك ويبقى صور من صور الإكتئاب واليأس !
علشان القانون ده :
(وَمَنْ لَمْ يَجْعَلِ اللَّهُ لَهُ نُورًا فَمَا لَهُ مِنْ نُورٍ )
لما بيكون مصدر النور في حياتك بتستمده من ربنا .. فكده كده بتبقى متغطي !
وتاثرك بكل حدث وكل نقص في الدنيا بيكون بقدر مبيتجاوزش مرحلة النور إللي متأسسه جواك فبتوجدلك أساس من الطمأنينه هي إللي بتنورلك كل ضلمه بتعدي بيها وموجوده حواليك ..
سيدنا يعقوب حزنه كان عميق ..
(قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لَا تَعْلَمُونَ )
لكن الفرق في : ( وَأَعْلَمُ مِنَ اللَّهِ مَا لَا تَعْلَمُونَ )
ده النور والثقه إللي بتتوجد جواك فتحميك من قمة أحزانك وقلقك ..
فرق كبير إنك تحس إنك متغطي بنور الله في مواجهة أي حاجه وكل حاجه في الدنيا .. فإشغل نفسك بالتغطيه دي طول الوقت وإسعى في دنيتك بإحساس إنك مسنود ..
مسنود بنور الله ..
(وَمَنْ لَمْ يَجْعَلِ اللَّهُ لَهُ نُورًا فَمَا لَهُ مِنْ نُورٍ )
فما له من نور ..
متحاولش .. مش هيجيلك من بره !🌼

View more

سيجبر قلبك، سيضمّد جراحك، سيشفي أوجاعك، سيعوضك عن كل دمعة وعن كل خيبة، سيعطيك حتى يرضيك، سيجزيك من واسع فضله وكريم عطاياه إن الله يُحب عبده الذي يتقرب إليه بالدعاء والإلحاح، سيأتيك الفرج مزينًا بوشاح 🖤

HamzaAbd437’s Profile PhotoDead Man Walking (¬_¬)
🌼🌼

View more

🖤🌾

soos369ss’s Profile Photo✨❤️ نقـاء (s) القلب ❤️✨
من ضمن لُطف رب العالمين في اختبارات الحياة سواء اختبار النعمة أو النقمة ، إن في الحالتين تُرزق " السكينة " ..
يعني في اختبار النعمة يبقى معاك " سكينة " ؛
فـ تفرح و تتبسط بس متنبهرش بشكل مبالغ فيه و ممكن من كتر الفرحة تتنازل عن مبادئك أو تاخد قرارات انفعالية تضرك أو تعمل تصرف من فرحتك تندم عليه ..
السكينة وقت الفرحة بتخليك تستمتع باللحظة
و أنت فاكر المُنعِم في كل لحظة وعارف إن دي لقطة و امتحان في نفس الوقت !
و اختبار " النقمة " السكينة هتخليك متقولش كلمة عن ربك لا تليق ، متطلعش حزنك على ناس ملهاش ذنب، متاخدش قرارات انفعالية تندم عليها ، هتخليك هادي، حزين اه، بتبكي اه ، لكن هادي، ساكن، مُستسلم و راضي و مصاحب بلاءك لغاية ما تنجح فيه ..
فـ ادعوا كتير بالسكينة 🌷
الشيخ النابلسي له دعوة جميلة بتقول :
" اللهم ارزقني السكينة التي اسعد بها و لو فقدت كل شئ " ..🌼🌼

View more

..🌸

sohaila_2002’s Profile Photoوَرْدَةُ ")
(ليس العاقل من عرف الخير من الشر، وإنما من عرف خير الشرين )عمرو بن الخطاب
هو ده إللي بيلخبط إنك تضطر تختار بين حاجتين أصعب من بعض ..الإتنين ظاهرهم وجع !
إختيارك وقتها مش هيتبني على أهواءك وبس .. هيتبني على خليط منظم من عقلك وقلبك مع بعض .. هتتعرف وقتها على مستويات كتير جواك من النضج .. الحكمه .. تحديد قدراتك بدقه .. تحديد مخاوفك بدقه .. تصنيف مشاعرك بدقه ..
وبعد ما تتعرف على كل ده .. بردوا مش هينفعك في الإختيار وقتها إلا البصيره !
إللي لازم هتنورلك إختيار منهم في باطنه رحمه ..
(بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ الْعَذَابُ )
متفتكرش إنك متساب لدماغك وإختيارك هيضيعك .. إنت ظاهرياً مسؤول عليه لكن في الحقيقه ربنا هيبصرك بالخير وهييسرلك إختيار متشوفش غيره !
بشرط .. إنك تبقى موصول مع الله بالذكر والتعرف عليه .. علشانك إنت .. علشان متحسش إنك تايه ومتلخبط ومش عارف تقرر أو تختار ..
وهو ده الطريق .. طريق البصيره .. فالتسليم .. فالصبر .. فالرضا ..
(قَدْ جَاءَكُم بَصَائِرُ مِن رَّبِّكُمْ ۖ فَمَنْ أَبْصَرَ فَلِنَفْسِهِ ۖ وَمَنْ عَمِيَ فَعَلَيْهَا ۚ)

View more

🍃❤ ن͠ص͠ ل͠ط͠ي͠ف͠ ❤🍃

soos369ss’s Profile Photo✨❤️ نقـاء (s) القلب ❤️✨
-رزقك ممكن يكون إنك بتعرف تصلي الفجر في ميعاده
- رزقك ممكن يكون إنّك بتعرف تطبّق مفهوم الرضا والقناعة عملياً في حياتك
-رزقك ممكن يكون إنّك بتعرف تصلح الل انكسر
-رزقك ممكن يكون ستر لكل غلطة عملتها لحد ما تبت منها
-رزقك ممكن يكون إنّك قعدت تلّح على ربنا في حاجة ولم يقدرهالك وبعد مرور الوقت عرفت إنّك كنت هتلبس في الحيط فرزقك إنه لم يستجب لك
-رزقك ممكن يكون إنك سليم ومُعافى وبتصحى من نومك لا تشتكي وجعا
- رزقك ممكن يكون ( الفرصة التانية ) بيتك واقف على الطلاق فربنا يهيألك الأسباب ويشرحلك الصدور والخطأ يتصلح وبيتك ما يتخربش ... تعمل حادثة موت وتبقى على وشك موت الفجأة بكل مآسيه وفواجعِه فيُحييك الله من جديد لتُصلح الذي خَرِب
الأرزاق نوعين
أرزاق ظاهرة زي الفلوس والغنى والمناصب والجاه والأملاك والشهرة
وأرزاق خفيّة
فتشوا جواكم وفي تفاصيل يومكم عن الأرزاق الخفّية ... لا تكاد تنقضي ساعة من نهارك إلا وقد أصابك رزق
قل لنفسك ( أنت في نعيم )
#مقتبس

View more

❤🍃

soos369ss’s Profile Photo✨❤️ نقـاء (s) القلب ❤️✨
فكرة إنك تبقى مطمن لما تبقى مخطط للي جي .. والصوره تبقى واضحه قدامك و مبتحبش المفاجآت واتعودت تبقى مرتب لكل حاجه .. الفكره دي مينفعش تستمر ولا تربط إستقرارك بيها !
ضروري تخطط لكن ضروري تبقى عارف إنك بتخطط لسعي مش لنتيجه .. وكمان ضروري تبقى عارف إن حتى السعي ده فجأه يتغير ويبقى سعي وتخطيط تاني ..
وكل ده بيتعمل تحت منظومة ( المُدبر ) وإنك مجرد بتنفذ أمر ربنا بالسعي وإنك متقفش ..
( وَأَن لَّيْسَ لِلْإِنسَانِ إِلَّا مَا سَعَىٰ )
مش هتوصل غير للي بتسعى له ..
معناها إيه ما أنا مش شرط أوصل ؟
إنت بتوصل (للخير ) إللي في علم الغيب من السعي إللي بتسعى له !
النتايج إيه وإللي جي شكله إيه وخططك راسمها إزاي .. كل ده سيناريوهات مش حقيقيه ..
ولو كانت نافعه قبل كده معاك ومطمن بيها فده لأنك في مرحله من مراحل البدايات .. ربنا بيعرفك واحده واحده ..
فلما تبدأ تحس إنها مبقتش ظابطه زي الأول .. فإعرف إنك بدأت في مراحل أعلى ، علشان تتعرف على الله و صفاته و تتعلم توكل حقيقي و يقين ، وتفهم المعنى الحقيقي للدنيا و تتعرف على دورك وقدراتك ..
هو قانون ربنا قاله :
(وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ )
مش هتعرف ماذا تكسب غداً !
ولا تحاول تعرف .. خطط بس لسعيك وإنت عارف إنه مجرد مخطط مؤقت جداً جداً ومتغير جداً ..
فَوِّض وسلِّم وإطمئن بإنك في ولاية الله وسيب نفسك له ..
(إِنَّ وَلِيِّيَ اللَّهُ الَّذِي نَزَّلَ الْكِتَابَ ۖ وَهُوَ يَتَوَلَّى الصَّالِحِينَ )

View more

❤🌾

soos369ss’s Profile Photo✨❤️ نقـاء (s) القلب ❤️✨
"كل الأشياء التي كُتبت من نصيبك ستعرف طريقها إليك، مهما كان صعبًا أو طويلاً لكنها في النهاية ستصلك، إهدأ وخُذ نفسًا عميقًا، طمئن قلقك، كثرة التَوتّر تزيد الأمور سوءً، أنت بخير وحياتك تسير في اتجاهِها الصحيح، لا شيء يدعو للخوف بإذن الله."

View more

MohammedALshazly’s Profile PhotoM͜͡oнαммє∂®️єℓѕнα乙ℓу ㉿
مراحل الوصول لله وطمأنينه الروح والنفس :
١- الورع : تحري الحلال في كل شئ ..
وإذا صدق في الورع قاده للزهد
٢- الزهد : ألا يملكك شئ ولا يستعبدك شئ .. هو إخراج المخلوقين من القلب و حب الخالق ..
وإذا صدق الزهد يقود للتوكل
٣- التوكل : لا تكون متوكلاً على الله حتى تصفو من كل ما لك ، ولا ترى إلا الله .. وتؤمن أنك لا تقدر أن تفر من رزقك ولا تفر من موتك ..
وإذا صدق التوكل قاده للرضا
٤-الرضا : هو التسليم الكامل القلبي لكل ما يأتي من الله .. من وثق بالمقادير فلم يغتم . .
وإذا صدق الرضا قاده للمعرفه
٥- المعرفه : إذا أستمر العبد و صدق في المقامات السابقه قاده ذلك إلى معرفة الله .. وفتح عليه بالعلم .. ثم معرفة الله بالله !
المراحل دي سماها العالم ( ذو النون ) مقامات الذكر .. مش بنوصلها غير بممارسة الذكر بأشكاله ..
بالقلب والعقل والقول والعمل .. بالتفكر بالتأمل بالقرب بالسعي ..
قال :
( إذا أكرم الله عبده الزمه ذكره ، والزمه بابه ، وتعرف إليه بالبر والفوائد ، و مده من عنده بالزوائد ، ويصرف عنه أشغال الدنيا ، ويصرف عنه البلايا ، فيصير من خواص الله وأحبابه، فطوبى له حياً و ميتاً )
الذِكر .. هو البدايه .. هو طريق الوصول .. من خلاله هتدخل دايره خاصه جداً وعالم جديد من الطمأنينه والسكينه والتوفيق والبركه والرزق ..🌼

View more

🍃❤ ت͠ح͠د͠ث͠ ي͠آ͠ ج͠م͠ي͠ل͠ آ͠ل͠م͠ب͠س͠م͠ ❤🍃

soos369ss’s Profile Photo✨❤️ نقـاء (s) القلب ❤️✨
ساعات يمر عليك وقت تحس إنها متقفله من كله والمصايب بتيجي وراء بعض ..
(فَأَثَابَكُمْ غَمًّا بِغَمٍّ )
غم وراه غم !
الحكمه ربنا قالها بعدها :
( لِّكَيْلَا تَحْزَنُوا عَلَىٰ مَا فَاتَكُمْ وَلَا مَا أَصَابَكُمْ ۗ وَاللَّهُ خَبِيرٌ بِمَا تَعْمَلُونَ )
بمعنى علشان تجمد وتقوى وتستسلم لكل حاجه بتحصل ولا تحزن على إللي فاتك ولا إللي بيحصلك .. وربنا خبير ومطلع هتعمل إيه في المواقف دي !
إحنا بنسميها ( نحست خلاص ) .. الشعور ده أو بدايات التبلد .. مش وِحش .. هو طريق إنك تقوى وتتعود على طبيعة الدنيا ومن بعدها تتعلم صبر ومن بعده تتعلم تسليم ..تسليم لتدابير ربنا من غير يأس وحزن يمرضك وإحباط يوقفك ..
كل حاجه بتحصلك مهما كان ظاهرها غم و وجع لكنها لحكمه بتنعكس جواك وبتربي فيك وبتغير منك .. المهم خليك موصول مع ربنا بأي كيفيه علشان يبقى التغيير تحت منظومة الصراط المستقيم إللي بندعي بيه طول الوقت ..
(اهْدِنَا الصِّراطَ الْمُسْتَقِيمَ) ..
كلام ربنا منهج حياه .. بيطمن وبيخلينا نعرف نعيش ..
(فَأَثَابَكُمْ غَمًّا بِغَمٍّ لِّكَيْلَا تَحْزَنُوا عَلَىٰ مَا فَاتَكُمْ وَلَا مَا أَصَابَكُمْ ۗ وَاللَّهُ خَبِيرٌ بِمَا تَعْمَلُونَ )

View more

🍃❤ ن͠ص͠ ل͠ط͠ي͠ف͠ ❤🍃

soos369ss’s Profile Photo✨❤️ نقـاء (s) القلب ❤️✨
هنالك صبرٌ نبيلٌ، لا يُهدَى إليه إلا الأفراد من الناس، الذين يستبقيهم الله سبحانه وبحمده مثالًا حيًّا لتجديد معالم الأخلاق وبعث مكارمها في النفوس.
وهو صبرك عن فتح حقائب سر من خالفك، وإطلاق لسانك فيه افتراء أو صدقًا، أو التعريض بذلك بالإشارة المبهمة أو الكلمة المستترة بلؤمها ودنسها، يقولها صاحبها ثم إذا عوتب قيل: لم أقل شيئا!
كن نبيلًا كريم النفس، طاهر السر، مأمون الغيبة والغضب، لا تتكئ على لحظات ضعف غيرك، أو تجترئ عليه لعثرة آدمية!
وإذا أعرضت فكن شريفًا يُعرِض حين يُعرض عن صاحبه أو جليسه بلسانه وسمعه وبصره وضميره، فلا يطاله من هذا كله أذى أو سوء؛ فإن ذلك عائد في الحقيقة بالذم عليك لا عليه!
وقد قال العربي النبيل قديمًا
عبأتُ له حِلمي لِأُكرِم غيرَه
وأعرضتُ عنه وهو بادٍ مقاتله

View more

🖤🦋

soos369ss’s Profile Photo✨❤️ نقـاء (s) القلب ❤️✨
حُفّت الجنةُ بالمكاره
قد إيه جمله عظيمه بتربط عالقلب وبتصبر اذا استشعرنا الوعد اللي فيها من ربنا وصدقناه
إن كل أذى وإبتلاء هنا في الدنيا ... بيتحوش في حصالة الأخره على شكل حجر في سور الجنه يحميك هناك !
عشان كده لازم لازم نعيش المعنى ده بقلوبنا بعد كل إبتلاء
حد غالي على قلبك فقدته وانفطرت ... حُفّت الجنةُ بالمكاره
حد مكر بيك وغدر ... حُفّت الجنةُ بالمكاره
أمنيه حلمت بيها متحققتش ... حُفّت الجنةُ بالمكاره
سبت شغلك أو انفصلتي عن زوجك ... حُفّت الجنةُ بالمكاره
والله حتى وإن أصابتنا شوكه ... حُفّت الجنةُ بالمكاره
أي إبتلاء كان صغر أو كبر ، علمه الناس أو جهلوه هو حجر في سور بيحاوط جنتك في الاخره
جنة لا صخب فيها ولا نصب ولا حزن فيها ولا نشقى

View more

Next