Ask @nour_12233:

Space 🌸

Møhãmëď Elñãďy
الصحاب مش صور و هزار و خروجات، الصحاب فعلا مواقف، الصاحب اللي بيحترمك و بيقدر وجودك في حياته و بيحسسك طول الوقت ب قيمتك و انك حاجة كبيرة جدا عنده مش سهل يفرط فيها، بيخاف عليك ، بيخاف علي زعلك، يكلمك لما يحس انك مدايق و يسألك محتاج حاجة!! هو دا اللي يتقال عليه صاحب فعلا
احنا عشان منحسش بالوحدة بنحاوط نفسنا أحياناً ب ناس مزيفة و بنكون حاسين ان هما دول الصحاب، لمجرد اننا مش عايزين نبقي لوحدنا.
لكن مع مرور الوقت و تتالي المواقف بنتأكد إن مش هما دول، و مش دا مكاننا، و المكان اللي هما فيه دا ميستاهلوش يكونوا فيه فعلا🙂🖤

View more

space..💚🍃

Allam
لازم تتقبلوا فكرة ان كون الشخص"معندهوش طاقه"مش معناه انه اتغير او انه سئ ..لما تلاقي شخص كان لطيف و صبور و متحمل و فجأه اتغير بقى عصبي و خلقه دايق او بينسحب بسرعه من النقاشات او حتى من العلاقه اللي تربطه بيك ،ماتقولهوش انتا اتغيرت .بلاش تستفزه اكتر لأن هو غالبا مبيوصلش للمرحلة دي إلا بعد ما بيكون استنفذ كل طاقته ف المعافره و المحايله و خلاص تعب. جاب كل طاقته و مينفعش تديله طاقه يرسم بيها ابتسامه ع وشه و يتعامل مع كل الهباب اللي حواليه بمنتهى الاريحيه و رحابة الصدر .قبل ما تقول لشخص "انتا اتغيرت"بص للظروف اللي حواليه . ياريت وانتو بتشوفوا اننا اتغيرنا تعالوا على نفسكم بالمره معلش و شوفوا احنا اتغيرنا ليه😐💔

View more

_🌸⛅

Romisa' ❤
هذا الثبات لم يكن سهلا فهى اصبحت هشه من الداخل ، اصبح الفراغ يملؤها وتفكر ف اللاشئ وتشغل تفكيرها بالاستفسرات التى ليس لها وجود من الاساس، لدرجه انها اصبحت تفكر ف هموم القطط كل هذا لتشغل تفكيرهاعنك ويشاء القدر ان نسمات الهواء تاتى برائحه عطرك وتحاوطها من جميع الجهات ترفض ان تنظر خلفها فقد تكون انت هى تخاف مواجهتك كى لا تفقد ذلك الثبات التى تحاول جاهدتا ان تحافظ عليه ، وقد يكون احد العابرين فتفقد الامل ف رؤيتك،، وف الحالتين تسرع ف خطاها لتدخل غرفتها التى اصبحت عالمها الخفى ،وتظل تبكى كثيرا الى ان تغرق ف نومها وتظل اخر امنيه لها وهى نفس امنيه كل يووم
"الا تراك ف احلامها.💔

View more

آحـ❣ـكـ❣ـہ

✨ⴅ£ⴅo...♪مـ❣ـہيمـ❣ـہو9و9و•
وقفت بين كل حاجه وعكسها كل احساس وعكسه، مش زعلانه بس مش مبسوطه، مش خايفه بس مش مطمنه، حاسه اني واقفه ف نص كل حاجه ف حياتي بتفرج ع الناس اللي عايشه حياتها وافتكر الناس اللي خرجت من حياتي بقيت عادي عايشه ف لا مبالاه، حد اعرفه مات؟ الله يرحمه ؛اتصدمت اه بس متاثرتش و دا زعلان... ماشي.. هعمل ايه يعني.. مبقاش عندي قدره اصالح حد بقيت مستهلكه بالكامل.. مفيش دافع لاي جديد.. بقنع نفسي ان بكره احسن مع اني خايفه منه جدا... وبقنع نفسي اني ناسيه امبارح مع اني بفكر فيه.. لا بقيت عارفه انا عايزه ايه ...ولا محتاج مين... حاسه اني شايفه الحياه سودا بمعني اصح💔🤚

View more

Space ..💙

متثقش في اي شخص حتى لو الشخص دا بتحبه وحافظ ع سرك علشان السر لو طلع من واحد ميبقاش سر ، متجيش ع حد علشان حد أكيد في يوم هيتصافوا وانتا إلى هتبقى وحش،ومتحكيش لحد عنك علشان محدش هيحس بيك غير ربنا وخليك دايما مقرب من ربنا احسن من اي حاجه ، خليك ماشي بمبدأ هما إلى محتاجني ، إللى يقدرك قدره ، واللى مش فاضيلك لما يفضالك متفضالوش عامل كل واحد بمعاملته ، طول ما هما شايفين انك دايم هيهملوك ،مفيش حاجه اسمها خليك أنتا أحسن منه محدش احسن من حد كلنا زي بعض اللي يزعلك زعله واللي يسأل عليك اسال عليه عامل بالمثل علشان متشيلش جواك وتحرق ف دمك بسبب ناس ملهاش لازمه و اي حد بيقل منك قوله ف داهيه اي حد حاطط ليك بديل قوله مع السلامه اي حد بيستغفلك عشان مصلحته قوله الباب مفتوح اللي بيتنطط عليك وشايف نفسه عرفه مقامه اللي بيكسر ف نفسيتك دوس عليه واللي واخد عنك فكره وحشه مش فيك اكده‍اله واللي بيتكلم عنك وحش اعرف انه ناقص ومش عارف يبقا زيك✋

View more

🇸 🇵 🇦 🇨 🇪💔

ÂĦ♏ЄÐ $ÂßЄR
- الحُب حاجة سهل جداً إنها تحصل و دايماً بتحصل اصلاً ،لكن ال شبه مستحيل هو المحافظة ع الحُب دا .. المحافظة ع الحُب محتاجة مجهود وتضحيه كتير ! و اللي صعب نلاقيه فعلاً هو حد يفضل يحبنا مهما شاف فينا عيوب .. مهما حصل بينا .. مهما حصلت تغيرات ف حياته و حياتنا .. مهما طال الغياب و عزّ اللُقا .. مش اي حد هايبقى صبور و باله طويل .. مش اي حد هيحبك ف كل حالاتك و أنتا متعصب و أنتا قرفان و أنتا تعبان و أنتا مفلس .. مش اي حد هايستمر ف حبك لو الدنيا و النصيب قالوله لا معلش ماينفعش .. مش اي حد هايفضل شايلك نفس القدر من الحُب من غير تغيير ده شيء نادر جداً ..ودا اللي لازم نتمناه بجد .. إن الحُب يدوم 💙

View more

S☆P☆A☆C☆E☆ 🌸

Hُus S ein Jr
إمسك بس فى الناس إللى ماسكة فيك ف الناس إللى عارفين قيمتك و مقدرين قيمة وجودك ف حياتهم ف الناس إللى بيحبوك بالأفعال مش بالكلام امسك ف الناس إللى تلاقيهم جنبك و وقت ضعفك معاك ، هتقابل ناس تقولك إحنا سندك و ضهرك و وقت الجد هتلاقى نفسك ساند ع الهوا إمسك ف الناس إللى زعلك يفرق معاهم إللى مبيهونش عليهم يسيبوك زعلان ،، ف الناس إللى بيتعاملوا مع مشاكلك كأنها مشاكلهم هما شخصياً ف الناس إللى طمر فيهم جدعنتك و وقفتك معاهم و إللى عملته عشانهم ف الناس إللى بتعمل مجهود عشان يحاولوا يسعدوك و يشوفوا ضحكتك حتى و لو رسيت على شخص واحد بس عادي و إقفل دايرتك ع كدا علشان تعيش مرتاح👌🙂

View more

لك🎼؛

حـَرب آلـحَربيِ ☤
أنا مَبحبّش أخسر حد كان بيني وبينه عشره سنين بسهوله، بدّيلو فُرصه وإتنين وتلاته وأكتر، ودا مُش معناه إنّي مليش غيره أو مدلوق عليه، بس الفكره إنّي مدخّلتكش حياتي وعرفنا بعض فتره كبيره عشان في الأخر أخسرك! بتصعب عليّا نفسي والوقت إللي ضاع في حاجه مَتستهلش، وبزعل أكتر لمّا الشخص دا يجبرني أغيّر مكانته عندي ،أخلّيه صفر علي الشمال كأنّه شخص مدخلش حياتي في يوم ومَبندمش علي حاجه زي دي في يوم لأن كل واحد بيختار حجمه وقيمته بأفعاله وبإختياره👌😅

View more

💙ɑᓗȊ_✍️᎗ɹɹɹᓄ ⁦

Noona.R.k سَرُأَبَ
فرق كبير بين إنك تفقد الأمل وإنك لازم تسيب الحاجة دى وتكمل حياتك، مش معنى إنك سيبت الحاجة إنك خلاص فقدت الأمل فيها، بس أوقات لازم تمشى فى حياتك وتسعى لحاجة تانية، تدور على إللى ناقصك وتحاول تعمل حاجة تفيدك، بس إنك توقف حياتك عشان حاجة هتلاقى القطر بيجرى وأنت واقف مش بتتحرك ومفيش مُشكلة هتقع فيها فى حياتك مهما كانت كبيرة أو صغيرة غير وهتتعلم منها، مفيش حاجة بتعدى كده وخلاص كل حاجه بتسيب علامة جواك وبتخليك تفهم حاجة مُهمة هتفيدك فى حياتك و فى خبطات كُل وظيفتها إنها تعلمك وإنها تخليك أقوى من قبل كده والخبطات دي مش بتكسرك لا دى بتقويك فى حياتك👌💙

View more

لكلماتك ❤️ No Ur S En

SrSarah Alomari ❤️
إنك ترتبط متأخر بالشخص الصح؛ أحسن بكتير من إرتباطك بدري بالشخص الغلط,قطر حلمك اللي فاتك هتحمد ربنا إنك ملحقتوش لأن آخر سِكته كانت شر ليك وربنا عايزلك الأفضل والاحسن ، والـ كنت بتتمناه ومحصلش بكره تحمد ربنا وتعرف انه حماك منه و مش حرمك.
و البنت اللي تعرف إمتا تهزر، وإمتا تبقي جد ,إمتا تبقي ست، دي تأمنها علي نفسك وإنت مطمن والراجل الـ مهما ضاقت بيه الدنيا والظروف وفضل حنين عليكى ومقساش هو ده رزق ربنا فـ الدنيا ليكِ,اوعوا تصدقوا اي حد يقولكم دا انتوا فاتكم كتير ,اوعوا تخلوا النفوس المريضة تهزمكم ، اتمسكوا بنفسكم وأمنوا بحلمكم وطموحكم واهزموا اى عائق ييجى فـ سكتكم ،كلنا هناخد نصيبنا من الرزق 100% وكل واحد هياخد نصيبه ف كل حاجه ربنا مبيظلمش حد " ولا يظلم ربك احدا" و اطمنوا ان شاء الله اللي جاي احلى بكتير ودايماً ربنا بيعوض اضعاف الـ خسرناه وعوض ربنا دايماً بيكون احلي بكتير من اي حاجه تانيه ممكن تعوضك عن اللي راح،،خلي عندك ثقه بالله انه هيعوضك ومش ناسيك وخليك لحوح بدعائك ب الحاجه اللي بتتمناها وان شاء الله هتتحقق
"وماكان ربك نسيا"♥️

View more

:-[ᶳρ̃̾ꜻϚé😢^_^

⌚ZIAD Elesawy♥️ Đî§₱êℜ§ëđ❤
إوعى فى يوم تتكلم وحش على حد كنت بتحبه بسبب إنك سبته او سابك فى الآخر اسمها محصلش نصيب بينكوا ولو مش هتقول عليه كلمه كويسه ماتجيبش سيرته، احسن من انك تشتم عليه او تقول عليه كلمه وحشه وتشيل ف ذنوب ملهاش لازمه وخلاص لإنه كان اختيارك انتا ولو هو وحش يبقا الغلط كان منك انتا كمان ومتنساش انه فى وقت كان شبهك فى كل حاجه وكنت بتقوله بحبك ومقدرش اعيش من غيرك والكلام دا كله يبقا ازاى فى يوم كرهته ومهما كان وحش متنساش برضو انك فى يوم نمت وانتا مبسوط بسببه وخليك دايما صادق مع نفسك عشان الناس تصدق كلامك ومتبقاش زى اللى بيحاول يخبى فشله فى عيوب غيره واسباب تانيه كتير واعترف انك اخترت غلط عشان تبقا كبير فى عيونك قبل عيون الناس ،، الاحترام حلو وهتكبر ف عيون ناس كتير وهيتقال ف حق اهلك انهم فعلا عرفوا يربوا .. خليكوا مسالمين دايما وحبوا الخير لبعض علشان تفضلوا حاجه حلوه بحياة اللي يعرفكم💜💜

View more

Status 🌸

Mohammed ashraf
بحب الاهتمام ♥
بحب كلمة مالك بحب ان حد يكلمني كل شويا بحب كدا بحب كلمة كنتي فين كلتي اي نمتي امتا صحيتي امتا متسهريش كتير علشان عيونك متبقاش تعباانة صوتك متغير لي كنتي مع مين جبتي اي روحتي فين جايه منين انتي حلو النهاردةالاهتمام ف حد ذاتة حب اهتموا هنحبكوا جدا والله مش هنقول عليكوا مدلوقين او واقعين بالعكس هنقول بيحبونا وهاممكم وجودنا
الاهتمام كفيل انة يخلي وجودكوا لية طعم👌💙

View more

Space🌀

⚫️Mo gamalelden⚫️
الناس الحساسة مش ناس كئيبة ولا نكدية كُل الموضوع أن تركيبتهم غير .. ناس بتفرح من قلبها لما بتشوف تفصيلة صغيرة مُبهجة و بتزعل بردو من قلبها لو حصل حاجة بسيطة أثرت فيها بشكل سلبي !
ناس دموعها قريبة و ضحكتها أقرب .. ناس روحها هشه مش بتستحمل العلاقات المرهقة و الإنتقاد اللاذع و المشاعر المُعقدة .. ناس أي حاجة بتسيب أثر جواهم سواء حلوة أو وحشة
الناس الحساسة دي هما الناس الحلوة المُبهجة و الجدعة و الرومانسية .. هما أكتر ناس تركيبتهم دي بتتعبهم و بتصعب الدنيا عليهم ؛ لأن صعب تحس زيهم أو حتي تتوجع زيهم !
أحترموا مشاعرهم و أنفعالتهم و ردود أفعالهم مهما كانت مُرهقة و مش منطقية بالنسبة ليك لأنها حقيقية و مش مزيفة بالنسبه ليهم.. فـ سلام الله على من يشبهونا ولا نعرفهم حتى الان.👌💙🌸

View more

Status💙

WÃ♓ĎÃŃ..✅
الكوبايه المشروخه اللى انتا لسا فرحان بيها وماسكها ومش عايز تسيبها بتجرحك وبتخليك تنزف من غير ما تحس هتفضل تنزف وهتوجعك لحد اما تجيب اخرك ،، العلاقه إللى من طرف واحد زي كدا برضو انت متمسك بس التاني سايب هتفضل متمسك بتهين نفسك وبترهق روحك وبتوجع قلبك مع حد مبيحسش بيك هتخلي تركيزك موجه لحاجه واحده بس انك تيجي علي نفسك علشان حد مش حاسس بيك هتشتتك عن الباقي هتخليك تخسر انسان بيحبك وبيقدرك وعايزك ،، هتخليك تخسر جزء من حياتك والاهم هتخليك تخسر روحك إللي ارهقتها بسبب حد ميستاهلش ،، مش هيفضل فيك طاقه تعافر او تواصل مع حد تاني ،، هتفوق وانتا مش عارف عملت كدا ازاي وعملت كدا ليه ...؟ وهما عملوا معايا كدا ليه دا انا حبيتهم وكنت عايزهم ...؟! هتفوق وترجع بس هترجع ناقص حاجه ياما ضحكه وفرحه ،، يا هترجع ناقص حد كان بيحبك وعايزك ،، يا هترجع ناقص روحك ،، والاهم والاسوء انك هترجع وانت خسران عمرك مع ناس متستاهلش...!💔

View more

Space ...💙

Ahmed m Zayed
المشكله إنك مبقتش فاهم نفسك ، مبقتش عارف مالك ، علشان كدا لما حد بيسألك وبيقولك مالك إنتا نفسك مبتبقاش عارف مالك ، مبقتش حاسس بأي حاجه حلوة حواليك ، لحظات فرحتك قصيره جدا ، جواك حاجه مخلياك مش عارف تفرح ونفسك تعرف إيه هي الحاجه دي
بس تقريبا الحاجه دي بتبقي نتيجه تراكمات كتيرة جواك ف هي اللي وصلتك للشعور دا ، خليتك مطفي من جوا مش حاسس بأي حاجه حواليك. مبقتش عارف تفرق مين بيحبك ومين بيكرهك لأن غالبا معدتش تفرق معاك ، مبقتش عارف تحدد إنت عاوز إيه ، أقل حاجه بتخليك مضايق وبتقفلك وبتخلي مودك وحش طول اليوم، ومعندكش سبب واضح للزعل💔🤚
بس الحمد لله ربنا يهون علينا جميعا💙💙

View more

space♥

ε ƨ ʟ α м
آلفكرة مش فى الإرتباط آلفكرة فى الإحتياج لكلمة " آنا جمبك إرمى عليا إحكيلى إحنا محتاجين حد يحسسنا إننا بشر محتاجين حد منتكسفش منُه ونحكيله كل تفاصيل حياتنا بكل العُمق وآلدوشة والحزن والكأبه وحتى آلهيافة اللي فيها محتاجين حد يسمعنا علشان عايز يسمعنا مش علشان دا واجب أو فرض علية محتاجين نطلع آلطفوله اللى جوانا ونتصرف براحتنا من غير ما يتقلنا "هيافه"حد نقوله عن مشاكلنا من غير ما يقولنا "انتا كئيب ونكدى عاوزين اهتمام وإحتواء مع عقل ينصحنا حد مانخفش من الدنيا ومصايبها وهو معانا حد قابلنا بعيوبنا وكل حاجه فينا وتقلبات مزاجنا اللى بيتغير فى الساعه الواحدة مليون مره حد ما اطلبش منُه إنه يسندنى ..لا هو بيسندنى قبل ما ابدأ آقع اصلا حد يعرف أمتا يبقى صاحب وآمتا يبقى حبيب وأمتا يبقى آخ وأمتا يبقى آب حد يعوضنا شويه عن حاله آلياس والحزن اللى عشناها ويحسسنا إننا لينا قيمه وان غيابنا بيفرق معاة مش مجرد حاجه على "الرف" "احنا عاوزين اهتمام وحب وثقه وسند وآمان مش إرتباط وخلاص ؟ إختاروا صح علشان آلندم فى الإرتباط مابيبقاش مُجرد كِلمة (يارتنى) دا بيبقى وجع وشروخ بتعشش جواك💔👌

View more

- ♪•♥

Nahas
الحب بين الناس الصح مستحيل ينتهى حتى لو فرقهم المستحيل برضو بيفضل موجود .. الاحترام بيفضل موجود .. الاسرار بتفضل فى البير اللى تحت سابع أرض .. الثقه بتفضل موجوده ..
الذكريات الحلوه مستحيل تتنسى مفيش ندم على المعرفه ولا الفضفضه ولا فيه ندم على خوض التجربه ...
والحب إيه غير الحاجات دى ؟!!
- أحياناً مبتعرفش إنه حب .. غير لما تبعد وتلاقيه زاد عن الأول !!
-الحب قبل ما يكون كلام ... فهو إحترام حتى لو فى أشد لحظات الضعف والبعد !!

View more

Space👑.

YASSOO,'♛
متفرحش لما حد يبيع حد علشانك أصل اللي يبيع حد عشان خاطرك يبيعك لو الظروف حكمت
متأمنش لـ سرك مع حد بيتكلم معاك علي غيرك لأن طبيعي زي ما بيقعد معاك يتكلم علي غيرك بيقعد مع غيرك يتكلم عليك
متزعلش لما صاحبك او حبيبتك يبانوا علي حقيقتهم انت ربنا بيحبك عشان كدة معلققش بيهم وظهرلك وساختهم في الأول عشان متتأثرش لما العشرة تطول!
متندمش علي خسارتك لحد بتحبه لأن الله اعلم لو كملت معاه كنت هتخسر أي
حب اللي يحبك متحبش اللي انت تحبه اصل اللي بيحبك هيخاف علي زعلك وهيتقي ربنا فيك انما اللي بتحبه مش هيفرق معاه تزعل ولا تتفلق حتي لأنك مجرد ملئ للفراغ اللي في حياتة
متتكلمش علي بنات الناس غير بالخير والكلمة الطيبة حتي لو معندكش اخوات بنات لأن كما تدين تدان ولو بعد حين
متتنرفزش علي ست شالتك في بطنها 9 شهور واستحملت الوجع و علي راجل عاش طول عمره يشقي ويتعب عشان يعيشك عيشة كويسة اصل الدنيا من غيرهم ملهاش طعم ولا ريحة ومتنساش ان رضاهم من رضا ربنا
حبب الناس فيك وعاملهم بما يرضي الله واتقي ربنا فيهم وخلي سيرتك وسطهم حلوة أصل انت بتموت وسيرتك اللي بتعيش وسطهم ف بإيدك تخليهم يفتكروك بالخير ويدعولك بالرحمة وبإيدك تخليهم لما يسمعوا سيرتك يكرهوا اليوم اللي عرفوك فيه
متفتنش بين صحابك ع القهوة او في الشغل لان الفتنه دي أشد من انك تقتل✋
متستهزأش بنصيحة أي حد سواء كبير او صغير اسمعها وافهمها ولو عجبتك اعمل بيها ؟ أصل ربنا قادر كريم ويوضع سره في اضعف خلقه❤

View more

🌻

No Ur S En
التدخين مش محرم ع الست ومحلل للراجل😑وممكن تدخني عادي هي حرية شخصية ماحدش خسران غير الرئتين اللي جواكي وإذا عديتي سن ال22 ومش اتخطبتي دا مابيعنيش إنك عانس وإذا لبستي قصير لا هتضري ولا هتنفعي غير نفسك بس خبي حاجه لشخص اللي هيشاركك كل شي فيكي صداقتك مش شرط تكون مع بنت لأ ، في شباب لسا أحسن من البنات ، بس سرك مع أمك وبس أسرار بيتك حدودها أمك و أبوكي و اخواتك وبس ، مهما كان في شخص قريب منك (صديقة - صديق - حبيب - زوج - قريب..) أياكي تفضفضي عن الللي صار تحت سقف بيتكوا ولا تسألي عن السبب مع الأيام هتعرفي أبوكي اللي عاملكم قيمه بين الناس ، الله لا يجربكوا البيت من غير اب صدقيني حيطكوا هتبقي واطيه اوي لو حصل وضربوكي أمك او ابوكي ع خدك الشمال ، اديهم خدك اليمين وقولي تسلموا هما الوحيدين ف الدنيا كلها اللي بيضربوكي وبيتوجعوا من جوا ، كمان مع الايام هتعرفي انهم مش عايزين حاجه غير يشوفوكي فوق الدنيا كلها خصوصياتك مش مهمين بالنسبه لكتير ناس زي ما خصوصيتهم مش مهمه بالنسبالك ، احتفظي ب حاجه لنفسك اسمها خصوصية إنتي مش مضطرة تمشي مع الكل لا بس خلي الابتسامه على وشك وخليها طالعه من قلبك هتكسبي الكل أكتر حاجه تستاهل تحبيها على وجه الارض كلها هو نفسك، حبي نفسك علشان تقدري تحبي اللي حواليكي و تتحي ، حبي كل حاجه فيكي وقدسيه البنت حلوة برقتها ، الشتيمه مش بتلفت النظر ليكي ولا بتخلي الشب يقول عنك واو دي قوية بالعكس هيتف عليكي زيني كلامك كويس وخليكي فنانه فالرد ، الرد مش الردح ابخسي الكل بلباقتك نهاية علاقتك مع شب مش يعني نهايةحياتك لابيعني نهاية علاقة وبس لما تعيطي وتحبسي نفسك ف بيتك اتأكدي إنو ماحدش خسران غيرك ،هيجي يوم وتضحكي على نفسك وهتندمي على كل لحظه ضاعت إنك تكوني مرتبه ف بيتك وف نفسك الحاجه دي هتزيد من ثقتك بنفسك ومن راحتك النفسيه ، مش ضروري تستني ضيوف أو تطلعي مشوار علشان ترتبي لبسك ونفسك ركزي الجمال جمال الروح وبس ،اللي عايز يحبك لشكلك قادر يحب كل تكه شكل جديد ، عبي الراس وعبي القلب وآخر حاجه فكري فيها تملي عين ولد بس لما تختاري واحد يشاركك حياتك مش تسألي اد ايه معاه فلوس اسألي اد اي ف قلبو حب واهتمام والحب اللي مش يرجعك طفلة من أول و جديد لااا بلاش منه اعتذري لما تغلطي مش عيب😍دراستك وشغلك رقم 1 ، ومن ثم الدنيا واللي فيها✋

View more

..

moustafaoraby
- ربنا أعظم من إنو يعشمك بحاجه ومينولهاش ليك 👌 قريب ان شاء الله هتفرح وربنا هيحقق اللي بتتمناه البعيد هيقرب بس الحبل محتاج منك شدة واحدة
- وخليك دايماً ع يقين بالله إنو عمره ما هيخذلك أبدآ ربنا رحيم بيك جداً فوق ما تتخيل
- ومن رحمة ربنا كمان إنو رد " سيدنا يوسف " لحضن " سيدنا يعقوب " بعد سنين فُراق طويلة بسبب إخواته اللي رموه ف البير
- من رحمة ربنا إنو رد " سيدنا موسى " إلى أمه كي تقر عينها وماتحزنش
- ومن رحمة ربنا ب " السيدة مريم " إنو خلى " عيسي يتكلم ف المهد يعني تكلم وهو طفل صغير لسه عشان يرد حق أمه ويبرءها
- ومن رحمة ربناا بيك إنت بقا إنو بيهئ الأسباب عشان يجبر كسر قلبك
و يرد ليك حاجتك و يعطيك مسألتك ومش بس كدا لااا دا كمان عشان ياخدلك حقك من اللي ظلمك
ربنا بيدي الواحد مادام قلبه مش بيمل من الطلب أو ييأس من الدعاء❤ خليك عبد لحوح
- ربنا يجبر ب خواطرنا جبر يتعجب له أهل السماء والأرض 💜✋

View more

🌻

No Ur S En
*ولا تهنوا ولا تحزنوا وأنتم الأعلون إن كنتم مؤمنين* 💙
"مهما حصل معاك مشاكل افتكر كلام ربك كل حاجة هتروح و كل حاجة هتعدي اهم حاجة انها تروح و ماتروحش معاها حاجة منك ماتروحش ضحكتك ماتروحش فرحتك مايروحش جزء حلو جواك , وخليك راضي بكل حال انت فيه عشان ربنا مقدر و مكتوب كل حاجة بتحصلك و عمره ما هيبتليك بحاجة انتا مش ادها قابل كل مشكلة بابتسامة رضا و ربنا كل ما هيلاقيك راضي هيراضيك بحاجات عمرك ما كنت تتخيلها ابدا و كنت فاكرها مستحيلة و ربنا حققهااالك عشان بس كنت مؤمن و متيقن ان مهما الاستجابة اتاخرت هتحصل هتحصل عشان انتا متاكد ان ربنا مش هيكسر بخاطرك 💙!

View more

No Ur S En
‏متخسرش الشخص اللي بيخليك تحب نفسك اللي بيبتسم تلقائي اما يشوف ضحكتك اللي بيديك ومش عايز غير اًنك تكون كويس مش مستني منك مقابل اللي يقسم معاك همك وبيجبر قلبك لو مكسور اللي بيخليك بتضحك بدل متعيط وانتا بتفضفضله اللي شاف عيوبك ولسه عايزك ومتمسك بيك اللي بيخلق حجج عشان يكلمك❤️

View more

- 🌸ً،

Shinning Pearl | أسَـمــاء
*‏عارف لما تبقي " علي تكة " ‏يعني مستني أي حاجة تحصل عشان تنفجر ، ‏مستني أي كلمة متعجبكش من اي حد ، خناقة حتي لو تافهة ، زن ، خبطة ، صداع ، بص اي حاجة هتحسسك بس انك هتدايق او هتتعبلك اعصابك عشان تروح مطلع كل اللي فيك بزعيق ومتشوفش قدامك اصلاً انت بتعمل أية وبتقول ايه‏ " أهو انا حاليا ف خنقه وكبت و ع تكه💔🙁

View more

Space💙

انا بحب اوى الناس البسيطه الى بتتصرف بتلقائيه الى هو مش لازم افضل افكر ارد على الشخص دا ب ايه واقول اى عشان بريستيچي وكدا و الناس اللي لما بتحب حد بتقوله انا بحبك ومش بيبقي قصدها حاجه والناس اللي لما تشوف حد تقوله انت حلو النهارده أو تقول للناس كلام حلو يفرحهم الناس نضيفه من جوا جدا ياجماعه والله🌻💛

View more

Space 🌸

الناس اللي بتدخل في عزله لما تقع في مشكلة، ويفضلوا السكوت عن الكلام، إللي بيكتئبوا مع نفسهم، يقصوا شعرهم أو يعيطوا فجأة .. مش مرضى نفسيين، ولا هُما مُعقدين، أو مش مآمنين ليكم ف مش بيحكوا، القصة بأختصار هما مرّوا بظروف قاسية اوي، فقدوا فيها روحهم وأمانهم، ف مبقاش عندهم إستعداد يحكوا لحد، بيفضلوا الصمت والعزله وقت تعبهم لحد ما وجعهم يخف، فطالما مش بيؤذوكم، اتحملوهم وماتزعلوش من عصبيتهم وكلامهم وقت العصبيه بيكون من ورا قلوبهم والله ومعندهمش أي خبث نهائي وقلوب صافيه جدا 💜

View more

Next