Ask @nour_algendy:

-

nour algendy
لما بيوجعك سن من أسنانك 💔، من كثر الوجع بتكون عاوز تخلعه و لما تخلعه لا شعورياً بيفضل لسانك طول الوقت يروح على الفراغ اللي تركه السن مع إنه مبقاش يوجعك
خلعك للسن مش معناه إنه مش هيترك فراغ ، أو إنك مش هتفتقده ، بس هتتعود على الفراغ ده مع إنه الإعتياد ده هياخد من وقتك كثير بتجيلك أوقات كثير بتزعل و بتقعد تفكر ، هو كان لازم أخلعه ؟ بعدين بتقول طبعاً لازم لإنه كان مسبب وجع كبير
الحكمه :
انه في بعض المواقف لازم تتخلى عن أمور أو أشخاص و تكمل حياتك من غيرهم رغم إنهم كانوا في يوم مصدر سعادتك وفرحتك ، و صح هيتركوا فراغ بقلبك ، بس كفايه إنهم مبقوش يوجعوك👌👌

View more

-

nour algendy
كُتر التنازل في غير موضعه بيدي إيحاء للي بتتعامل معاهم إنك مبسوط بكده، وشايف إن ده اللي تستحقه، ومعندكش مشكلة، حتى لو بتتألم وبتنزف من جواك، ومعتقد إنك كده بتضحي عشان اللي بتحبهم، ومفيش مشكلة، و"عادي، لأ أكيد ميقصدوش يقللوا مني"، هما بالفعل بيبدأوا يشوفوك أقل منهم! التضحيات الزايدة عن الحد بتتحول لإذن منك للي حواليك إنهم يدوسوا عليك، ويبدأ كل الاستثنائي منك يتحول لأشياء عادية، وبمرور الوقت هيبدأوا يشوفوك، بكل تضحياتك، مش كفاية.. حتى لو نِيتك إنك بتعمل ده عشان بتحبهم، ومش عايز تزعلهم، صعب تلاقي حد يفهم اللي بتقدمه كده.. وحاول تفتكر إن نَفْسك بردو تستحق تتحب، وتعطف عليها، وترحمها، وتقدَّرها.
وزي ما قالت الكاتبة "شيرين سامي": عارف ليه ممكن ناس تستقلّ بيك؟ لأنك بتعاملهم كأنهم أحسن منك.

View more

_

nour algendy
لحد وقت قصير كنت بقول يستحيل حد بيضحك في وشك او بياكل معاك وهو بيكرهك! يستحيل حد ميبينش غله وحقده ويقعد ياكل معاك كدا ! ، لحد ما اكتشفت ان عادي حد بيكلمك وظهرلك انه بيحبك وبياكل معاك وهو بيحقد عليك ومغلول منك وبيكرهك ، عشان كدا انت مش هتعرف الناس غير لما تعشرهم وتشوف اللي جواهم ، مش كل اللي بيلمع من برا بيلمع من جوا ⁦✌️⁩.

View more

_

nour algendy
الصبح كنت بهزر مع مايو "الكلب بتاعي" المهم اتعصب عليا راح عضضني عضة بسيطة في وشي؛عاقبته عقاب شديد جدآ ونزلت من البيت..في وسط اليوم امي اتصلت بيا بتقولي ان مايو مكتئب ومش بيلعب ولا بياكل خالص..المهم خلصت شغلي ورجعت البيت من شوية لاقيته واقف عند الباب زي كل يوم في معاد رجوعي من الشغل..اول ما شافني زي عادته نط عليا علشان يحضني واطبطب علية..بس طبعآ علشان انا معاقبه مرضتش احضنه ولا اسلم علية وقولتله امشي وفضلت ازعقله..المهم فضل يجري ورايا ونط علي رجلي؛ فضل يشم مكان الجرح اللي عملهولي ويبوسني بطريقته الخاصة علي مكان الجرح بنظرات كلها أسف..لحد ما طبطبت علية علشان يفهم اني خلاص مش زعلان منه..من بعدها فضل يلعب واكل وقاعد جمبي لحد دلوقتي..
فكرت شوية..
هو احنا مهمين عند حد لدرجة اننا لما بنزعل الشخص اللي زعلانين منه حياته بتقف ومش بياكل ولا بيشرب ولا بيمارس حياته بشكل طبيعي..؟
هو في فحياتنا حد بيفضل بيستني مقابلتنا علشان يراضينا ويطيب وجعنا اللي هو عمله..؟
هو زعلنا ولا وجودنا ولا غيابنا فارق عند حد اصلآ!
احنا محتاجين نتعلم الحب والمشاعر والأخلاص من الحيوانات والله!🖤

View more

_

nour algendy
#عارفين
في وقت الأزمة بيبان كل واحد على أصله.
‏من مميزات أوقات الشدة والأزمات إنها بتبين معادن الناس وبتفرز الطيب من الخبيث .. كل الناس في الشدائد والمحن بتبان على حقيقتها .. فاستعدوا لتقبل حقيقة إنكم ممكن تتصدموا في ناس قريبين منكم وبالعكس ممكن تعتبروه موسم صيد لهم 🔍 ووقت كويس أوى لفلترة ناس من حياتك و وقت كويس تكسب فيه ناس جديدة كانت بعيدة عنك بس وقفوا جمبك .... لازم تحفظ الوشوش اللى وقفت جمبك كويس أوى 👌🏼#اتفقنا 🤚

View more

_

nour algendy
نصيحه :
لما تتخانق مع شخص غالي عليك ولقيت في عنيه الضعف.. ساعتها لازم توقف الخناق وتسامح.
لو حبيبك قصر في حقك ولقيته بيتأسف ومحرج.. متأنبهوش وفوتله.
لما تمسك غلطه علي حد مش لازم تضغط عليه بمعايرتك، وعديها.
متنصحش الحبايب قدام الناس، ومتحطش اللي منك في زاوية ضيقه وتكسفه حتي ولو معاك حق.. ساعات خسارة النقاش مع شخص يهمك أمره، وإنسحابك رغم إنك قادر تاخد حقك.. بيكون هو الفوز الكبير.. الحياه مواقف فبلاش ياخدنا غرورنا وندوس علي اللي مننا علشان نكسب موقف.. لأن بعدها هنندم وضميرنا مش هيرتاح لأنه للاسف بيكون مكسب مؤلم طعمه نفس طعم الهزيمة!.
وعلشان كده اللي قبلنا قالوا: من فقهِ الودّ..أن يتوَقَّف الشِّجار عندما يحتلُّ الحُزنَ عَينَ الآخرِ.

View more

_

nour algendy
"وما فائدة كلمة "أنا بجانبك" بعد المعافاة، و "أنا أحبك" وأنت لا تتقبل عيوبي، و "أنا آسف" بعد أسبوع من الخصام! ما فائدة "أنا فخور بك" وأنت لم تشاركني معاناة الوصول، و "دموعك تقتلني" بعدما تركتني للحزن يتآكلني، لا ياعزيزي، لا فائدة من كلمات باردة تأتي في غير وقتها، لا فائدة من ترميم روح قد ماتت قبل فترة، ولا فائدة من أن تخبرني بكلمة كنت أتوق لسماعها في حين من الزمن، لتقولها أنت في زمن آخر تماما ماتت فيه لهفة الاستماع."

View more

_

nour algendy
النَصيب جاي جاي ، لكن نتمنى يا رب انه لما يِجي يكون جايِب حد يعوضنا اللي فات ، حد باقي علينا جداً ومايقدرش ولا ناوي يفرط ، حد بيقدَّر وجودنا وكلامنا وبيحافظ على وعدُه ونحافظ معاه احنا كمان عليه وعلى وعودنا ونخاف عليه م الهوا الطاير ، حَد حنين علينا وسَكن حقيقي يخلي حياتنا جنة وننسى معاه تُقل الروح وهَم القلب ومعنى كلمة خنقة أو حُزن ، حد مانهُونش عليه يا رب ومايخذِلناش ويحِب كل ما فينا عيوبنا وميزتنا وأهلنا وضحكِتنا وقُربنا ويكتفي بينا عن العالم ، يا رب حَد الكتير من غيرنا مايكَفيهوش والقليل مِنا ومعانا يسعدُه ويرضيه ، نتمنى يا رب عَوضك يبقى زي ما طَلبنا مِنك في دعائنا وقولنالَك .. احنا انتظرنا كتير وصَبرنا اكتر وعندَك الخير كله ، ارزُقنا كل الخير لو نستاهِل واهدينا واصلحنا وارزقنا به لو منستاهلش ، نسألك يا رب تجعل نصيبنا جميل بجمال كرمك وفضلك " ⁦❤️⁩

View more

Next