" إن لن تنفع أخاك المسلم لا تضره و إن لم تفرحه لا تغمه و إن لم تمدحه لا تذمه و إن لن تفي لا تعد و إن خاصمت فلا تفشي سراً وإن كنت على نية تخييب ظنهم بك يوماً إبتعد قبل ان تقترب كن صادق بقربك مخلص بعطائك " 🖤🥀
طيب انا دايما بحس انه كل الناس الي حوالي والي بعرفهم سابقيني بكل اشي بحياتهم وهالاشي بزعجني جدا مش غيره والله بس انه ليش انا ما يصير معي زيهم 💔💔
هاد نصيب ما إله دخل ما حدا سابق حدا كل واحد الأشي اللي بده ياه بوصله بالوقت اللي الله كاتبه بالوقت اللي شايفه الله مناسب إلك ، والفكره مش اني اسبق حدا ولا حدا يسبقني المهم إنه اللي بدك ياه بالأخير رح يوصلك بس انتِ إسعي والباقي على الله 🖤🥀
من نفسك والله من إعتزازك المطلق ب ذاتك و بقدراتك بنفسك ب أهلك و بأصلك ب دينك و مبادئك من شعورك برضا والقناعه عن حياتك من إنك ما بترضاها على حالك تقارن حالك بأي إنسان ولا بأشي بسيط من إنك تكون عارف حالك وعندك قناعه إنك الأحسن ... ، مقامك انت الي بتصنعه مو ناس لأنه لو تركت ناس تقييمك تقييمهم ما رح ينصفك لأنه الناس لا عادلة ولا غيره . 🖤👋🏻
- يعني ازا مو متحمله تعب الدنيا معقول تقدري تتحملي تعب الأخره ! 💔شوفي شو ما مريتي ب ظروف صعبة نصيبك من الفرح رح يوصلك والله مو ناسيكي ...، يمكن انتِ بتحكي هلا إنه الناس اللي وصلها سؤالي و قاعده بتجاوبني بتجاوبني بناءً ع وضعها وما حدا حاس فيني ... بس انا بحكيلك الحكي المنطقي بغض النظر عن صعوبة اللي بتمري فيه شوفي شو ما كانت حياتك صعبه م رح تكون اصعب من الي رح تواجيه ازا اقدمتي ع هاد الأشي لأنه روحك ل الله ، الله الي اعطاكي ياها والله الوحيد اللي إله الحق فيها.. توكلي ع الله وخليكي مع الله عشان تقدري تمري بهيك مرحله وشيلي هالأفكار من راسك وهاي الأيام رح تمر عليكي وبتصير ذكريات صنعت منك إنسانة قوية بمعنى الكلمه الله يفرح قلبك ويكون معك وخليكي مع الله و بس 🖤🙏🏻
شوفي انون ك مسمى المبالغه في الشعور موجود بس أعتقد موجود إتجاه الأشخاص يمكن ... ، أما ما أتوقع يكون موجود إتجاه المواقف لأنه فعلياً ما حدا مسؤول كيف بتكون ردة فعله ومشاعره ب لحظة اللي تعرض فيها الشخص لهاد الموقف .. ، يمكن الموقف اللي بنظري أشوفه تافه و ما يأثر فيني ، بس بنظرة غيري أشوفه ببالغ فيه و بعطيه أكبر من حجمه و تأثر فيه و العكس. 🖤💫" لكل منّا عيون و لكل منّا نظرة " 🖤🥀
لا عادي بسمع رأيك وازا حسيته صح عادي بقتنع فيه وبعترف وقتها انه رأي غلط اما ازا ما اقتنعت بحكيك من البدايه عادي بخليكي تكملي حكي قد ما بدك وبالاخر بعمل اللي براسي
التنين ... ، لأنه الله كريم وهو شايف و عارف انك صبرت ف ازا كان هالأشي منيح إلك الله ما رح يخيب ظنك ورح يحققلك اللي ببالك 💫و بنفس الوقت اكيد لولا الصبر كان اغلب الناس ما قدرت تتخطى الأشياء اللي صارت معها 💔" و بشر الصابرين 🖤🙏🏻 "
الحياة بحد ذاتها ممله فكرتها ممله يعني حتى لو كسرت الروتين المعتاد ورحت واجيت وعملت اشياء جديده إنه طيب و بعدين؟ رح ترجع زي قبل 😑 " لا شيء مهم ولا شيء ملهم ولا شيء ملفت " 🤷🏻♀️
ليش الناس بتتغير يعني ناس بعرفهم من عمر بتغيرو هيك بكل سهوله
والله الواحد لو يفكر للحظه وحده من عقله وقلبه بعرف انه الحياة مش مستاهله إنه يخيب ظن حدا فيه .. 90 % من الناس مؤقته . يعني الناس بتتغير لأكتر من سبب يا إما انتِ راجعي حالك وشوفي ازا صدر منك اشي خلاها تتغير . يا إما من الناس المؤقته اللي بتكون موجوده بمرحلة معينه بعدين بس تنتهي هالمرحله بتنتهي معها .و الناس الصادقه معك من البدايه ما بتغير ."واحكيلك شغله لو كنتي أحسن حدا و اطيب حدا الي بده يتغير عليكي بتغير ولو كنتي اسوء حدا والئم حدا ومو حابه تتغير ما بتغير "و بس والله .