الدنيا اتخلقت اصلاً ومكتوب عليها السعي اول مبادئها .. ما دام كده هتندم وكده هتندم يبقي خد خطوة الدنيا اتخلقت علشان نتحرك ونتكلم ونعبر ولو ندمنا علي ده ميمعنش اننا في يوم هنتحرك صح وده مش شك او فرض لا ده يقين ان لازم الحركة هتكون بتسبب فرح كبير ولعل الخطوه ديه تكون بفرح مش ندم مين يعرف
لاكن انك تقعد مكانك ديه عمرها ما كانت الدنيا ولا اللي اتخلقت علشانها الدنيا والمشكلة الاكبر انك لو فضلت مكانك لازم هتندم .. لازم هتندم يعني مفيش هنا نسبة صغيرة مثلا انك ممكن متندمش وندم الثبات وعدم الحركة اكبر بكتير من ندم الخطوات الغلطة لانك لو فضلت متاخدش خطوات علشان خوفك انها تبقي غلط هتبقي زي اللي خاف من مرض معين " ممكن " يجيلو من الناس ففضل قاعد في بيته قافل علي نفسه وفجأة قرر يخرج بعد فترة كبيرة تخيل كم الضرر اللي ممكن يصيبه وهو جديد علي المرض عمره ما هيكون زي انسان خد المرض كذا مره واتعود عليه وعرف يتعامل معاه ازاي واغلب الاوقات اصلا مبقاش يمرض بيه ولو قررت متخرجش خالص هيبقي فاتك كتير .. فاتك اكتر بكتير اووي من انك تكون مصاب بالمرض ده كل يوم بدون مبالغة .