Ask @nourhankoreer:

Space 🌌

⁦ Ahmed ⁦⚖️⁩
‏مش شرط اكون زعلان بسبب حد ممكن اكون زعلان على نفسي ، علي كل حاجه عاوزها ومبتحصلش ، علي كل وقت بحس فيه اني لوحدي ومحدش حاسس بيا ، علي مواقف كتير محطوط فيها ومش بمزاجي ، على الخذلان اللي بحسه من اقرب الناس ليا ، علي حياتي اللي متلغبطه ، ممكن اكون زعلان علي نفسي عادي .

View more

احكِ.. 💛🌼

Samia Minshawi
‏بلاش تنبهر باللى بيعبر عن حبه لفظاً ، انبهر باللى منطقهاش ، بس قالها 100 مرة فى مواقفه معاك ، فى سؤاله واهتمامه بيك وحرصه عليك ، بلاش انبهار بالوعود اللى غالباًً مزيفة ، خلي انبهارك بالايام اللى بتسجل لحظاتكم الجميلة لوحدها,والتجربه خير دليل .. وشكرا

View more

-

ᏴᎪՏՏᎪᎷ ᏆᏴᎡᎪᎻᏆᎷ
أسوأ عقاب ممكن تعاقب شخص مش أنك "تهينه أو تكرهه"، لأ خالص..
أسوأ عقاب فعلًا أنك ترجعه لنقطة البداية أنه يبقي "شخص غريب" بس مع إضافة بسيطة أنه يبقى "بدون فرصة" لأن الغريب ممكن تتعامل معاه عادي وعنده فرصة يبقي قريب بس هو خلاص أستنفذ فرصته، أنك تحرمه من كل صلاحياته بدون ما تهينه، أنه مش بس يبقي علي الهامش بعد ما كان في الـ center بتاع حياتك وكل حاجة بتلف حواليه .. لأ دا الأسوأ أنه يكون عارف إن أي عابر سبيل له فرصة أكبر منه هو شخصيًا في أنه ياخد مكانته " أو اللي كانت مكانته" .
الإهانة والخناق مفيش أسهل منهم، بس العقاب الأرقى أنهم يحسوا إنك بطلت تشوفهم زي ما كنت بتشوفهم وإن أفعالهم طفيتهم في عينك.
‏مارك توين قال" أنا لا أنتقم بل أُعيد الشخص غريباً كما كان ".

View more

+2 answers Read more

"يا بخت إللي عنده ونس فـ حياته.. ونس حقيقي.. مُخلص.. صريح ومُريح.. وجود الونس ده بيخلينا نعدي أي مشكلة.. ونتحمل أي هم.. لأنه بيفكر معانا إزاي نحل المشكلة دي وبيشاركنا في شيل الهم.. مهما كان الهم ده خاص جدًا."

View more

,🤍🤍

aayyaahhhhh
أنا طول عُمري بقول كلمه فداك بسلاسه وإقتناع تام إنها أعظم كلمه للمواساه ، فداك ماده ، فداك شخص ، فداك موبايل باظ ، فداك نضاره إتكسرت ، أي حاجه وحشه تحصل فدانا طالما لسه عايشين ، أي حاجه تضيع مش مهمه ، المهم وجودنا ف الدنيا لسه ، ومش هبطل أقولها أبداً مهما ال قدامي حسسني إنها مش كفايه أو إني مش بفيده .

View more

_

حبيت بس اقول اني بحاول على قد ما اقدر وبكل طاقتي اني اكون comfort zone لأي حد موجود ف حياتي وبيتعامل معايا .. بحب ديما اكون الجنب المريح اللي بيطبطب وبيسمع وبيعالج مهو مش هبقا انا والدنيا عليك ، اتأكد ان ديما وقت ما تحتاجني هتلاقيني ومش هردك لأن الدنيا ابسط واسهل بكتير من كل المشاكل والعدواه اللي بتتواجد ♥️

View more

space

ها عشان تقعد معايا ، قعدت علي الكرسي اللي قصادي ، قولتلها "إفتحي النوت علي أخر صفحة ، وبعدها إفتحي الجواب"
طلعت ورقة من جيبي وقولتلها "ودي إفتحيها أخر حاجة"
فتحت النوت فلاقتني كاتب كل تفاصيل يومها حتي الوقت اللي وقفت تشرب فيه ، قرأت أخر صفحة وكانت راجعة بالصفحات فقولتلها "لو حصل نصيب هخليكي تقري المية صفحة اللي قبلها ، كل الصفحات عبارة عن تفاصيل يومك"
فتحت بعدها الجواب وقرأته ، لقيت إبتسامة خفيفة ظهرت علي وشها ففرحت ، وبعدين قومت عطتها أخر ورقة بإيدي
كان شكل الورقة عبارة عن جنب فيه خريطة لمكان تركيا وإننا هنزورها في يوم ، وإن البوت الأسود اللي مقاس 39 محجوز بإسمها والدولاب الأبيض اللي هيكون خاص بيها بس هنعمله في بيتنا
أخر حاجة شافتها كان إسمها اللي مكتوب علي التورتة
مشيت من بيتها وأنا حاسس إن اللي عملته مش هايضيع ، وإترفضت بعدها ، كانت ابشع وأسخف وأوجع ضربة خدتها ، بقيت كل شوية أسأل نفسي "إزاي بعد اللي عملته اترفض؟!"
بعد سنة إتقدمت تاني بس من غير أي محاولات إني أكسبها
خرجت وقعدت معايا تاني بس كنت متإكد إني هطلع من بيتها مخذول
قالت أول ما قعدت "تعرف إن المرادي هوافق عليك"
بإستغراب شديد "إشمعنا" وكإني حييت من نبرة صوتها من غير مبالغة
قالت "لأن أول مرة جيت فيها كنت عايز تشتري مشاعري ، حسيت إن مشاعري سلعة جاي تساومني عليها"
كملت "بس المرادي جيت فاضي ، عارف دا معناه إيه! إنك جيت من غير أي تجميل تطلب تاخد إذن بإنك تعيش جوه مشاعري مش تشتريها"
وخرجت عشان تبلغ ابوها موافقتها وأنا لسه قاعد مستغرب !
سيبكم من كل دا ، أنا خدت واحدة عينها مليانة ملهاش نقطة ضعف وساعتها عرفت سر "الهيبة"💙

View more

..

ما تحاولوش تفهموا ليه اكتر حد حبيتوه خانكم.. ولا ليه اكتر حد ساعدتوه أساء لكم.. ولا ليه اكتر ناس وقفتم جنبها باعتكم بالرخيص.. ساعات مجرد محاولة الفهم و البحث عن أسباب منطقية بتكون عملية مؤلمة جداً.. ساعات العلاج الوحيد للظلم و قلة الأصل و نكران الجميل بيكون النسيان و التجاهل.. إنسوا اللي ظلمكم و تجاهلوا اللي أساء لكم لانه ما يستاهلش يفضّل في القلب و الذاكرة،
كفاية علي قلوبكم تحتفظ بدفا الاوفياء و لو كانوا قليلين .
نقطه و من اول السطر .

View more

Next