تزعل وأنا اللي منك زعلان تقسى وتجرح قلب مغليك غالي معي لو كان لي كان متعودن تزعل واراضيك إن كنت ناوي الصد يفلان الروح في بعدك تناديك وإن ييتني من حب ضميان بسقيك من حبي وبرويك يالسولعي يا دعج للعيان ربي جمال الحور معطيك حس وجمال وقد فتان في هيبتك منهو يجاريك سبحان من صورك سبحان كن الحسن مملوك في ايديك لوهو انخلق شرواك انسان لا محتوى طيبت معانيك
يا بجاد شب النار وادن الدلالي=واحمس لنا يا بجاد ما يقعد الراس
ودقة بنجرن يا ظريف العيالي=يجذب لنا ربعن على اكوار جلاس
وزله ليامنه رقد كل سالي=وخله يفوح وقنن الهيل بقياس
وصبه ومده يا كريم السبالي=يبعد همومي يوم اشفه بالانفاس
بلمك وانثرك واجمعك وارجع وانثرك باهمال بخونك وازعلك وارضيك وازعل منك وارضى لك أبرسم بالثرى وجهك وابدفن صورتك برمال أبشكي للعرب فرقاك واضحك عند عذالك أبهديك الوصال فراق واهديك الفراق وصال بسوي مثل ما شوفك تسوي وافعل افعالك عشان تعرف من فينا الزعول ومن وسيع البال أبيك تذوق فنجالي وانا بذوق فنجالك نصيحة واحتفظ فيها قصر معك الزمن أو طال أبي تسمع كلامي زين وتحطه على بالك اذا حبك هبال اطفال لك عندي هبال اطفال ولا !! وابشر بعد بهبال حب ٍ ما هو بهبالك واذا قصدك تهين اسمي عشان تشمت العذال ترى لا انته ولا غيرك !ولا عشرة من اشكالك