@olaMohammed987

olaMohammed987

انا انطوائيه جدا ومبعرفش اتعامل وفاكره الناس كلها طيبين كدا، والسنه الجايه هروح أعيش ف القاهره لوحدي ف سكن مع زمايلي البنات بس من غير أهلي عشان الدراسه ، هعرف أتعامل مع الناس وأكون إجتماعيه من قعدتي لوحدي هناك ولا لأ ؟؟

انا شبهك انطوائية بردو بس صدقيني لما تسافري هتتعودي ع التعامل لوحدك وهتعرفي تتعاملي مع الناس اكتر من الاجتماعية ✨ لاتقلقي 🌺

What others replied to:

انا انطوائيه جدا ومبعرفش اتعامل وفاكره الناس كلها طيبين كدا، والسنه الجايه هروح أعيش ف القاهره لوحدي ف سكن مع زمايلي البنات بس من غير أهلي عشان الدراسه ، هعرف أتعامل مع الناس وأكون إجتماعيه من قعدتي لوحدي هناك ولا لأ ؟؟

show all (138)

يعني انت لسة اقل من سن الجامعة وعارفة تقيمي نفسك انك مش اجتماعية وكدة ؟
ده طبيعي وطبيعي انك بتتعلمي كتير في فترة الجامعة
هتتعبي شوية لما تعتمدي ع نفسك ف كل احتياجاتك الاساسية بس هتتعلمي شوية
وهتفضلي بطبعك برده
انا اشتغلت اهو ولسة انطباع الكل عني اني خجولة قليلة الكلام مش منتشرة ف الشغل .. بس بعرف امشي اموري ده الفرق
بالتعود واختلاف المواقف اللى هتتحطى فيها عشان لوحدك هتعرفى تتعاملى غصب عنك
اهم حاجة يبقى عندك استعداد للتعامل مع الناس وتحاولى تكونى لطيفة بدون ابتذال .. وخليكى ع طبيعتك متخافيش 🤍
حاولي لو نفس الكلية موجودة فيمحافظتك حولي ليها وخليكي جنب اهلك ولو لأ يبقي توكلي علي الله وروحي خليك انطوائية عادي ومتتعرفيش ع كله في الاول اعرفيلك اتنين تلاتة ويبقوا اصحابك وهم هيعرفوكي ع ناس تاني وهكذا بس تحري الحذر في اختيار اصحابك وربنا يكرمك بناس يبقوا زي اخواتك كده وتكون بينكم صحبة خير🌼
طول ما انتي بتقولي ع نفسك انطوائيه ومش بتعرفي تتعاملي هتفضلي كدا فعلا ومش هتطلعي من الزون اللي حطيتي نفسك فيه ف خدي الأمور ببساطة هما بنات زيك وصغيرين برضه من سنك ف انتي مش هتبذلي مجهود اصلا انك تتعاملي انتي يدوبك هتتعاملي بطبيعتك والأمور هتمشي لوحدها
اه بس خلي بالك من نفسك قوي ومتديش الامان لحد ابدا وحاولي تكون غرفتك الخاصة لو مش سكن الجامعة

Language: English