Ask @osamar89:

عدد السويتشات مش معروف+ ممكن يكون 10 للأس 5 أجيب الماكسمم من الانتيرفال وأعمل أريي بحجمه؟

أه ممكن ، وممكن تعمل الكلام الي شرحته بدون ما تحجز أريه ( تعمل ليست تحط فيها القيم اللي مش 0 فقط )
بس بدك تكون منتبه

View more

+1 answer in: “في عندك مجموعة switches طافيين حتاخد مجموعة intervals تقلب حالة كل واحد من هدول الinterval بعد ما تخلص الناتج حيكون مجموع الأضواء اللي انقلبوا مثلا الأول+الخامس في حل بروت فورس، لو عندك فكرة كيف أطور حلي ممكن hint بعرف إنه لازم يكون الضو اجا عدد فردي في ال interval عشان يقلب بس ما عرفت اجيب حل أحسن”

في عندك مجموعة switches طافيين حتاخد مجموعة intervals تقلب حالة كل واحد من هدول الinterval بعد ما تخلص الناتج حيكون مجموع الأضواء اللي انقلبوا مثلا الأول+الخامس في حل بروت فورس، لو عندك فكرة كيف أطور حلي ممكن hint بعرف إنه لازم يكون الضو اجا عدد فردي في ال interval عشان يقلب بس ما عرفت اجيب حل أحسن

عمل اريه بعدد السوتشات
لما تاخد العملية بيكون فيها رقمين ، بتروح بتحط علامة على الخلية الأولى ، وعلامة على الخلية الأخيرة
بتعمل زي هيك بعدد العمليات طبعا بدون ما تلف على المفاتيح الي بينهم ، بس الأولى والأخيرة
وبعدها بتمر على الأريه الي هي بعدد السويتشات هادي ، من الأول للآخر ، لما تشوف علامة وحدة بيكون الي بعدها ضاوي لغاية ما تشوف العلامة الي وراها
وهكذا ، الي بعدها طافي لغاية ما تشوف العلامة الي وراها

View more

+1 answer Read more

شو اللي حيساعدني أعرف شو الأسئلة اللي أحلها في كتاب مرجع مثلا زي rosen وبدي يكون مستواي عالي في تطبيق الأفكار الموجودة خارج الكتاب، ولا أدور على أسايمنتس؟

أها يعني انت طالب ديسكريت الآن ،
أحسن حاجة انه يكون فيه اسايمنت موضوعة من قبل خبير وتتبعها
لو ما كان هاد الاشي موجود شوف شو الجامعات الي برة بتعطي طلابها واجبات واعملها

View more

+4 answers in: “عندك نصائح أو منهجية للي بيميلوا للتعلم الذاتي؟”

يا ريت تعطي نصائح لو حد بده يقرأ كتاب في مجال حيتخصص فيه، وهل يحل الأسئلة كلها؟

تختلف الإجابة حسب مستوى القارئ ونوع الكتاب ، إذا كان الكتاب مرجع فيه تفاصيل كثيرة وأسئلة أكثر والقارئ مهتم أكثر بالجانب العملي أكيد ما يحل الأسئلة كلها
إذا كان الكتاب من نوع
cookbook
مثلا
لازم يحل كل الأسئلة

View more

+4 answers in: “عندك نصائح أو منهجية للي بيميلوا للتعلم الذاتي؟”

* خلي عندك صفحة واحدة تكتب عليها الاشياء الي رح ترجعلها وما تسمح لنفسك تكتب أكثر من صفحة ، لأنك رح تتشتت ، شو قصدك؟

قصدت احصر الحاجات الي بدك ترجعلها وما رجعتلها لسة في ورقة واحدة فقط وما تسمح لنفسك تسجل على اكثر من ورقة لأنهم رح يكومو وما رح تعملهم

View more

+4 answers in: “عندك نصائح أو منهجية للي بيميلوا للتعلم الذاتي؟”

عندك نصائح أو منهجية للي بيميلوا للتعلم الذاتي؟

نصائح عامة :
* حدد هدف واضح وقابل للقياس واله زمن لازم ينعمل فيه
* تأكد من الحصول على الإرشاد اللازم وما تغوص لحالك
* جهز لنفسك بيئة مناسبة زي مكان للدراسة أو حتى وقت معين كل يوم تدرس
* خلي عندك صفحة واحدة تكتب عليها الاشياء الي رح ترجعلها وما تسمح لنفسك تكتب أكثر من صفحة ، لأنك رح تتشتت
* انضم ل كوميونتي على الانترنت بيحاولو يتعلمو نفس الي بتتعلمه
* اذا بتقدر تكتب اعمل بلوج ولخص فيها ما تعلمت وحاول تنشرها
* اذا تعلمت حاجة ببلاش حاول تدرسها برضو ببلاش ، ربنا بيبارك في وقتك وجهدك وبتتمكن من المادة أكثر
بالتوفيق ^_^

View more

+4 answers Read more

مفيد أحضر دورة عاليوتيوب أو ع موقع لشرح مادة مش فاهمها، بتشرح نفس المواضيع بس الكتاب مختلف إذا مش لاقي نفس الكتاب؟

أكيد مفيد ، بس تأكد بعد ما تفهم من الفيديو انك تمر على المادة المطلوبة منك وتتأكد من التفاصيل الي مرات بتكون مختلفة

View more

يعطيك العافية يا دكتور شو في طريقة او موقع ممكن من خلالها اعرف اني ادا كتبت الكود بشكل معين حيكون احسن من اني اكتبو بشكل اخر خاصة في الاوبجكت اوريانتد والاكسبشن و .... في الجافا

Hassan Ghazy
حاول تشارك كودك في اماكن فيها ناس خبراء واسمع رايهم

View more

متى يجب التوقف عن التعلم في جميع التخصصات وبدأ التركيز والتعمق في تخصص معين ؟

أظن أن المقصود بالسؤال هو التخصص الفرعي داخل التخصص الأساسي في البكالوريوس
وبرأيي أفضل وقت لبذل كل الجهد في اتجاه واحد هو بداية من آخر فصل في الجامعة

View more

+1 answer Read more

السلام عليكم إذا أنا بدي أزيد علمي عن طريقة أكواد غيري وأشوف كيف بيحله، أحسانا ما بأفهم الأكواد كيف ممكن أفهم أكواد مش أنا كتبها؟

التعلم من أكواد الغير شيء حقيقي وموجود في عالم البرمجيات منذ بدايته، ومع هذا لتحقق الفائدة ممكن نحط شوية "نصائح" نتبعها
1. حدش بيتعلم حاجة من نسخ ولصق الكود وتشغيله، وتغيير بعض قيم المتغيرات بشكل عشوائي، تجنب هذا التصرف حتى لو كان يؤدي في بعض المرات لنتائج مرضية، لأنه يمنعك من الفهم.
2. لا تنس/ أي حد ممكن يكتب أي حاجة في الانترنت، ومش كل كود في الانترنت هو الصح وأحسن حاجة ، اختر الكود اللي حابب تتعلم منه بعناية
3. التعلم من أكواد الغير يكون سيئا إذا كان المطلوب تعلمه هو الأساسيات المطلقة، أو في حال عدم توفر أي فكرة مسبقة عن الشيء المطلوب تعلمه. في هذه الحالات يجب الرجوع الى كتاب او مصدر علمي ، ثم النظر الى أكواد الغير.
تلك كانت نصائح عامة يجب ذكرها قبل الاجابة :)
وللإجابة على السؤال بدقة إليك طريقة يمكن اتباعها لتسهيل مهمة فهم أكواد الغير :
* لاقي حاجة انت بتعرفها أو مألوفة جوا الكود وابدا من عندها تتبع للكود، شوف شو بيدخل فيها مدخلات ، هي شو بترجع او بتعطي نتائج لمين ، واستمر بالتتبع من هادي الشغلة المألوفة الى مدخلاتها ومدخلات مدخلاتها وهكذا ، بتلاقي حالك فهمت كل الي قبلها ، وبتسهل على حالك فهم كل الي بعدها .
* لو كان الكود كبير كرر العملية السابقة على عدة جلسات ، بحيث في كل جلسة بتبني على ما فهمت من سابقاتها ، ويمكن في أي وقت تصغير الكود عن طريق حذف بلوك غير مفهوم أو استبداله ب"ستب" ومتابعة الفهم والرجوع إليه لاحقا
* في حال لقيت نفسك مش فاهم syntax
تأكد انك تراجع هذا العلم من كتابك المفضل ، مثلا لقيت حالك مش فاهم Lambda Expressions in Java
ما تفهمهم من الكود ، راجعهم من الكتاب ثم ارجع افهم الكود.
أتمنى أن يكون هذا مفيدا ، وبالتوفيق

View more

شو مجالات العمل بعد التخرج كمهندس حاسوب غير الويب والأندرويد!

الإجابة على هذا السؤال طويلة وكبيرة ، كنت تحدثت عن إجابة هذا السؤال بكثير من التفصيل في المحاضرة العامة الفصل السابق
يمكنك الرجوع إليها هنا
http://site.iugaza.edu.ps/oradwan/files/Exploring-Careers-in-Computer-Engineering.pdf
أتمنى أن تكون مفيدة

View more

دكتور ممكن شرح بسيط لحلك هان إن ما في إزعاج https://www.hackerrank.com/rest/contests/master/challenges/insertion-sort/hackers/OsamaR/download_solution

متذكرة في مادة الداتا ، محاضرة 10 ، شرحتلكم شغلة اسمها
Counting inversions
وفرجيتكم طريقة O(nlogn)
حلي هو نفس الشغلة بس هالمرة كتبته مش ركيرسف
بس

View more

لعلوم اللغة العربية اللي بتحتاج ممارسة مثل الإعراب والعروض والإملاء وطبعا واضحة الفئة المستهدفة :)

حلو ،
بس زي الهاكر رانك لهاد النوع من العلوم مش متخيل كيف .
عموما اذا كان المطلوب تقنيا مقارنة إجابات المستخدمين بإجابات صحيحة مخزنة سابقا وتسجيل نقاطهم وترتيبها فالموضوع تقنيا بسيط
أي لغة برمجة ويب بتلبي المطلوب.
اتعلم PHP
ورح تكون بداية طريق منيحة
بالتوفيق

View more

+1 answer in: “دكتور لو حاب أعمل موقع زي الهاكررانك بس مش للبرمجه شو بيلزم أتعلم؟”

شكرا دكتور طيب بالنسبة لمادة قواعد البيانات وعمارة الحاسب مهمة كتير في الذكاء الاصطناعي

مادتين مهمات جدا لأي مهندس برمجيات ، بي مش من أساسيات الذكاء الاصطناعي

View more

+1 answer in: “يعطيك العافية يا دكتور انا حابب اتعلم الذكاء الاصطناعي وعالم الروبوت ايش بتنصحني اعمل ايش الخطوات اللازمة اللي بتساعدني في التقدم بهذا المجال وانا عارف انه في غزة عندنا مش ناجح هادا المجال بس انا حابب ادرسه في المستقبل بس بدي اجهز حالي واستغل اكبر قدر ممكن من العلم لهذا المجال خلال دراستي الجامعية”
Next