بوست عميق شوي البسوا فواشات : في دراسة بتقول انو الفرق الرئيسي بين الذكر البالغ والانثى البالغة متعلق بقدرة الذكر على انو يسيطر على غريزته باستهلاك اغلب متاع الحياة . وقدرته على اجترار احاسيسه ، وحرق المشاعر متل الكالوريز . كما انه كائن اعتيادي قادر يتعود على اكتر الاشياء اثارة مهما كانت هالاشياء مهمة بمجرد ما يتعرف عليها بتتصنف عنده بالارشيف ضمن قسم الاشياء غير مهمة ، وبيبدأ رحلة بحث جديدة عن مصادر جديدة يتعرف منها على اشياء يستهلكها ويحرقها . وهالشي بخلف مشكلة عظيمة عند الانثى كونها بتمتلك آلية مختلفة تماماً عن الذكر ومفهوم مغاير بالتعامل مع الاشخاص . وبمجرد الذكر ما يمل ويبدأ يبحث عن شخص جديد بتبدأ عندها معاناة الظن بأنه خائن او متعرف على حرباية جديدة او انها بطلت حلوة بعينه ومتباشعة او سمنانة ، وطبعاً بيترتب على هالشي كتير شغلات كمان اهمها الريجيم وعمليات التجميل اللي بتعود خسارتها على الذكر اللي ماكانت تتطور جيناته ليقدر يتفادى هيك خسارة .انا بحب قلك سيدتي : الموضوع على قد ما هو معقد على قد ما هو بسيط ، ببساطة الذكر عملك ( Scan ) وسيّفلك بصمتك وصرتي بالمحفوظات ومابقا في داعي يدخل كلمة سر كل ما بدو يتعامل معك 🤷🏻♂️هالدراسة انا عملتها يعني مافي مجال تنزلوا تبصوا عالمصادر ولافي حلقات سابقة ولا حلقات جاية
إياك ثم إياك أن تخبر أحد ما يحدث داخلك.. ولا لأي شخص خلي يلي جواك يموت ولا تحكيه للشخص الخطأ.. راح تندم وتعض أصابعك ندم لو حكيت يلي جواك للشخص الخطأ.. لأن هذا الشخص راح يكون غير مهتم بتاتاً في كلامك.. راح يحكيلك سرك في بير والبير فيه كثير ثقوب.. راح يعطيك مساعدات فاشلة يعني فوق ما إنتا مكسور وتعبان يزيدك كسر و تعب.. والله لا تستهينوا في مشاعركم.. حبّ نفسك.. لا تصدق الكلام الحلو و الجميل يلي بنحكى.. بدك الحقيقة خدها من المواقف وانتهى.