Ask @palestainmoon:

Drop something here..🌻

Killua Zoldyck
كل م مشينا بهالحياة وكل م أخطأنا أكتر؟ بنتفهّم دوافع اللي بيغلطوا وبنتسامح معهم أكتر..
بنرفض الأسود المتشدد.. وبنعرف إنه طبيعتنا ك بشر ما بتناسب الأبيض.. ف بنروح بنعتنق الرمادي ك لون وهوية وإشي يعبر عن حقيقتنا") 💙
" الرمادي يمثلني.. في عالم يحاول الانتساب للأبيض والأسود. "

View more

حَالتك النفسية .. بمَا تشعُر الآن ؟ ?

أشعر بالملل..
ملل شديد وغريب..
أشبه بال nausea من الملل.
وبينما كنت عم بدور ع حلول لهالشعور.. قررت أفتح الآسك ومنه بجاوب إشي من المليون سؤال اللي عندي
وبحمد الله 99% من الأسئلة حسستني إنه حالتي رح تتطور لل vomiting إذا بقرأ كمان شوي منهم، نبذة صغيرة من الأسئلة هاي:
-إذا حبيبي اون لاين ساعات بعد م حكالي إنه بده ينام هل هيك بيكون بيخونني؟
-ليث خطب باركوله دفعة 97
*اللي هو انا بعرفش مين ليث ومن أي جامعة هدول الناس وليش بيبعتولي وانا مالي*
-هل الإهمال يُقبل من الرجل والمرأة؟
-ما رأيك بنهاية الحب ع الإنترنت هل هي ناجحة أم فاشلة ولماذا؟
..
اللي هو شعور "مشان الله.. فاهمة أنا وجود الجفاف العاطفي عند المعظم.. بس ياخي أنا ما دخلني.."💔

View more

+1 answer Read more

شو صار لو كنا بحلم؟ معقول احنا بحلم؟"

مرّت فترة بحياتك.. آه حياتك إنت.
كنت فيها بمكان عتمة.. ويوم عن يوم بتكبر.. و بتتغير.. و بتحس بأشياء زيادة عن اليوم اللي قبل.. وكنت مفكر إنه هاي حياتك.. لهيك بلشت تتأقلم عليها.. ومكونات جسمك وطبيعة اعضاءك كانت بتكفيك لهالمرحلة.. وفجأة.. ها.. فجأة.. إجو سحبوك من مكانك.. وصرت تعيط.. هاي دنيتي اللي عم تطلعوني منها! هاي حياتي! وين ماخديني!
بس ما حد سمع بكاءك.. ولا حد فرق معه صراخك..
مش بس هيك.. مش بس ما فرق معهم حزنك.. لأ.. همة صاروا يزغردوا ويحتفلوا ب قدومك ع "العالم"..
وسمعتهم بيحكوا إنه خلصوا ال9 أشهر.. وهاي ولادتك.. وإنت اللي كنت مفكر إنه هال9 أشهر حياتك.. طلعوا ولا شي بحياتك هلأ!
.
و هلأ عم يتكرر الإشي..
إنت عم تكبر بهالدنيا.. عم تتأقلم عليها.. هال63 سنة ولا اللي رح تعيشهم فيها مفكرهم حياتك.. و بس ييجوا يسحبوك من هالدنيا؟ رح يبكوا كتير ناس عليك..
بس هاي مش النهاية.. هاي البداية وقتها.. مشان بس وقتها.. بتكون جد وصلت ل حياتك الحقيقية.
ف ك جواب ل سؤالك
"هل معقول نكون بحلم؟"
-معقول، معقول أكتر مما بتتصور.

View more

Next