Ask @parksoha1999:

بعض العلاقات بتنتهي بسبب تدخل الأهل في حياة البنت والولد ولكل أهل وجهة نظر في انهم يخلوا ابنهم او بنتهم شكلهم حلو وسط الناس بغض النظر عن سعادتهم وأنهم ممكن يهدموا حياتهم ومبيخلوش في استقلالية ولا رأي في حياة اولادهم وكل ده بسبب مفهوم الأهل انهم خبرة في الحياة اكتر منهم..شايفين ان الأهل بيكونوا صح ؟

الباشمحاسب عبدو ☆~
الأهل بيخافوا على ولادهم وعايزين مصلحتهم مش أكتر .. ده أولا
ثانيا .. الموضوع ده يرجع لشخصية الولد او البنت مع اهله طول حياته ..
بمعنى ان الولد لو طول عمره متربي على انه ياخد قراراته بنفسه ويخوض التجارب ويتعلم من غلطه .. الاهل مش هيجوا عند موضوع جوازه ويضغطوا عليه .. اخرهم هينصحوه ...
والبنت لو اهلها بيعاملوها انها مسئولة وبتتحمل مسئولية ونتيجة اختياراتها .. برضو مش هيجبروها ...
انما اكيد اللي بيمشي ورا كلام والدته ومالوش شخصية ... اكيد موضوعه هيتفركش ... والبنت كذلك ...
انا مش بقول اخرجوا عن طوعهم .. بس كل واحد لازم يكون ليه رأي وشخصية مستقلة بين وبرضو يسمع لنصائح الاكبر منه ... ويا تقنعني يا اقنعك ..ظ انما شغل لوي الدراع .. وأمر واقع .. ده غير مقبول بالمرة 💜🌸

View more

Next