أيوة يسطا هنفضل نزيط بمكسب الزمالك على أصحاب القمصان الحمرا لحد ما الناشىء محمد هانى ما يبقاش ناشىء ، اؤمر يـ عسل ؟
تخيل انك تبقى كبير ومؤثر ومهم لدرجة ان جماهير بلد عديم كرة القدم تسخر منك لان فريقك لم يحصل على لقب بطل الدوري الأقوى في العالم .. حاجة كدة زي مواطن موزمبيقي يسخر مني لأني لم أحصل على جائزة نوبل في الطب مع الفارق ان انا مش محمد صلاح 👑🇪🇬🖤 .!
المكاسب العشرة للهجوم الايراني:
أولا: منحت اسرائيل فرصة تاريخية لاستعراض قوتها الدفاعية الجوية اللي نجحت في صد الهجوم بنسبة مية في المية وكان تدريب ممتاز لجاهزيتها ورد فعلها..
ثانيا: اسرائيل دلوقتي عملت تسويق على الهواء مباشرة لنظامها الدفاعي المعروف باسم القبة الحديدية ولصواريخ آرو ومقلاع داوود واي معدات عسكرية بتنتجها ممكن دلوقتي تبقا الاعلى مبيعا..
ثالثا: قدمت خدمة سياسية لبنيامين نتنياهو وحكومته لأنه الان يملك ذريعة ”حرب البقاء“ اللي محتاجها للاستمرار في السلطة ومواصلة الحرب ضد غزة..
رابعا: اي دولة مؤيدة لاسرائيل بقا دلوقتي عندها ذريعة سياسية تقدمها لشعبها على تأييدها .. دي دولة بتتعرض لهجوم وبتدافع عن نفسها .. ضحية .. وجيرانها متحالفين ضدها بيهاجموها وشمتانين فيها اهه..
خامسا: قدمت للجمهور العربي نموذج ممتاز على قوة اسرائيل الدفاعية .. المهتزين هيهتزوا اكتر والخايفين هيخافوا اكتر واللي كانوا بيشاوروا عقلهم دلوقتي اتأكدوا ان محدش يقدر يهاجم اسرائيل..
سادسا: صحصحت صورة الخطر الاسلامي على العالم المتحضر .. ما هو الغرب شايف اسرائيل عالم متحضر وشايف كل المسلمين كتلة واحدة ودي حاجة ايران حافظاها كويس من ايام استهداف سلمان رشدي ووضع مكافأة على راسه..
سابعا: راضيت الطراطير في الداخل الايراني والعربي والاسلامي وفرجتهم على مشهد من النوع اللي بيحبوه وبيبنوا عليه اوهامهم .. ولما لقيت مفيش صاروخ واحد ولا مسيرة من بتوعك لمسوا الارض عرضت صور لحرائق الغابات في كاليفورنيا وما شاء الله الغلمان مصدقين وكله سعيد..
ثامنا: اختبرت التحالف القوي بين اسرائيل وبين الولايات المتحدة وبريطانيا اللي هبت طائراتهم وانظمتهم الدفاعية الجوية للدفاع عن سماء اسرائيل.. جددت عهدهم سوا ..
تاسعا: اسرائيل ممكن تطلب اي حزمة مساعدات عسكرية او اقتصادية من اي دولة غربية النهاردة قبل بكرة .. انت قدمت الذريعة المناسبة لاكتساب اسرائيل مزيد من القوة..
عاشرا: ساهمت في الموسم الدرامي بمسلسل كوميدي عوض فقر الكوميدي خلال الموسم الرمضاني ووفرت مخزون من الضحك يكفينا لحد رمضان القادم .. انت عملت ضحك انجح من اكرم وشيكو وهشام بكتير
- الخلاصة :
لا يوجد في عالم السياسة العالمية بتاعتين في لباس زي ايران واسرائيل.. اي مظاهر تخالف هذه الحقيقة مجرد مظاهر ..
لو عايز تفهم العلاقات صح اسأل سؤال واحد: مين اكتر حد بيحقق للدولة دي مكاسب؟ هم دول حبايبها الحقيقيين..
بعد انهيار الاتحاد السوفييتي اصبحت القوة العسكرية الغربية آلة عالية التكلفة لكنها بلا عدو استراتيجي يبرر تكلفتها.. ايران هي اللي قدمت الاسلام كعدو استراتيجي مؤقت على ما الصين وروسيا يشدوا حيلهم .!View more
المهم زى ما توقعت ان ايران هتعمل عمل عسكري محدود وهتعمل اقصى ما تستطيع حتى لا يسقط فيه قتلى والموضوع هينام على كدة .. هل انا منجم؟ هل انا دخلت في علم الغيب مثلا وعرفت اللي هيحصل؟؟ ولا ده كلام مبني على اساس من المعرفة بالحالة العسكرية لإيران؟؟
تسمع عن حاجة اسمها الردع اللامتماثل؟؟ ده الركن الاساسي للعقيدة العسكرية الايرانية ، والعقيدة دي حولتها منذ الثورة والاسلامية النهاردة لجيش دفاعي فقط .. معندهاش امكانية انها تشن حرب هجومية شاملة .. مش على اسرائيل طبعا لأن دي محتاجة قدرات عسكرية هجومية جبارة.. بقولك ولا تقدر تعمل عملية هجومية معتبرة على اي دولة تانية..
الهجوم العسكري ده محتاج ايه؟ محتاج قوة برية
القوة البرية دي لازم يبقا فيها ما يكفي من القوة النارية اللازمة للعملية العسكرية المطلوبة، والقوة النارية بتاعة القوات البرية هي المدرعات والمدفعية .. المدرعات العصرية بتاعة الجيلين الرابع والخامس على الاقل.. والمدافع متنوعة الأعيرة والمديات المناسبة برضه..
ايران لا تملك من هذه النوعيات من السلاح ما يكفي لتسليح فرقة مدرعة واحدة عصرية .. وانت في الحرب الهجومية الشاملة محتاج فرق مدرعة وفرق مشاة ميكانيكي وفرق مشاة ..
ولأنها قوة عسكرية متأخرة هتبقا قوتها النارية الرئيسية في المدفعية .. هل ايران عندها مدفعية مناسبة لشن حرب هجومية؟ الاجابة باختصار: لا معندهاش..
واي حرب هجومية محتاجة سلاح جو يحقق القدر المناسب من السيادة الجوية في سماء المعركة .. وايران معندهاش سلاح جو يكفي حتى لحماية اقليمها ..
يبقا هل تستطيع ايران شن حرب هجومية؟ الاجابة: لا متقدرش .. حرب هجومية ضد اسرائيل وحلفاءها امريكا وبريطانيا على الاقل؟ لا طبعا متقدرش.. هل هي قادرة اقتصاديا على الصمود في معركة حربية ؟ لا طبعا مش قادرة دي عايشة بالعافية ولولا شوية الهوبهوب والترالملم اللي بيعدوا خلالها من افغانستان كانت جاعت ..
امال ليه محدش بيدخل عليها يسفلتها؟؟ ما هي هدف سهل اهه.. ليه محدش بيهاجمها هجوم يزيل تهديدها؟؟ علشان الردع اللامتماثل .!View more
زى ما كنت متوقع اللي هيحصل بالترتيب من غير ما اقرا الاخبار اصلا :
ايران هتتبع سياسة الخطاب المزدوج، الفردة الاولى موجهة للداخل (اللي هو الداخل الايراني والداخل العربي والاسلامي المستهلك للبروباجاندا الايرانية طبعا) ومفاده اننا هنحارب حرب شاملة نهائية حاسمة نستخدم فيها كل حاجة وكل حد وسننتصر وهتبقا نهاية العالم بأمر الله وبإذن الإمام الغائب..
والفردة التانية هي هجوم عسكري محدود لا يسقط فيه قتلى وده هيبقا كافي لاشباع الجمهور المستهلك للبروباجاندا لأنهم هيعتبروه طفرة وانتصار وتطوير للصراع إلى آفاق غيط البرسيم اللامتناهي الخضرة في الكفاح المسلح للمستضعفين والمهمشين..
دور على الحقيقة في القنوات الدبلوماسية اللي هتلاقي ايران بتخاطبها دلوقتي خطاب هادي وعاقل جدا، زي التواصل اللي حصل بينهم وبين المانيا مثلا واللي اكدوا فيه للألمان انهم هيردوا رد "محدود وملائم" على ضرب قنصليتهم في دمشق..
اعتبر ايران مجرد بروفايل على تيك توك هدفه الوحيد هو الترافيك وجمع اللايكات والتكبيس مش اكتر .. انت عمرك سمعت عن بروفايل تيك توك بيشن حرب شاملة؟؟
معلش انا اسف لمقاطعة يوفوريا السعادة ان في حد بيحدف طوبة على عدوك وانك تعتبر ده شفاء لغليلك مهما كان الضرر الواقع على عدوك تافه.. دي مش حاجة ايجابية خالص، ليه؟
علشان انت كدة بيحصلك إشباع جزئي لمشاعر العداء والانتقام .. انت لما تعتبر حدف الطوب انتصار عزيمتك للحرب الحقيقية بتتراجع وتبرد ..
الافضل ليك والاشرف هو انك تركز في حربك وتحاول تحقق فيها انتصارات حقيقية بدل التغذي على الوهم ..
لو عندك عدو وقضية اتعامل معاها بجدية واخلاص اكتر من كدة بدل ما تتفرج على حد بيسخفها وانت قاعد في البلكونة تسقفله .!View more
Cairo festival 🎊🎈❤️
بيبقى فيه جماعة كده عندهم أتتيود قروي غشيم بيعاملوا البنات (الحلوة بالذات) باستحقار وعنف مبالغ فيه لمجرد أنه يبعد عن نفسه شبهة أنه سيمب أو باعتبار أنه "هي فاكرة أنها عشان حلوة هنطبل لها ولا إيه" مع أن البنت في الأغلب بتكون لطيفة ومعندهاش الإحساس ده بالاستحقاق ومبتعاملش حد بشكل وحش،
ده بيفكرني بحاجة قريتها قبل كده أنه لو أنت رئيسك في الشغل أو المدرس بتاعك حد من قرايبك مثلا ده ممكن يبقى لعنة عليك لأنه ممكن يظلمك ويمنع عنك امتيازاتك حتى لو أنت شاطر وتستاهلها عشان يثبت لنفسه أنه مش بيحابيك لمجرد أنك قريبه،
المهم يعني أنه مفيش مبرر لكونك قليل الذوق مع حد لمجرد أنك متعقد من حاجة معينة أو عايز تنفي شبهة عن نفسك فحاول تبقى شخص طبيعي مع الناس من غير ردود فعل مبالغ فيها .!
هتكلم في نقطة معاملة بعض الستات لجسمهم على أنه جايزة للراجل لازم يتعب عشان يستحقها،
يا آنسة يا فاضلة أنا عارف وأنتي عارفة والأخ اللي بيشرب شاي ورا ده عارف أن الطرفين بيتبسطوا بأي علاقة جسدية مش الراجل بس، يعني الموضوع رايح جاي ومناولة مش مقاولة والانبساط اللي الراجل بيتبسطه بيبقى مقابله الانبساط اللي بتتبسطيه مش حاجة أكتر من كده، وبالتالي يا عزيزي الرجل أي واحدة تعاملك على أن جسمها أو العلاقة معاها دي حاجة بتعملها عشان خاطرك وجايزة ليك أنت لازم تتعب -أو تدفع- في مقابلها متستاهلش منك غير أنك تحتقرها،
ورسالة لعزيزي الرجل السيمب أنه يا ريت تبطل سمبنة (معرفش المصدر من سيمب إيه الحقيقة) وبطل أنك تبذل مجهود زايد عنها وتضرب مشاوير طويلة وتدفع فلوس كتير وتعزمها كل مرة لمجرد أنك تجيبها السرير لأن ده بيرسخ فكرة الاستحقاق النسائي لتمن "المتعة" اللي بتتاخد منهم وكأنهم يا عيني بيعملوه عشان سواد عيون الرجالة .!View more
اللي ظلمك مش شرط يجيله يوم ويندم واللي سرق منك ممكن يتهنى باللي سرقه عادي واللي خانتك مش شرط تتخان هي بعد كده واللي اعتدى على طفلة صغيرة ملهاش ذنب وقتلها ممكن يفلت باللي عمله ويعيش مبسوط بقية حياته.
الكارما مبدأ مريح نفسيا والإحساس بالعدالة بيخلينا ننام كويس بالليل بس للأسف دي كلها أفكار طفولية والدنيا مفيهاش عدالة حقيقية إنما إحنا مجرد بنحاول أننا نوصل لمفهوم العدالة بالنسبالنا على قد ما نقدر واللي عمره ما هيتحقق بشكل كامل، الحقايق دي يا إما هتخرجك من وهم العدالة المريح اللي كنت عايش فيه ومصبر نفسك بيه وساعتها أنا بتأسفلك جدا، ويا إما هتخليك تmove on ومتفضلش مستني العدالة دي تتحقق بشكل سحري لأن الحياة مبتشتغلش كده وتتقبل اللي حصل وتركز في مستقبلك بدل ماضيك 🖤 .!
لما تيجي تنزل صورة وتكتب عليها "بغض النظر عن الحباية اللي في مناخيري" أو "كسلت أسرح شعري" أو "مئة عام من نفسي أخس بقى" لأنك مكسوف من الحاجة دي في نفسك أو الصورة ده في الحقيقة بيخلي الناس اللي غالبا مكانوش هيلاحظوا الحباية أو شعرك أو تخنك يلاحظوها ويركزوا عليها حتى لو هي حاجة تافهة ومش ملحوظة أصلا وبيبان أنك إنسكيور من ناحيتها، ده بينطبق بقى على أي حاجة في حياتك لأن محدش بيلاحظ عيوبك زيك ومحدش بيركز في شكلك أو هيأتك بالطريقة التفصيلية اللي أنت بتركز بيها فخلي ملاحظاتك السلبية عن نفسك بينك وبين نفسك وقول لنا ملاحظاتك الإيجابية أحسن عشان ناخد بالنا من الحاجات الحلوة الصغيرة اللي فيك 🖤 .!
