Ask @pica_bAli:

‏• رسالة إيجابية 🌿💛 ..

Moaied Sise
في زمن مواقع التَواصل الاجتماعي فْقدنا التواصل بِين بعض حتى في الواقعْ.✔
فكرة الأصدقاء بدتْ مقتصرة على أحببته أحزنني ، مرات حتى التعليق مش لازم منه خلاص،مشاعرنَا وصلتْ عنْ طريق الايك 🤳🏻، واني من الناس هادم خصوصاً في الفترة الأخيرة، حتى الاتصالات نقصتْ بين بعضْ. 💙
لو زعلت من حد نلغي الصداقة لو بنسامحه نضيفه والشيء هذا يضحكْ على فكرة.📲
وقتنا صعب الإنترنت لحس دماغنا على قِد ما نحاولوا نبعدُوا عليه كأنه مرض تمكنْ منه ، العلاقات الشخصية ولت باردة اللماتْ ولت عبارة على البومْ صور للنت فقَدنا اللحظة اللي نلتموا على خاطرها،واللحظات اللي مفروض تنحفظ في عقلنا نحفظِت في النتْ، المباركات مختصرة على الخاص ونفس الشيء للحزن والمواسات بين بعض بدت عبارة على كلمتين في النتْ .🤍
كأنه بهذا الشيء وصلنا مشاعرنا لبعض، هذا علاش البرود بدي صفة أساسية من حياتنا .

مش غلط أنك تحفظ ذكرياتك في النت او توثقها ، الغلط لما نشوفوا إنَ هذا شيء أساسي، مش غلط لو تواصلنا على الخاص وهدرزنَا، الغلط لما نقتنعوا أنَ هكي وصلت المشاعر .💙
واقعنا بدي الإنترنت وأساس حياتنا وهو سيف ذو حدينْ،و مضطرينْ نتعايشوا معاه لذلك، نصيحة إتصلوا بأحبابكم حاولوا تعبروا على مشاعركم أكثر لبعضْ لانه حتى اللقاء صعبْ توا ،بس يكفي أنَ نوصلوا لبعض مشاعرنا ،ونرجعوا علاقات نسيناها في هذا الوقت وبسبب التواصل الاجتماعي.
نختاروا الصح والاسلوب الصح في تواصلنا مع أحبابنا ،مشاعرنا مش عبارة عن لايك ولا إضافة ولا احببته في الستوري مشاعرنا مش إختصارْ .💙
ꪑꫀડꫝꪖ

View more

Next