مساء الخير، محتاجة مساعدة لو سمحتو عندي برزنتيشن عن التقاليد الفلسطينية وهيك في مجال تحكو لي شو النقاط الي ممكن احكي عنها اذا ما عليكم امر وشكرا سلفاا🖤

مساء الورد ، تمام خليني اقعد مع جدتي اليوم وبشوف شو كان في عادات قديمة

بكون ممنونه جداا ✨🌻

بعتذر على التاخير
قعدت مع الحجة وحكتلي على اكم شعلة
اغلبها للاعراس وشو كان يصير باللاعراس وهيك
الزفة للعريس تكون على فرس , يغنولو ويحملوه
وكانو النسوان ييجو معهم مشاعل نار وقتها , ما كان على دورهم في كهربا
وكان بمنطقتنا كثير فيه بالبيوت صبر عالحيطان
ف يغرسو المشاعل بالواح الصبر عشان يضلو ضاويين والبيت ضاوي
وفي اشي اسمو الصمدة , الي هي عنا الخطبة
بتحكيلي كانو النسوان يقعدو 3 ايام يتعللو ويغنو للعروس وفي كمان ناس بعد الجيزة ب اسبوع تضل تغني للعروس
الحنة كانو يحنو العروس لحد كوعها والرجلين
بعدين كانو يدورو على السترة ما كانو يتطلعو على الذهب والمصاري , كثير مهورهم كانت قليلة
كان ممنوع الخطيبة تشوف خطيها او قليييل جدا , يشوفها بليلة العرس
الحماة كانت تصحيهم من الصبح يروحو يخبزو على الطوابين ويسرحو للزيتون ويجيبو حطب للبيت ويجيلو مي للشرب , اوقات كانت المرة تقعد 3 ساعات لحد ما تقدر تعبي مي
ويرحو على رجليهم
الشباب يعملو سحجة بالعرس واغاني ويجيبو الحطب ويضلو مولعين نار ويغنو
في شغلة غريبة شوي , كان لما يصير في خسوف قمر ما كانو يعرفو انو في اشي اسمو خسوف , كانو يفكرو انو في حوت بلع القمر ف يطلعو الناس عالشوارع يجيبو كل الطناجر والصحون الحديد ويضلهم يضربوهم ببعض ويحكو كلمات بمعناها انهم يخوفو الحوت عشان يرجعلهم القمر
تقريبا هاد اغلب الي حكتلي اياه

شكرا كثير الله يسعدك ويوفقك وييسر لك امورك كثيييير واستفدتتتت ♥️♥️♥️غلبتك معايا

العفو 🌸
والك بالمثل 💙
شوفي السؤال الي تحت اذا بدك اكثر!

ياليت الله يسعدكم♥️♥️

تمام اول ما يوصلني بنزل السؤال

وانا المغرب رايحة عند ستي إذا بدها كمان شغلات عن التراث

اه يا ريت بتحكيلك 🌸

زمان كانو كل العيلة ساكنين في بيت واحد كبير وكانت البلد كلها تساعد بعضها بكل موسم كمثال موسم الزيتون يتفقو يوم المعونة بحكولوا ينزل كل حدا بقدر سواء من نساء رجال بنات شباب حتى الاطفال كانو يصلو الفجر وينزلو ع الأراضي لحتى يلحقو الشغل وكان الاكل ع الحطب في الأرض لما وحدة بدها تخبز بالطابون

الله يخليلك اياها وما يحرمكم منها ويطول بعمرها يا رب ، قرات كل شي ، 90% من الي مكتوب نفس الي حكتو ستي
1

لما وحدة بدها تخبز بالطابون تحكي للحارة كلها عشان يخبزو عندها ويلتمو النسوان طبيخهم كتير بسيط كان من الذرة لانو كان متوفر أكثر من القمح لما يكون في عرس الجيران بساعدو أهل العريس في الطبيخ لانو من العادات انو العريس يعمل غدا لكل البلد وكان الغدا عبارة عن رز وبندورة مع بعض وجديد صار منسف

2

وفي اشي اسمو حمام العريس هاد بكون اي حدا من البلد بيعزم العريس ع الحمام وبس يخلص الحمام بكون في واحد بحكولو الحدا الي بصير يغني والشباب يردو وراه وبكون العريس راكب ع الفرس وحامل شمسية مزينة والنسوان بكونو يغنو ورا الشباب وبكونو الناس الي ساكنين ع الطريق يرمو حلو من السطوح ع الشباب لتعبر عن الفرح

3

على عيني وراسي خيو

هي الاجوبة بعتتهم الصبية 🌸

ويخليلك احبابك ويحفظلك اهلك من كل شر

اللهم امين 💙

يا الله قديشكممم لطيفيين كثيير كثيير شكرا الله يجزاكم الف خير والله ينور دربكم ويوفقكم يارب ♥️♥️♥️♥️♥️

الله يسعدك ، انتِ الطف 🌸
العفو ، موفقة ان شاء الله 💙

ويسعد قلبك خيتو الناس لبعضها وبعدين انا وقيس كرمية عشان هيك اغلب العادات الي حكيناها بتشبه بعض 😊 وموفقة وربي ينجحك ويعطيكي ليرضيكي

حياكي الله خيتي💙

اليوم حقدم البرزنتيشن الي ساعدتني فيه الله يسعدك دعواتكك 😭

الله يوفقك ويكون معك وتجيبي علامة اكثر من يليل بدك اياها 💙💙🌸