يَدك لا مدت وفا لا تحرى وش تجيب..
كان جتك سالمه حب يدك وخشها!
أنا عزيز الرّوح يا عزّة النفس
دايم أرد أشياء أحتاجها حيل.
نفسي عزيزه ما تربت على الذل
ولو ما ملكت الا بريقن ودله !
ليتني مثل النخل مَ يجيب الا التمر
لجل ما يزعل علي . . فلان ولا فلان
لو بالعمر وقفه قبل وقفة الموت
وقّفت عمري في قديم المواعيد !
عن كبار الحسايف والندم وجروح ليه وليه
على الدنيا السلام بـ كل ما منها و ما فيها .
رحنا ضحايا سلوم وحطام عادات
لين استوىٰ ذنب الوصل والقطاعه .
خلك على قد المفارق لا فارقت
ما الله على بعض الاوادم فرضنا
أقدّره .. و اشاركه في حزونه
وأثره عدو لي خبيث الطبايع !
ياما ورى بعض ابتسامات الوجيه
خواطرٍ ، جار الزمان وكسرها !
