جايني نصيب وكويس وولد ناس
بس خايفه من خشه لعائلتي جديده
ديمه نخاف منها فكرة هاذي
نخاف يحكمو عليا بشي ولا نغلط في شي
ومعاش نبي نرفض ونرد
تعبت بجد، شن ندير💔💔
حاولي الفترة الاولى تقعدي ساكته .... أعرفي طبعهم و شوفي كيف تصرفاتهم إتجاه أي شي بعدها حتنطلقي و حتفهمي كيف تتصرفي 💚
دامك تفكري هكي بتقعدي لدلك خليك واثقه من نفسك وانتِ خاشه لناس مش وحوش تمشي كويس يمشوا معاك كويس وحتى شفتي العوج لوحي وراك وتمت👍
ربي يهنيك ويقدملك اللي في الخير💛
خشي ع العيلة ماتخافي كيف النيتو ع القدافي
مدام الولد كويس ماتتردديش بكل وافقي .. وأصلاً إلي فيه خيرتك ربي حيختارهلك
صلي استخارة وتوكلي كان فيه الخير ربي حيكمل عليك وكان مافيشي خير ربي حيبعده عليك❤️
ارفضي لأن بتعبيهم معاك 🙋🏻♀️
صلي استخارة❤️
معاش تتعمقي حتتعبي .. ربي يهنيك ويسعدك
ربي يسعدك وخيتي..🖤
ديري استخارة وتوكلي على ربي ❤️ وصفي نيتك و عامليهم كويس ؛ الا مابتصير مواقف وبتنظلمي مرات بس حاولي لما تخشي تكسبيهم لصفك ومتعاوديش دوة عزوزتك وحماتك لسلفتك !!! ولا العكس ! بتردحي عند اماليك عليهم اردحي لكن عندهم لا !
وحتى لراجلك متنقرزيش ! اهم شي هو اكسبيه واهتمي بيه و احترميه وقيميها بيه بين خوته وخواته تو تشوفي الحياة (المريحة) منقدرش نقولك مثالية ولا الواااو لكن بترتاحي لو كنتي شاطرة و مش لقاقة دوة وخليك رقيقة وناعمة ف معاملتك معاهم خصوصاً امه مهمااااا غلطت فيك ردي بالك تديري روحك ند للند ليها لأنها أم ❤️ وقلبها ع ولدها مش زي قلبك انتِ عليه ❤️❤️ وكانها من النوع تحب تفخفيخ ❤️😂 قيميها بيها ديما : ولله ماما تقولي محلاها عزوزتك تخش الخاطر ولا خالتي تسلم عليك ومن الكلام المنمق هدا 🤭❤️❤️ تبي اي نصيحة تانية معندكش مشكلة 😂🖤
اللطف ياربي علاش الخوف وعلاش بيحكمو عليك مافهمتش كيف تفكرو بس
تفكرو ف حاجات غريبه بجديات الي تفكر ف حماواتها وعزوزتها انهم مش كويسات وتحكم عليهم من قبل م توصل فيه مش هكي الموضوع راه خودي كل شي ببساطة كأنك ماشيه لحوش عمك وهو فعلا هكي وعيلة جديدة وناس جديدة وحلوة خليك ايجابية خلي تفكيرك ديما حلو صدقيني الواقع ح يكون هكي ☺