💓؛

♔'M O H Δ M M Ξ D'♔
أسوأ مراحل فُراق شخص عزيز عليك بالموت، لما تلاقي نَفْسك بتنسى ورايح تتصل على رقمه، لما يوحشك أو تحتاج مشورته، أو حتى عايز تسمع صوته من غير سبب معين، أو تروح تدوَّر عليه في المكان اللي كان بيقعد فيه في البيت، تبص على كرسيه، الركن اللي كنت متعود إنه دايمًا ماليه، بس دلوقتي بقى فاضي.. الإعلامي "محمود سعد" حكى من خلال قناته على يوتيوب في مرة عن ذكرياته مع والدته، وإزاي كان متعود يشرب معاها القهوة كل يوم الصبح قبل ما يروح شغله، ولما كان بيبقى مستعجل وعايز ينزل بسرعة، كانت تستبقيه بموضوع جديد تفتحه، وبعدها تقوله وهي بتضحك: "بُكره تدوَّر عليا ومتلاقنيش".
ويمكن دي من الحقايق القليلة الثابتة في الحياة، فيه ناس من غلاوتهم على القلب، مهما طال فُراقهم، مهما كبرنا ولفينا والدنيا عملت فينا، بنفضل ندور عليهم في كل حتة، ومبنلاقيهمش.
ـــــــ 💔🙂