- " بعمرك لاتاخد رفيق من ورا ضحكة
وكلمة حلوة هيك الدنيا بتعلمك " 🖤 !
لأنو الرفيق الحقيقي هوي يلّي بكون حدّك بلا ما تعرف أنت،
بكون موجود بوجعك ، بحزنك ، وبزعلك قبل ضحكتك ..
- بحاول يعطيك قوّة ما كنت بتعرف أنّها جواتك
وقادر يعطيك حبّ بلا ماتطلبو ..
- بقلّك أنا هون حتّى لو كانت نفسيتك بشعة ، بالرغم من مزاجيتك اللي أنت بتكرهها ، و من حزنك وتقلبات مزاجك الدائمة
- رفيقك اللّي عطول بخلّيك تحسّ بجمالك ، بتيابك العاديّة اللي مانها ماركات ، وبوجهك الباهت ، وبعيونك المليانة هالات وسواد، من تعبك النفسي وتفكيرك.
- هوّي اللّي بحطّ إيدو ع قلبك وبشدّ عليه ليرجع يقوّيك ومابعمرو بينطر كلمة شكر منّك ، وقتا بتعرف إنو اللّي بيناتكن شي روحاني من عند الله
إنو الرّفقة مانها بالحكي لساعات ومشاوير وضحكات بس
و أنها أكبر بكتير من كم كلمة شكر ..
- رفيقك اللي بيدعمك بكل خطواتك ، بجنونك ،
بمشاريعك الفاشلة ، بعلاقاتك وأخطاءك ..
- اللّي بآمن فيك وقت أنت تبطّل تآمن بحالك
- عطول بحاول يعطيك ثقة بحالك باللحظة اللّي أنت بتكون فيها عم تنهار
- مستعد يسكت لساعات وهوي قاعد حدّك لأنو بيعرف نفسيتك هيك بدها ، بالرغم من سكوتك بضلّ حدّك ليقلّك أنو هوّي هون وسند إلك حتّى لو ما حكيتو .
- رفيقك اللي بحبّ جنونك وضحكتك اللي صداها ممكن يوصل لبلد تاني
- بيعرف شو بتحبّ وشو بتكره كيف الجانب اللي بتحب تتصوّر فيه وكيف قهوتك بكاسة أو بفنجان
- بشاركك بتفاصيل الكلّ بيهرب منها بس هوي بكون حافظها
- مستعد يسمع مشاكلك لساعات ويعرف من نبرة صوتك أنك تعبان أو زعلان أو مكتئب.
" هاد فعلاً بكون رفيقك "
- اللّي حتّى لو غبت لأيام بتوصلك منّو رسالة بكم حرف " أنا حدّك " ، وكأنو اختصر كلّ الخوف وكل الشوق والحزن.
- أنا حدّك ببشاعة الأيام اللّي عم تمرّ فيها، أنا حدّك بلون وجهك الأصفر وبتجاعيد قلبك لمشاكلك ومزاجيتك
" أنا حدّك" ع المرّة قبل الحلوة ، والزعل قبل الفرح.
- " هاد هوي الرفيق الحقيقي " 🖤 !
View more