مُنتّي عليّ .
_
بِقولوا الدّنيا حظوظ
بس الحقيقة أنّو الإبتلاءات بتختلف من شخص للتاني
ما في حدا غير مُبتلى
و كلّما ربّنا حبّ عبدو بيبليه أكتر
ليجزيه عوض صبرو و يكفّر عنّو سيّئاتو
في إبتلاءات ظاهرة بفسّرها النّاس قلّة حظّ و في إبتلاءات مخفيّة ما حدا بيعرف وجعها غير صاحبها و الظّاهر للناس أنّو محظوظ....
في شغلات بتتيسّر و في شغلات تانيّة بتتعسّر
في رزق مكتوب بالسّما
وفي حرمان اليوم بكافيك عليه ربّنا بكرا
في شغلات ناقصة بحياة كلّ شخص و في نعم كتيرة ربّنا رزقنا ياها
في فقد و في عطاء
في موقف يكسرك و خسارة توجّعك
وفي قدر حلو يجبرك و عوض يسعدك
الدّنيا مو حظوظ ؛ الدّنيا أقدار ؛ و ظلم الدّنيا بيمحيه عدل الآخرة 💙!
ليكِي دالّـيا 💙؛
_
من الأخر أنا دائماً بكون عكس توقع الي بشوفني
من بعيد بشوفني نفسية ومزاجية وشايفة حالي
وبس يقرب مني بلاقيني فرفوشة وبايعة الدنيا وصارفة حقها ؛
بتمر عليي أوقات بكون بعيدة عن الناس ومالي خلق بسبب مزاجيتي المفرطة
وأوقات بكون بحاجة لكلمة حلوة بس لأطلع من جو الكأبة الي بكون فيه
بتلفتني التفاصيل وبتسرقني الأشياء القديمة 🔗!
رَهّف 💙؛
_
بعدد كبير من العلاقات يلي بحياتنا وبطريقة غير مفهومة؛بشوف إنو الناس يلي عايشين علاقات سوية صارو أحن و أروق و أهدى و بيواجهو الأزمات بثبات أكثر وقوة أكبر لأنو بيعرفو تماماً إنو في قلب ثاني عم يحارب معهم حلو إحساس إنك كافي لحدا و إنو أنت كمان مكتفي بحدا؛إنسان بيشبه المخزون الاستراتيجي للدول، الدنيا قست عليي عادي أنا فزت بهالشخص؛ حدا تركني عادي كثير في حدا ناطرني بآخر الطريق؛حدا قال عني بشعة ؛غليظة كمان عادي في حدا شايفني أحسن وأحلى حدا بالعالم؛الكتف الآمن يلي مستحيل تخاف من الوقعة وهو حدك 🔗!
من تصرفات الشخص بتبين معك مع الوقت
انت كون صادق معها وتقدم خطوة وصارحها وشوف ردة فعلها ساعتها بتعرف ايش الصح 💙
والله يوفقك 🙏🏿
سَعّد 💙!
_
نحنا منزعل لمّا يصيبنا أذى أو لمّا نفقد شي غالي علينا
عنا إيمان بالقضاء والقدر بس رح تضل حسرة جواتنا خسارة هلشي
بس لماّ نفكر بهالجملة " عوضي عَ الله " رح يهون الشي شو ماكان ، ربنا بياخذ وبيعطي وعطا الرحمن مابعدو عطا
لهيك نحن منستاهل الأحسن و ربنا ما عندو غير كل خير 🔗
_
الاء 💙🔗
_
ترا كثرة الزعل تخلي الخاطر يطيب مهما كانت قوة ونوع العلاقه وترا عندنا حياه غاثتنا بما فيه الكفايه فلا تزودوها والله محد له خلق يقعد يراضيك كل شوي يعني لملم اعصابك وكبر دماغك ومرّ بخفه ، ويا ريت تفهمو انو الواحد يحتاج علاقه تجيب الو الراحه وتخليه مبسوط مو علاقه تتعبه وتنكد عليه 💙!
مو هيك !
مُهند 💙!
_
الحياة ما بتوقف على زعلك وعلى طول بتاخذ منك حقك بالأنهيار والزعل
يعني على طول أنت مجبور تكمل لأنو عندك مسؤوليات ؛
لأنو الناس يلي حواليك بحاجتك ؛لأنو عندك أمتحان بدك تدرسلو شغل تروح عليه والقصص كثيرة يلي بحياتك
لهيك يا رفيقي مافي شي اسمو "رح أختفي وكل القصص توقف لبين ما صير تمام وبرجع بكمل "
بدك تواجه ، بدك تمرق بكل القصص حتى لو زعلان حتى لو كانت الدنيا مش ع هواك 🕊!
مش عيب أنك تلبس ملابس بتحبها أكثر من مرة، ولا عيب ان يكون تليفونك أقدم من تليفونات صحابك، ولا عيب إنك ترجع للبيت بدري رغم كبر سنك لأن عائلتك بتخاف عليك، ولا عيب أنك تشتغل بأي وظيفة تدخلك مال حلال وتكون سند لعائلتك ولنفسك 💙!
العيب هو اهتمامك الزائد بإرضاء مثالية غيرك
_
يسعد قلبك 💙
