ما بك! تضحك أمام الجميع وكأنك اسعدهم وتبكي كطفل يتيم عندما تكون وحدك - الحياة قاسية بما يكفي لجعلي تعيس اضحك جهراً وابكي سراً خوفاً من اجابات الجميع المعتادة " لا بئس حزنك بسيط لا تضخم المواضيع " ابكي سراً لأن نفسي وحدها هي من تعلم ان حزني كبير وليس الموضوع بتلك البساطة التي يتحدثون عنها .
انا مليت٢تعبت ف قمت كلمته مانا بنته هيفهمني! ومفهمنيش ضيعت وقتي ف حزن علي الفاضي واديني بعيش قدرت اقسي قدرت انسي ومبياديش لأول مرة من فترة يهل الليل شايل صورته وأقول عادي لأول مرة اسأل قلبي عن صوته يقولي نسيت واقول ازاي! بقيت نساي ومش فارق معايا البُعد ازاي قابلته صدفة في الشارع ومهتمتش ولا حنيت انا خفيت لأول مرة يبقي الحلم هو البيت بقيت بضحك بقيت احسن ومش بشتاق بقيت مبخافش لو يتقال فيوم يا فراق بقيت اقوي وبستقوي ومش فارق لأول مرة مستناش يفوت الليل ولا حتي احس بطيفه حواليا ولا ليه صور فيا ! ولا يتمشي في خيالي بقسوة وذكريات تكسر لأول مرة اتأكد بأني كسبت وأنه لسة في مكانه ضعيف مهزوم خسر ف حياته وبيخسر وانا واقفة .. وناجحة وثابتة وبعافر بحقق حلمي وبسافر بلاد الله وهو في ركن في الأوضة بيبكي ويشكي وجع ال " آه " لأول مرة معرفش اميز صوته ف التليفون وأقول أيوة بتطلب مين! يقول آسف .. اقول اهلا - وحشتيني؟ ورايا شغل مش فاضية إذا حابب مساعدة في شئ انا كالعادة بنت اصول يقول .. نرجع! أقول معلش مش سامعة وبكرة نبقي نتكلم يفوت بكرة .. يفوق بعده تعدي شهور وأنا بنجح وهو لوحده بيعيط عشان مكسور أهيه الدنيا وأهيه الأيام وداين بس راح تدان بحق دموع عينينا زمان اديك عمال تسد الدين ومش عارف تروح علي فين ومش لاقي في حياتك خير ولا لاقي لجروحك بيت وانا بنجح وواقفة وثابتة وبقولك.. انا خفيت #أميرة _البيلي
قلبي العجوز ابو ضحكة اجمل من معاهدات السلام ماتت في عينه اللهفة للفوز بالحروب كتر الهزايم حوله لعداد مستني فشله بنفس راضية مسلمة ملت سجايره وراديو بيته من الروتين حتي الشقوق في الحيطة صبحت تشبهه ورقه اللي طاير من أنين المروحة اعتاد يكون ع الأرض في الضلمة بعد اما كان فوق ف السما عصفور طليق القهوة مُرة حزينة مبتضحكش صوت ام كلثوم يكسر ملل فكره وتزيد في همه بكلمتين للهجر شكله اللي شاب م الفرقه والاحزان قلبه اللي شقق من جروحه الخام كتر البكا مع كترة الكتمان جعلوا اللي باقي منه يصبح كهل الكسرة صعبة لو تكون م الأهل الوحدة وحشة وأمرها مش سهل والناس بتمشي بسرعة مش علي مهل وديما هروبه بيبقي للدخان تلت السكوت بيكون ف اخره كلام لكن لأن الحظ محلفهوش معرفش صاحب يبقي حضنه أمان يسمع أنينه ويحتوي خوفه ياخد بأيده بقوة ف ظروفه يسند كتافه بكل حرص عليه علشان كدة قرر يكون وحده ويسيب لقلمه الفضفضة في الحزن علشان كدة بيكتب! ف تفيض دموعه ف شعر بيعري يشكي الجروح لأصم علشان بيخشي نظرة الشفقة ويخاف أوي من جواب " معلش " يحضن سجاير قابلة يحرقها يحضن ورق بعد اما يشكيله بيقطعه ويرميه يسكن في صوت الست ف الراديو ويسكن حجات مش ناوية تجرح فيه الأهل : الكسرة منهم تقطم الوسط الحديد السن : عشرين .. لكنه كهل بالتجاعيد الحب : اصعب سبيل للموت الصحبة : ترميك ف بطن الحوت الحب : سم القلوب الحلو .. الحب : ناصح أوي ابن الايه يبهرنا ف يزيد الشره والشغف والحب والدهشة تتحول الوحدة لتانجو بين اتنين يتحول الكتمان للفضفضة بالعين تتحرر الأحلام .. ويكون لها جناحين لكن لسوء الحظ السم له مفعول - المفترق .. - بعد الفراق هتقول : " طب كل دة كان ليه " كان ليه؟ كان ليه تحب في ناس مبتحبش كان ليه تثق في صحاب مبتشدش كان ليه تكون في الدايرة من الأول ! - واقف بكلم نفسي في مراية وبقول كبرت! عجزت ياللي من يومين كنت بتذاكر حساب دفعت روحك في الحساب مستني ليه يوم الحساب كأنه هو النجدة م المأساة خايف تموت منتحر لكن بتستعجل عذرائيل ييجي وتلح يومياً عليه ترجع تقف في مراية كل يومين وتقول في نفسك طب كل دة كان ليه! مزهقش لسة القلم ولا قل صبر الوحدة من كتر احزانك لكن لأمتي هتفضل بتعزي احلامك وتموت حاجات جواك ؟ كل اللي قربت له كان حضنه هو أذاك أهرب.. مانا هربان .. بس الهروب طول محتاج اعيش
اسكندرية الساعة كانت 5 تحديداً والشمس بتزق الضلام بأيديها علشاني حاولت تقولي متخافيش انا جيت وبزيل بأيدي الذكريات وطلعت بلكونة قدامي بتطفي انوارها شباك يميني بيتفتح بهدوء حارس عمارة بتطل عـ الشارع فتح بيبانها وبيأكل العصافير وتاكسي مار من تحت بيتي لجار قريب مني بيقول صباح الخير لأشغاله صبية فاتحة دراعاتها ومشغلة فيروز وقهوة بردت وعلب سجاير افرغت قوتها وأنا روحي حالفة ترد علي المشهد كالعادة بـ سكوتها .. أوراق كتير جواها شِعر اترمت لـ نصوص بداية سردها موتها وبراود النوم عن نفسه مقبلنيش! ورفضني لما الذكريات علت معاه صوتها سكك كتير كان نفسي متفوتنيش رغم أن عقلي قاللي هتفوتها وفضلت اقاوح فـ الفراق وأمسك وقلبي كورة الكل بيشوطها إسكندرية الفرقة فـ شطوطها .. هتروحلها فـ حزنك! هتعود سليم لكن بدون ما تحب! إسكندرية الطيبة والطب بتداوي وجعك لو بعيد عنها هتحب منها وتيجي تشكيلها هتزيد فـ حزنك م الوجع أضعاف إسكندرية مطاف! واستانلي كعبتها الكوبري دة يشهد علي الف قصة حب ماتت بدون ما يدب شيب العجز فيها! إسكندرية حلوة وتجيها لما يكون الحزن براها علشان كدة اهرب! إسكندرية انين! كل البشر فـ الظلم مُتعادلين كل الي ساب اتساب بدون علة أنا كنت قولت زمان! " قلب الفراق كافر ملوش ملة " وإسكندرية الشتا والفرقة والأحزان متجييش وايدك حاضنة فـ الكتمان هتعري وجعك للشاطبي وتقوله والشاطبي مبيسترش علي إنسان ! هتروح جليم تلقيه بيبص لك شفقة ابوقير تطل عليه وفـ عينه حزن وخوف! إسكندرية مطاف! مش اي حد يطوف لو كنت قادر ع الطواف روح لها إياك تبين ضعف وتقول ها! إسكندرية الحزن لو منها! هتشوف دموعك فـ المطر فيضان! إياك تكون فـ إسكندرية وانت مش ولابد البحر فـ الأحزان عنده لسان بيرد فـ اياك تجيلها وتشتكي منها هتروح لبلدك والجروح ملياك💔 في الشاطبي تلقي هناك راجل فقد قلبه مع موجة قاصدة تفرقه نصين ولحد هذا الوقت مش ناسي بيجيي ينده عليها كل يوم بدون حركة ، بدون ما يمل ثابت وعنده يقين بأنها سمعاه ف عز البرد واقف والموج بيخبط فيه ويقوله ماتت فوق يرفع عينيه بكسرة ويقول يارب عايزها ترجع ليا لو ثانية البحر خدها بدون ما يستأذن كات جوا حضني .. بس راحت فين يارب اجيبها منين!! يا بحر هاتها احضنها مرة كمان او حتي اطول في السلام او بس اودعها بضمير طب خدني يمكن عيني تلمحها
سم الفراق يا صبية فات فيا سم الحنين زي الرصاص بظبط ازاي هتفضل ف الحروب وحدك وازاي هتنسي للحظة ايامها جربت تزرع ورد مجانتهوش والسم صابك بس في سلامها كان كل حلمك ف الحياة هي كان كسر قلبك كل أحلامها ازاي هتقدر تنسي وتكمل ؟ #أميرة_البيلي