Ask @raniakhaled18:

-

أجر'
لازم كل فتره الواحد يقف مع نفسه ويشوف :
ايه الالفاظ اللي مكنتش بقولها وبدأت اقولها؟
مين اللي أسأت الظن فيه وطلع احسن مني ؟
ايه العباده اللي كنت مواظب عليها وحاليا مبعملهاش؟
ايه الذنب اللي كنت نافر جدا منه وبقيت اعمله دلوقتي؟
ايه الأثر اللي هيفضل موجود ف قلوب الناس لو مت دلوقتي ؟
هتلاقي كمية تنازل ووقوع رهيب من اليوم للتاني ..للأسف احنا ف زمن فتنه
فتنه عجيبه فجأه اللي مكنتش بتعمله هتلاقي نفسك بتعمله دلوقتي وتجاهر بيه لو ما وقفتش وقفه صارمه وكنت حازم جدا مع نفسك هتبدأ تنحدر وهتوصل لدرجة مش هتعرف تسيطر علي نفسك بعدها
متحاولش تلاقي مبرر لنفسك مفيش اصل الناس كلها بتعمل كده.. انت هتتحاسب علي اعمالك لوحدك
مفيش اصلي لو معملتش كده هيقولو عليا كذا وكذا ...الخوف من ربنا بس... اقف مع نفسك وقفه تفوق بعدها
نفسك اللوامه لو مغلبتش نفسك الأماره بالسوء يبقي انت ف خطر شديد جدا ومحتاج وقفه واعادة تأهيل ...
منقول

View more

____ 🌛 🌒

Mahmoud Shokry
بعد بكرة العيد .. اليوم دة بيفكرنى بذكرى غريبة جدا .. من سنتين و زى النهاردة كنت بعدى طريق العربيات .. لقيت ناس كتير موجودة حوالين مكان معين عمالين يقولوا لا حول ولا قوة الا بالله .. فى الوقت دة الإسعاف كانت بتقرب و بيشيلوا الجثة إللى موجودة على الرصيف .. كل دة وانا واقف مراقب الموقف بالكامل لكنى لا زلت مش فاهم الموضوع كويس ... تانى يوم الصبح وانا معدى رحت عشان اسأل صاحب الكشك إللى جنب الطريق عن إللى حصل امبارح وكان دة رده ( قبلها بشوية كانت الإشارة مقفولة وكان فى طفل صغير قاعد على جنب و هدومه مش ولا بد واضح إنه كان عيل غلبان أو من إللى بيبيعوا فى الإشارات .. بعد شوية كانت الإشارة فتحت فى اللحظة دى لقيت الولد طلع يجرى وهو سايب المناديل إللى بيبعها وطلع يجرى وهو مش شايف قدامه.. لحد ما جات عربية خبطته اتسبب فى فتح دماغه وحصل له نزيف .. ) شكرت الراجل و مشيت بعد ما سألته عن الحاجة إللى كان بيحرى عليها الولد الصغير .. الطفل أحمد سعيد مات عشان يلحق ياخد لعبة واقعة من عيل صغير كان مع والده فى العربية قبل ما تدوسها باقى العربيات ... من وقتها أنا و مجموعة أصدقائى بنوزع كل عيد لعب مختلفة على الأطفال اللى ملهمش حد فى الشوارع .. عشان متتكررش الحكاية مرة تانية .. حكاية الطفل أحمد سعيد .
- مصطفي ابو ضيف..🖤

View more

Next